ಮಾರ್ಕ 14:41 - ಕೊಡವ ಬೈಬಲ್

⁴¹ ಮೂಂದನೆ ಕುರಿಯು ಪ್ರಾರ್ಥನೆ ಮಾಡಿತ್ ಬಯ್ಯಕ್ ಬಪ್ಪಕ ಅಯಿಂಗಳ ನೋಟಿತ್: ಇಂಞು ನಿಂಗ ವರಿಯಂಡ್, ಆರಾಮಾಯಿತ್ ಉಳ್ಳಿರ? ಇದ್ ಮದಿ, ಸಮಯ ಬಂದ್‌ರ್‌ತ್, ಏಳೀ, ಅದ! ಮನುಷ್ಯಕುಮಾರನ, ಪಾಪಿ ಮನುಷ್ಯಂಗಡ ಕೈಕ್ ಒಪ್ಪ್‌ಚಿಡ್‌ವ ನೇರ ಬಂದ್‌ರ್‌ತ್.

ಮಾರ್ಕ 14:41 ပူးပေါင်းရင်းမြစ်များ

ಮತ್ತಾಯ 26:2

ಇಂಞು ದಂಡ್ ದಿನ ಆನ ಪಿಂಞ ಪಸ್ಕ ನಮ್ಮೆ ಬಪ್ಪಕುಳ್ಳದ್ ನಿಂಗಕ್ ಗೊತ್ತುಂಡ್. ಅಕ್ಕ ಮನುಷ್ಯಕುಮಾರನ ಶಿಲುಬೇಕ್ ಇಡ್‌ವಕ್ ನಿಂಗಡಲ್ಲಿ ಒಬ್ಬ ನನ್ನ ಒಪ್ಪ್‌ಚಿಡುವ.

ಮಾರ್ಕ 14:10

ಅಲ್ಲಿಂಜ ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಉಳ್ಳ ಇಸ್ಕರಿಯೋತ ಯೂದ ಎಣ್ಣ್‌ವಂವೊ ಯೇಸುನ ಪುಡ್‍ಚಿ ಕೊಡ್‍ಪಕ್ ಏರ್ಪಾಡ್ ಮಾಡ್‌ವಕಾಯಿತ್ ಮುಕ್ಯ ಯಾಜಕಂಗಡ ಪಕ್ಕ ಪೋಚಿ.

ಮಾರ್ಕ 14:18

ಅಯಿಂಗೆಲ್ಲಾರು ಅಳ್‌ತಿತ್ ಉಂಬಕಾಪಕ, ಯೇಸು ಎಣ್ಣ್‌ಚಿ; ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನಾನ್ ಎಣ್ಣ್‌ವಿ.

ಮಾರ್ಕ 14:35

ಚೆನ್ನ ದೂರ ಪೋಪಂಜಿ ನೆಲಕ್ ಬೂವಂಜಿ: ಅಪ್ಪಾ ದೇವ ಈ ಕಷ್ಟತ್‍ರ ಸಮಯ ನನ್ನ ಬುಟ್ಟಿತ್ ಪೋಪಕಾಚೇಂಗಿ ಪೋಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮಾರ್ಕ 14:40

ಅದೇ ತರ ಪ್ರಾರ್ಥನೆ ಮಾಡಿತ್, ಬಯ್ಯ ಬಂತ್ ನೋಟ್‌ವಕ, ಅಯಿಂಗ ಪುನಃ ವರಿಯಂಡಿಂಜಾನ ಕಂಡತ್. ಅಯಿಂಗಕ್ ಕಣ್ಣ್ ತೊರ್‌ಪಕ್ ಕಯ್ಯತಚ್ಚಕ್ ವರ್‌ಕ್ ಇಂಜತ್. ಪಿಂಞ ಅಂವೊಂಗ್ ಎಂತ ಎಣ್ಣಂಡೂಂದ್ ಗೊತ್ತಿಲ್ಲತೆ ಇಂಜತ್.

ಮಾರ್ಕ 14:42

ಏಳೀ, ನಂಗ ಪೋಕ, ನೋಟಿ ನನ್ನ ಪುಡ್‌ಚಿತ್ ಕೊಡ್‍ಪಂವೊ ಇಕ್ಕಲೆ ಬಾತ್‍ೕಂದ್ ಎಣ್ಣ್‌ಚಿ.

