ಮಾರ್ಕ 14:36 - ಕೊಡವ ಬೈಬಲ್

³⁶ ನಾಡ ಅಪ್ಪ, ನೀಕ್ ಎಲ್ಲಾ ಮಾಡ್‌ವಕ್ ಕಯ್ಯು. ಈ ಪಾತ್ರತ್‍ನ ನಾಡ ಪಕ್ಕತ್ಂಜ ನೀಕಿರ್, ಆಚೇಂಗಿಯು ನಾಡ ಚಿತ್ತ ಅಲ್ಲ ನೀಡ ಚಿತ್ತವೇ ಆಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 14:36 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:14

ಯೆಹೋವಂಗ್‌ ಕಯ್ಯತ್ತದ್‌ ಎಂತದೇಂಗಿ ಉಂಡಾ? ನಾನ್‌ ಎಣ್ಣ್‌ನನೆಕೆ ಬಪ್ಪ ಕಾಲತ್‌ ಇದೇ ಸಮಯಕ್‌ ತಿರಿತ್‌ ಬಪ್ಪಿ; ಅಕ್ಕ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 26:39

ಚೆನ್ನ ದೂರ ಪೋಪಂಜಿ, ಅಂವೊಂಡ ಮೂಡ್‍ನ ಅಡಿಕ್ ಮಾಡಿತ್ ಮೊಣಕಾಲ್ ಇಟ್ಟಂಡ್: ಓ ನಾಡ ಅಪ್ಪನೇ, ನೀಕ್ ಕಯ್ಯುವೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ, ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 26:42

ಇಂಞೊಮ್ಮ ದಂಡನೆ ಕುರಿ ಅಂವೊ ಅಯಿಂಗಳ ಬುಟ್ಟಿತ್ ಪೋಯಿತ್: ನಾಡ ಅಪ್ಪನೇ! ಈ ಕಷ್ಟತ್‍ರ ಪಾತ್ರತ್‍ನ ನಾನ್ ಕುಡಿಚತೇಂಗಿ ಮಾತ್ರ, ಈ ಕಷ್ಟತ್‍ನ ನನ್ನಿಂಜ ಎಡ್‍ಪಕ್ ಕಯ್ಯೂಂದ್ ಇಂಜತೇಂಗಿ, ನೀಡ ಚಿತ್ತತ್‍ರನೆಕೆ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 6:9

ಆನಗುಂಡ್, ನಿಂಗ ಇನ್ನನೆ ಪ್ರಾರ್ಥನೆ ಮಾಡಂಡು: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್;

ಮಾರ್ಕ 10:27

ಯೇಸು ಅಯಿಂಗಳ ನೋಟಿತ್: ಇದ್ ಮನುಷ್ಯಂಗಕ್ ಕಯ್ಯುಲೆ ಆಚೇಂಗಿ ದೇವಕ್ ಕಯ್ಯು. ದೇವಕ್ ಎಲ್ಲಾ ಕಯ್ಯೂಂದ್ ಎಣ್ಣ್‌ಚಿ.

ಮಾರ್ಕ 10:39

ಅಕ್ಕು ನಂಗಕ್ ಕಯ್ಯೂಂದ್ ಜವಾಬ್ ಕೊಡ್‍ತತ್. ಅದ್ಂಗ್ ಯೇಸು: ನಾನ್ ಕುಡಿಪ ಈ ಪಾತ್ರತ್‍ಲ್ ನಿಂಗ ಕುಡಿಪಿರ, ನಾನ್ ಎಡ್‌ಪ ಈ ದೀಕ್ಷಾಸ್ನಾನ ನಿಂಗ ಎಡ್‌ಪಿರ.

