ಮಾರ್ಕ 15:14 - ಕೊಡವ ಬೈಬಲ್

¹⁴ ಅಕ್ಕ ಪಿಲಾತ: ಆಚೇಂಗಿ, ಎನ್ನಂಗ್? ಅಂವೊ ಎಂತ ತಪ್ಪ್ ಮಾಡಿತುಂಡ್‍ೕಂದ್ ಕ್‍ೕಟತ್. ಆಚೇಂಗಿ ಜನ ಇಂಞು ಜೋರಾಯಿತ್: ಅಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್.

ಮಾರ್ಕ 15:14 ပူးပေါင်းရင်းမြစ်များ

ಮತ್ತಾಯ 27:19

ಪಿಲಾತ, ನ್ಯಾಯತೀರ್ಪ್ ಕೊಡ್‍ಪ ಜಾಗತ್‍ಲ್ ಅಳ್‌ತಿತ್ ಇಪ್ಪಕ ಪಿಲಾತಂಡ ಪೊಣ್ಣ್ ಅಂವೊಂಗ್: ನೀನ್ ಆ ನೀತಿವಂತಂವೊನ ಒಂದು ಮಾಡತೆ; ಎನ್ನಂಗೆಣ್ಣ್‌ಚೇಂಗಿ ನಿನ್ನಾಂದ್ ಬಯಿಟ್ ಅಂವೊಂಡ ವಿಷಯತ್ ಸ್ವಪ್ನತ್‌ಲ್ ದುಂಬ ಕಷ್ಟಪಟ್ಟಿಯೇಂದ್ ಸುದ್ದಿ ಅಯಿಚತ್.

ಮತ್ತಾಯ 27:4

ನಾನ್ ಒರ್ ತಪ್ಪು ಮಾಡತ ಒಬ್ಬನ ಪುಡ್‍ಚಿ ಕೊಡ್‌ತಗುಂಡ್, ನಾನ್ ಪಾಪ ಮಾಡಿಯೇಂದ್ ಎಣ್ಣ್‌ಚಿ. ಅದ್ಂಗ್ ಅಯಿಂಗ: ಇದ್ ನಂಗಕ್ ಸಂಬಂದ ಪಟ್ಟದ್‌ಲ್ಲೆ. ಅದ್‍ನ ನೀನೇ ನೋಟಿಯಾಂದ್ ಎಣ್ಣ್‌ಚಿ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮಾರ್ಕ 15:13

ಜನಡ ಗುಂಪು: ಅಂವೊನ ಶಿಲುಬೇಕ್ ಇಡೀಂದ್ ಪುನಃ ಜೋರಾಯಿತ್ ಕೂತ್ ಕೊಡ್‍ತತ್.

ಮಾರ್ಕ 15:15

ಅಕ್ಕ ಪಿಲಾತ: ಜನಳ ಕುಶಿಪಡುತ್‌ವಕಾಯಿತ್, ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:21

ಆಚೇಂಗಿ, ಜನಡ ಗುಂಪು, ಅಂವೊನ ಶಿಲುಬೇಕ್ ಇಡೀ! ಅಂವೊನ ಶಿಲುಬೇಕ್ ಇಡೀಂದ್ ಪುನಃ ಜೋರಾಯಿತ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:4

ಅಕ್ಕ ಪಿಲಾತ: ಮುಕ್ಯ ಯಾಜಕಂಗಕು ಪಿಂಞ ಜನಡ ಗುಂಪ್‌ಕು, ನಾನ್ ಅಂವೊನ ತೀರ್ಪ್ ಮಾಡ್‌ವಕ್, ಅಂವೊಂಡ ಮೇಲೆ ಒರ್ ತಪ್ಪು ಕಾಂಬ್‍ಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:41

ನಂಗ ನೇರಾಯಿತು ತಪ್ಪ್ ಮಾಡ್‍ನಯಿಂಗ, ನಂಗ ಮಾಡ್‍ನ ತಪ್ಪ್‌ಕ್ ತಕ್ಕ ಶಿಕ್ಷೆ ಕ್‌ಟ್ಟಿಯಂಡುಂಡ್. ಆಚೇಂಗಿ ಈ ಮನುಷ್ಯ ಒರ್ ತಪ್ಪು ಮಾಡಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:47

ನೂರ್ ಪಡೆಯಾಳಿಯಡ ಅದಿಕಾರಿ, ಯೇಸುಕ್ ಇನ್ನನೆ ಎಲ್ಲಾ ಆನದ್‍ನ ಕಂಡಿತ್, ಈ ಮನುಷ್ಯ ನೇರಾಯಿತು ನೀತಿವಂತನೇ ಎಣ್ಣಿಯಂಡ್ ದೇವನ ತುದಿಚತ್.