ಮಾರ್ಕ 7:9

ಇಂಞು ಯೇಸು, ನಿಂಗ ನಿಂಗಡ ಆಚಾರತ್‍ನ ಮಿಂಞಕ್ ನಡ್‍ತಿಯಂಡ್ ಪೋಪಕಾಯಿತ್ ಎಚ್ಚಕ್ ಹುಶಾರ್‌ಲ್ ದೇವಡ ವಾಕ್ಯತ್‍ನ ತ್‍ಕ್ಕಾರ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 9:31

ಎನ್ನಂಗೆಣ್ಣ್‌ಚೇಂಗಿ, ಮನುಷ್ಯಕುಮಾರನ, ಜನಡ ಕೈಯಿಕ್ ಪುಡ್‍ಚಿ ಕೊಡ್‍ಪ, ಅಯಿಂಗ ಅಂವೊನ ಕೊಲ್ಲುವ, ಅಂವೊ ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಜೀವವಾಯಿತ್ ಏವಾಂದ್ ಯೇಸು ಅಂವೊಂಡ ಶಿಷ್ಯಂಗಕ್ ಉಪದೇಶ ಕೊಡ್‌ತಂಡ್ ಇಂಜತ್.

ಯೋಹಾನ 12:23

ಅಯಿಂಗಕ್ ಯೇಸು: ಮನುಷ್ಯಕುಮಾರಂಗ್ ಮಹಿಮೆ ಕ್‍ಟ್ಟ್‌ವಕುಳ್ಳ ಸಮಯ ಬಾತ್.

ಯೋಹಾನ 12:27

ಇಕ್ಕ ನಾನ್ ಎಂತ ಎಣ್ಣಡ್? ನಾಡ ಆತ್ಮ ನೊಂಬಲತ್‍ಲ್ ಉಂಡ್. ಅಪ್ಪ! ನನ್ನ ಈ ಕಷ್ಟತ್‍ರ ಸಮಯತ್ಂಜ ಕಾಪಾಡ್‍ೕಂದ್ ಕ್‍ೕಪದಾ? ಆಚೇಂಗಿ, ಇದ್ಂಗಾಯಿತೇ ನಾನ್ ಬಂದಿಯೆ.

ಯೋಹಾನ 17:1

ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಯೇಸು ಪರಲೋಕತ್‌ನ ನೋಟುವಂಜಿ ಪ್ರಾರ್ಥನೆ ಮಾಡ್‌ವಕ್ ಸುರು ಮಾಡ್‍ಚಿ. ಅಪ್ಪಾ! ಸಮಯ ಬಂದ್‌ರ್‌ತ್, ನೀಡ ಮೋಂವೊಂಗ್ ಮಹಿಮೆ ಬಪ್ಪನೆಕೆ ಮಾಡ್, ಅಕ್ಕ ನೀಡ ಮೋಂವೊ ನೀಕ್ ಮಹಿಮೆ ಬಪ್ಪನೆಕೆ ಮಾಡ್‌ವ.

ಯೋಹಾನ 7:30

ಯೇಸು ಇನ್ನನೆ ಎಣ್ಣುವಕ, ಅಯಿಂಗ ಅಂವೊನ ಪುಡಿಪಕ್ ನೋಟ್‌ಚಿ, ಆಚೇಂಗಿ ಅಂವೊಂಡ ಸಮಯ ಬರತಗುಂಡ್ ಅಂವೊಂಡ ಮೇಲೆ ದಾರೂ ಕೈ ಬಿಚ್ಚಿತ್‌ಲ್ಲೆ.

ಯೋಹಾನ 8:20

ಯೇಸು ದೇವಾಲಯತ್‍ಲ್ ಬಂಡಾರ ಇಡ್‌ವ ಪೊಟ್ಟಿ ಬೆಪ್ಪ ಜಾಗತ್‍ಲ್ ಉಪದೇಶ ಮಾಡಿಯಂಡಿಪ್ಪಕ ಇದ್‍ನೆಲ್ಲಾ ಎಣ್ಣ್‌ಚಿ. ಅಂವೊಂಡ ಸಮಯ ಇಂಞು ಬಂದಿತ್‌ಲ್ಲೆ, ಆನಗುಂಡ್ ದಾರೂ ಅಂವೊನ ಪುಡ್‌ಚಿತ್‌ಲ್ಲೆ.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.