ಮಾರ್ಕ 14:40 - ಕೊಡವ ಬೈಬಲ್

⁴⁰ ಅದೇ ತರ ಪ್ರಾರ್ಥನೆ ಮಾಡಿತ್, ಬಯ್ಯ ಬಂತ್ ನೋಟ್‌ವಕ, ಅಯಿಂಗ ಪುನಃ ವರಿಯಂಡಿಂಜಾನ ಕಂಡತ್. ಅಯಿಂಗಕ್ ಕಣ್ಣ್ ತೊರ್‌ಪಕ್ ಕಯ್ಯತಚ್ಚಕ್ ವರ್‌ಕ್ ಇಂಜತ್. ಪಿಂಞ ಅಂವೊಂಗ್ ಎಂತ ಎಣ್ಣಂಡೂಂದ್ ಗೊತ್ತಿಲ್ಲತೆ ಇಂಜತ್.

ಮಾರ್ಕ 14:40 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 44:16

ಅಕ್ಕ ಯೆಹೂದ: ನಂಗಡ ಸ್ವಾಮಿಕ್‌ ನಂಗ ಎಂತ ಎಣ್ಣಡ್? ಎಂತ ತಕ್ಕ್‌ ಪರಿಯುಡ್? ನಂಗ ಸತ್ಯವಂತಂಗಾಂದ್‌ ಎನ್ನನೆ ನಿಂಗಕ್‌ ಗೊತ್ತ್‌ ಮಾಡ್‌ಚಿಡಡ್? ನಿಂಗಡ ಆಳ್‌ವಡ ಪಾಪತ್‌ರ ಕಾರ್ಯತ್‌ನ ದೇವ ಪೊರ್ಮೆ ಕಾಟಿತುಂಡ್. ಪಾತ್‌ರತ್‌ನ ಬೆಚ್ಚಂಡುಳ್ಳಂವೊನು, ನಂಗೆಲ್ಲಾರು ಇಕ್ಕ ನಿಂಗಡ ಅಡಿಯಾಳಂಗಾಂದ್‌ ಎಣ್ಣ್‌ಚಿ.

ಮಾರ್ಕ 14:39

ಅಂವೊ ಪುನಃ ಪೋಯಿತ್ ಇಂಞೊಮ್ಮ ಇದೇ ತರ ತಕ್ಕ್ ಪರಿಯುವಂಜಿ ಪ್ರಾರ್ಥನೆ ಮಾಡ್‍ಚಿ.

ಮಾರ್ಕ 14:41

ಮೂಂದನೆ ಕುರಿಯು ಪ್ರಾರ್ಥನೆ ಮಾಡಿತ್ ಬಯ್ಯಕ್ ಬಪ್ಪಕ ಅಯಿಂಗಳ ನೋಟಿತ್: ಇಂಞು ನಿಂಗ ವರಿಯಂಡ್, ಆರಾಮಾಯಿತ್ ಉಳ್ಳಿರ? ಇದ್ ಮದಿ, ಸಮಯ ಬಂದ್‌ರ್‌ತ್, ಏಳೀ, ಅದ! ಮನುಷ್ಯಕುಮಾರನ, ಪಾಪಿ ಮನುಷ್ಯಂಗಡ ಕೈಕ್ ಒಪ್ಪ್‌ಚಿಡ್‌ವ ನೇರ ಬಂದ್‌ರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:32

ಪೇತ್ರ ಪಿಂಞ ಅಂವೊಂಡ ಕೂಡೆ ಬಂದಯಿಂಗ ವರೀರ್‌ತ್ಂಜತ್, ಆಚೇಂಗಿಯು ಅಯಿಂಗ ಎದ್ದಿತ್ ಅಂವೊಂಡ ಮಹಿಮೆನ ಪಿಂಞ ಅಂವೊಂಡ ಕೂಡೆ ಇಂಜ ದಂಡ್ ಮನುಷ್ಯಂಗ ನಿಂದಂಡುಳ್ಳದ್‍ನ ಕಂಡತ್.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.