ಮಾರ್ಕ 14:37

ಯೇಸು ಇನ್ನನೆ ಪ್ರಾರ್ಥನೆ ಮಾಡ್‌ವಂಜಿ ಅಲ್ಲಿಂಜ ಅಂವೊ ಶಿಷ್ಯಂಗಡ ಪಕ್ಕ ಬಾತ್. ಅಯಿಂಗ ವರಿಯಂಡಿಂಜಾನ ಕಂಡತ್; ಪೇತ್ರನ ನೋಟಿತ್, ಸೀಮೋನನೇ, ನಾಕಾಯಿತ್ ಒರ್ ಗಂಟೆ ವರಿಯತೆ ಇಪ್ಪಕ್ ಕಯ್ಯುಲೆಯಾಂದ್ ಎಣ್ಣ್‌ಚಿ.

ಯೋಹಾನ 12:27

ಇಕ್ಕ ನಾನ್ ಎಂತ ಎಣ್ಣಡ್? ನಾಡ ಆತ್ಮ ನೊಂಬಲತ್‍ಲ್ ಉಂಡ್. ಅಪ್ಪ! ನನ್ನ ಈ ಕಷ್ಟತ್‍ರ ಸಮಯತ್ಂಜ ಕಾಪಾಡ್‍ೕಂದ್ ಕ್‍ೕಪದಾ? ಆಚೇಂಗಿ, ಇದ್ಂಗಾಯಿತೇ ನಾನ್ ಬಂದಿಯೆ.

ಯೋಹಾನ 18:11

ಅಕ್ಕ, ಯೇಸು ಪೇತ್ರಂಗ್: ನೀಡ ಬಾಳ್‍ನ ಅದ್ಂಡ ಕೊತ್ತೆಲ್ ಇಡ್; ನಾಡ ಅಪ್ಪ ನಾಕ್ ತಂದ ಕಷ್ಟತ್‍ರ ಪಾತ್ರತ್‍ಲ್ ನಾನ್ ಕುಡಿಪಕ್ ಆಪುಲೆಯಾಂದ್ ಎಣ್ಣ್‌ಚಿ.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಯೋಹಾನ 5:30

ನಾನ್ ನಾನಾಯಿತೇ ಒಂದು ಮಾಡುಲೆ. ದೇವ ಎಣ್ಣುವನೆಕೆ ನಾನ್ ತೀರ್ಪ್ ಮಾಡ್‌ವಿ. ನಾನ್ ನಾಡ ಇಷ್ಟತ್‍ರ ಪ್ರಕಾರ ಮಾಡ್‌ವಕ್ ಕುಶಿ ಪಡತೆ, ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿಪಟ್ಟಿತ್ ಮಾಡ್‌ವಗುಂಡ್ ನಾಡ ತೀರ್ಪ್ ನೀತಿವಂತದಾಯಿತುಂಡ್.

ಗಲಾತ್ಯ 4:6

ನಂಗ ದೇವಡ ಮಕ್ಕಳಾನಗುಂಡ್, ದೇವ ಅಂವೊಂಡ ಮೋಂವೊಂಡ ಆತ್ಮತ್‌ನ ನಂಗಡ ಹೃದಯತ್‍ಲ್ ಅಯಿಚಿತ್, ಅಂವೊನ ಪ್ರೀತಿರ ಅಪ್ಪಾ ಪಪ್ಪಾಂದ್ ಕಾಕ್‍ವನೆಕೆ ಮಾಡ್‍ಚಿ.

ಫಿಲಿಪ್ಪಿ 2:8

ದೇವಡ ಮಿಂಞತ್ ತಗ್ಗ್‌ಚಿಟ್ಟಂಡ್ ಒರ್ ಪಾಪಿರನೆಕೆ ಶಿಲುಬೇಲ್ ಚತ್ತತ್.

2 ತಿಮೊಥೆಯ 2:13

ಅಂವೊಂಗ್ ನಂಗ ನಂಬಿಕಸ್ತನಾಯಿತ್‌ಲ್ಲೇಂಗಿಯೂ ಅಂವೊ ನಂಬಿಕಸ್ತನಾಯಿತಿಪ್ಪ. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಗುಣಕ್ ವಿರೋದವಾಯಿತ್ ಮಾಡ್‌ವಕ್ ಕಯ್ಯುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.