ಮಾರ್ಕ 14:65 - ಕೊಡವ ಬೈಬಲ್

⁶⁵ ಚೆನ್ನ ಜನ ಯೇಸುರ ಮೂಡ್‍ಕ್ ತುಪ್ಪ್‌ವಕ್ ಸುರು ಮಾಡ್‍ಚಿ. ಅಂವೊಂಡ ಮೂಡ್ ಕೆಟ್ಟುವಂಜಿ ಗುದ್ದಿರ್‌ವಂಜ ನೀಕ್ ದಾರ್ ಗುದ್ದಿಯೇಂದ್ ಪ್ರವಾದೆನ ಎಣ್ಣೀಂದ್ ಎಣ್ಣಿಯಂಡಿಂಜತ್. ಪಿಂಞ ಪಡೆಯಾಳಿಯಂಗ ಅಂವೊನ ಪೊಜ್ಜತ್.

ಮಾರ್ಕ 14:65 ပူးပေါင်းရင်းမြစ်များ

ಎಸ್ತೆರ್‌ 7:8

ರಾಜ ಅರಮನೆರ ತೋಟತ್‌ಂಜ ದ್ರಾಕ್ಷಿರಸ ಕುಡ್‌ಚಂಡಿಂಜ ಜಾಗಕ್‌ ತಿರಿತ್‌ ಬಪ್ಪಕ, ಎಸ್ತೇರ್‌ ಅಳ್‌ತಂಡಿಂಜ ಮೆತ್ತೆರಮೇಲೆ ಹಾಮಾನ ಬುದ್ದಿತುಳ್ಳನ ಕಂಡತ್. ಅಕ್ಕ ರಾಜ: ನಾನ್‌ ಅರಮೆನೆಲ್‌ ಇಪ್ಪಕಲೇ ನಾಡ ಮಿಂಞತೇ ಇಂವೊ ರಾಣಿನ ಅವಮಾನ ಮಾಡಂಡೂಂದ್‌ ಗೇನ ಮಾಡಿತುಂಡಾಂದ್‌ ಕ್‍ೕಟತ್. ಈ ತಕ್ಕ್‌ ರಾಜಂಡ ಬಾಯಿಯಿಂಜ ಬಂದದ್‌ನ ಕ್‍ೕಪದು ಸೇವಕಂಗ ಹಾಮಾನಂಡ ಮೂಡ್‌ನ ಮುಚ್ಚಿರ್‌ತ್.

ಮತ್ತಾಯ 27:30

ಅಂವೊಂಡ ಮೇಲೆ ತುಪ್ಪಿತ್, ಆ ಓಡೆ ಕೋಲ್‍ನ ಎಡ್‍ತಿತ್ ಅಂವೊಂಡ ಮಂಡೆಕ್ ಪುನಃ ಪುನಃ ಪೊಜ್ಜತ್.

ಮಾರ್ಕ 10:34

ಅಯಿಂಗ ನಾನಾತರ ಬೈಗಳ ಬೈಯುವ, ಚಾಟಿಲ್ ಪೊಯ್ಯುವ, ಮೂಡ್‍ಕ್ ತುಪ್ಪ್‌ವ ಪಿಂಞ ಕೊಲ್ಲುವ; ಆಚೇಂಗಿ ಮೂಂದ್ ದಿನ ಆನ ಪಿಂಞ ನಾನ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಎಣ್ಣ್‌ಚಿ.

ಮಾರ್ಕ 15:19

ಆ ಓಡೆ ಕೋಲ್‍ನ ಎಡ್‍ತಿತ್ ಅಂವೊಂಡ ಮಂಡೆಕ್ ಪುನಃ ಪುನಃ ಪೊಜ್ಜತ್, ಅಂವೊಂಡ ಮೇಲೆ ತುಪ್ಪಿತ್, ಪಿಂಞ ಅಯಿಂಗ ಮೊಣಕಾಲ್ ಇಟ್ಟಿತ್ ಅಯಿಂಗಡ ಮಂಡೆನ ಬಗ್ಗ್‌ಚಿಟ್ಟತ್.

ಯೋಹಾನ 18:22

ಇನ್ನನೆ ಯೇಸು ಎಣ್ಣುವಕ, ಅಂವೊಂಡ ಪಕ್ಕ ನಿಂದಂಡಿಂಜ ಸಿಪಾಯಿ ಒಬ್ಬ: ಮಹಾ ಯಾಜಕಂಡ ಪಕ್ಕ ಇನ್ನನೆ ಉತ್ತರ ಕೊಡ್‍ಪಿಯಾಂದ್ ಎಣ್ಣಿತ್, ಯೇಸುರ ದವಡೆಕ್ ಪೊಜ್ಜತ್.

ಯೋಹಾನ 19:3

ಈಂಗೆಲ್ಲಾ ಯೇಸುರ ಪಕ್ಕ ಪುನಃ ಪುನಃ ಬಂದಿತ್ ಯೆಹೂದ್ಯಂಗಡ ರಾಜನೇ ಕಾಲಕಾಲಕ್ ಬದ್‌ಕ್‍ೕಂದ್ ಎಣ್ಣಿಯಂಡ್ ಅಂವೊಂಡ ದವಡೆಕ್ ಪೊಜ್ಜತ್.

ಅಪೊಸ್ತಲ 23:2

ಅಂವೊ ಇನ್ನನೆ ಎಣ್ಣುವಕ, ಮಹಾ ಯಾಜಕನಾನ ಅನನೀಯ ಅಂವೊಂಡ ಪಕ್ಕತ್‍ಲ್ ನಿಂದಂಡಿಂಜಯಿಂಗಳ ನೋಟಿತ್: ಪೌಲಂಡ ಬಾಯಿಕ್ ಪೊಯ್ಯಿರೀಂದ್ ಎಣ್ಣ್‌ಚಿ.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.