ಮಾರ್ಕ 15:15 - ಕೊಡವ ಬೈಬಲ್

¹⁵ ಅಕ್ಕ ಪಿಲಾತ: ಜನಳ ಕುಶಿಪಡುತ್‌ವಕಾಯಿತ್, ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಮಾರ್ಕ 15:15 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 29:25

ಮನುಷ್ಯಂಗಕ್‌ ಬೊತ್ತ್‌ವದ್‌ ಬಲ್ಯ ಕೆಣಿ, ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಇಡ್‌ವಂವೊ ಸೌಕ್ಯತ್‌ ಇಪ್ಪ.

ಮತ್ತಾಯ 20:19

ಅಯಿಂಗ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವ. ಅಯಿಂಗ ಅಂವೊನ ನಾನಾತರ ಬೈಗಳ ಬೈಯುವ, ಚಾಟಿಲ್ ಪೊಯ್ಯುವ, ಪಿಂಞ ಶಿಲುಬೇಕ್ ಇಡ್‌ವಕಾಯಿತ್ ಯೆಹೂದ್ಯಂಗಲ್ಲತಯಿಂಗಡ ಕೈಯಿಕ್ ಒಪ್ಪ್‌ಚಿಡ್‌ವ. ಆಚೇಂಗಿ ಮೂಂದನೆ ದಿನ ಚಾವ್‍ಯಿಂಜ ಜೀವವಾಯಿತ್ ಅಂವೊ ಏವಾಂದ್ ಎಣ್ಣ್‌ಚಿ.

ಮತ್ತಾಯ 27:26

ಅಕ್ಕ ಅಂವೊ ಬರಬ್ಬನ ಅಯಿಂಗಕ್ ಬುಟ್ಟ್ ಕೊಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಕ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಮಾರ್ಕ 10:34

ಅಯಿಂಗ ನಾನಾತರ ಬೈಗಳ ಬೈಯುವ, ಚಾಟಿಲ್ ಪೊಯ್ಯುವ, ಮೂಡ್‍ಕ್ ತುಪ್ಪ್‌ವ ಪಿಂಞ ಕೊಲ್ಲುವ; ಆಚೇಂಗಿ ಮೂಂದ್ ದಿನ ಆನ ಪಿಂಞ ನಾನ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಎಣ್ಣ್‌ಚಿ.

ಮಾರ್ಕ 15:14

ಅಕ್ಕ ಪಿಲಾತ: ಆಚೇಂಗಿ, ಎನ್ನಂಗ್? ಅಂವೊ ಎಂತ ತಪ್ಪ್ ಮಾಡಿತುಂಡ್‍ೕಂದ್ ಕ್‍ೕಟತ್. ಆಚೇಂಗಿ ಜನ ಇಂಞು ಜೋರಾಯಿತ್: ಅಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:33

ಅಂವೊನ ಕೊರಡಿಂಜ ಪೊಯ್ಯುವ ಪಿಂಞ ಕೊಲ್ಲುವ, ಆಚೇಂಗಿ ಮೂಂದ್ ದಿವಸ ಆನ ಪಿಂಞ ಅಂವೊ ಚಾವ್‍ಯಿಂಜ ಜೀವವಾಯಿತ್ ಏವಾಂದ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:16

ಆನಗುಂಡ್ ಅಂವೊನ ಕೊರಡ್‍ಲ್ ಪೊಯ್ಯುವಂಜಿ, ನಾನ್ ಅಂವೊನ ಬುಟ್ಟ್‌ರ್‍ವೀಂದ್ ಎಣ್ಣ್‌ಚಿ.

ಯೋಹಾನ 19:1

ಅಲ್ಲಿಂಜ ಪಿಲಾತ ಯೇಸುನ ಒಳ್‍ಕ್ ಕೊಂಡ್ ಪೋಯಿತ್ ಕೊರಡ್‍ಲ್ ಪೊಯ್ಯುವಕ್ ಎಣ್ಣ್‌ಚಿ.

ಯೋಹಾನ 19:16

ಅಕ್ಕ ಪಿಲಾತ ಯೇಸುನ ಶಿಲುಬೇಕ್ ಇಡ್‌ವಕ್ ಜನಡ ಪಕ್ಕ ಒಪ್ಪ್‌ಚಿಟ್ಟತ್. ಸಿಪಾಯಿಯಂಗ ಯೇಸುರ ಮೇಲೆ ಅದಿಕಾರ ಎಡ್‍ತಂಡ್ ಕೊಂಡ್ ಪೋಚಿ.

ಅಪೊಸ್ತಲ 24:27

ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 25:9

ಅಕ್ಕ ಫೆಸ್ತ ಯೆಹೂದ್ಯಂಗಡ ದಯೇನ ಸಂಪಾದನೆ ಮಾಡ್‌ವಕಾಯಿತ್ ಪೌಲಂಡ ಪಕ್ಕ: ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಈ ಕಾರ್ಯತ್‍ನೆಲ್ಲ ನಾಡ ಮಿಂಞತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಕುಶಿಯಾಂದ್ ಕ್‍ೕಟತ್.

ಗಲಾತ್ಯ 1:19

ಅಲ್ಲಿ ನಂಗಡ ಒಡೆಯನಾನ ಯೇಸುರ ತಮ್ಮಣ ಯಾಕೋಬನ ಬುಟ್ಟಿತ್ ಬೋರೆ ಅಪೊಸ್ತಲ ದಾರ್‌ನು ಕಂಡಿತ್‌ಲ್ಲೆ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.