ಯೋಹಾನ 18:38

ಅಕ್ಕ ಪಿಲಾತ ಯೇಸುನ ನೋಟಿತ್: ಅನ್ನನಾಚೇಂಗಿ ಸತ್ಯ ಎಣ್ಣುವದ್ ಎಂತ್‍ೕಂದ್ ಕ್‍ೕಟತ್. ಇನ್ನನೆ ಎಣ್ಣಿತಾನ ಪಿಂಞ ಪಿಲಾತ, ಪೊರಮೆ ನಿಂದಂಡಿಂಜ ಯೆಹೂದ್ಯ ಅದಿಕಾರಿಯಂಗಡ ಪಕ್ಕ ಬಂದಿತ್: ನಾನ್ ಅಂವೊಂಡ ಪಕ್ಕ ಒರ್ ತಪ್ಪು ಕಾಂಬ್‌ಲೇಂದ್‌ ಎಣ್ಣ್‌ಚಿ.

ಯೋಹಾನ 19:6

ಮುಕ್ಯ ಯಾಜಕಂಗ ಪಿಂಞ ಅದಿಕಾರಿಯಂಗ ಯೇಸುನ ಕಾಂಬಕ, ಇಂವೊನ ಶಿಲುಬೇಕ್ ಇಡಿ, ಇಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್. ಅಕ್ಕ ಪಿಲಾತ: ನಿಂಗಳೇ ಇಂವೊನ ಕೊಂಡ್ ಪೋಯಿತ್ ನಿಂಗಳೇ ಶಿಲುಬೇಕ್ ಇಡಿ, ನಾಕ್ ಅಂವೊಂಡ ಮೇಲೆ ಒರ್ ತಪ್ಪು ಕಾಂಬಕ್ ಕಯಿಂಜಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 13:28

ಅಂವೊಂಗ್ ಮರಣ ಶಿಕ್ಷೆ ಕೊಡ್‍ಪಕ್ ಒರ್ ಕಾರಣ ಕ್‍ಟ್ಟತೆ ಪೋಚೇಂಗಿಯು, ಅಂವೊನ ಕೊಲ್ಲಂಡೂಂದ್ ಪಿಲಾತನ ಕ್‍ೕಟತ್.

ಅಪೊಸ್ತಲ 19:34

ಆಚೇಂಗಿ ಅಂವೊ ಒರ್ ಯೆಹೂದ್ಯಾಂದ್ ಗೊತ್ತಾನ ಪಿಂಞ, ಎಲ್ಲಾರು ಒರೇ ಸದ್ದ್‌ಲ್ ಎಫೆಸತ್‍ರ ಅರ್ತೆಮಿ ದೇವಿಯೇ ಮಾಹಾದೇವೀಂದ್, ಸುಮಾರ್ ದಂಡ್ ಗಂಟೆಯಚ್ಚಕ್ ಕೂತ್ ಕೊಡ್‍ತಂಡಿಂಜತ್.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

1 ಪೇತ್ರ 1:19

ಆಚೇಂಗಿ, ದಾರ್‌ಕು ಕೊಡ್‍ಪಕ್ ಕಯ್ಯತ ಬೆಲೆಯುಳ್ಳ ಕ್ರಿಸ್ತಂಡ ಚೋರೆರಗುಂಡ್ ದೇವ ನಿಂಗಳ ಬೆಲೇಕ್ ಎಡ್‍ತಂಡದ್ ನಿಂಗಕ್ ಗೊತ್ತುಂಡಲ್ಲ? ಅಂವೊ ಒರ್ ಪವಿತ್ರವಾಯಿತುಳ್ಳ, ಏದ್ ಪಾಳು ಇಲ್ಲತ ಕೊರಿ ಕುಟ್ಟಿರನೆಕೆ ಉಂಡ್.