ಮಾರ್ಕ 14:24 - ಕೊಡವ ಬೈಬಲ್

²⁴ ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ ದುಂಬ ಜನಕಾಯಿತ್ ಬೂಕ್‌ವ ಪುದಿಯ ಒಪ್ಪಂದತ್‍ರ ನಾಡ ಚೋರೆ,

ಮಾರ್ಕ 14:24 ပူးပေါင်းရင်းမြစ်များ

ಮಾರ್ಕ 10:45

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಾತ್ೕದ್ ಎಣ್ಣ್‌ಚಿ.

ಮಾರ್ಕ 14:23

ಅಲ್ಲಿಂಜ ಅಂವೊ ದ್ರಾಕ್ಷಿರಸ ಉಳ್ಳ ಪಾತ್ರತ್‍ನ ಎಡ್‌ಪಂಜಿ ದೇವನ ತುದಿಚಿತ್ ಅಯಿಂಗಕ್ ಕುಡಿಪಕ್ ಕೊಡ್‍ತತ್. ಅಯಿಂಗೆಲ್ಲ ಕುಡಿಚತ್.

ಮಾರ್ಕ 14:25

ನಾನ್ ದೇವಡ ರಾಜ್ಯತ್‍ಲ್ ಪುದಿಯ ರಸತ್‌ನ ಕುಡಿಪಕತ್ತನೆ ಈ ದ್ರಾಕ್ಷಿರಸತ್‍ನ ಕುಡಿಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:20

ಉಂಡಿತ್ ಆನ ಪಿಂಞ, ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್.

ಯೋಹಾನ 6:53

ಅಯಿಂಗಕ್ ಯೇಸು: ಮನುಷ್ಯಕುಮಾರಂಡ ತಡೀನ ಉಂಗತೆ, ಅಂವೊಂಡ ಚೋರೆನ ಕುಡಿಕತೆ ಪೋನಕ, ನಿಂಗಡ ಒಳ್‍ಲ್ ಜೀವ ಇಲ್ಲೇಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

1 ಕೊರಿಂಥ 10:16

ನಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಕ್ರಿಸ್ತ ನಂಗಕಾಯಿತ್ ಚತ್ತ್ ಪೋನದ್‍ನ ಗೇನ ಮಾಡ್‌ವಕಾಯಿತ್, ನಂಗ ದೇವಕ್ ವಂದನೆ ಮಾಡಿತ್ ಕುಡಿಪ ದ್ರಾಕ್ಷಿರಸ, ನಂಗ ಆ ಚೋರೆರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ? ನಂಗ ತಿಂಬ ಒಟ್ಟಿ ಕ್ರಿಸ್ತಂಡ ತಡೀರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ?

1 ಕೊರಿಂಥ 11:25

ಪಿಂಞ ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್. ನಿಂಗ ಇದ್‍ನ ಎಕ್ಕೆಲ್ಲಾ ಕುಡಿಪಿರ ಅಕ್ಕೆಲ್ಲಾ ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ಮಾಡೀಂದ್ ಎಣ್ಣ್‌ಚಿ.