ಮಾರ್ಕ 14:21 - ಕೊಡವ ಬೈಬಲ್

²¹ ಮನುಷ್ಯಕುಮಾರ ದೇವಡ ವಾಕ್ಯತ್‍ಲ್ ಒಳ್‌ದ್‌ನನೆಕೆ ಚಾವ. ಆಚೇಂಗಿ ಮನುಷ್ಯಕುಮಾರನ, ಏದ್ ಮನುಷ್ಯ ಪುಡ್‍ಚಿ ಕೊಡ್‍ಪ ಅಂವೊಂಗ್ ಅಯ್ಯೋ. ಆ ಮನುಷ್ಯ ಪುಟ್ಟತೆ ಇಂಜತೇಂಗಿ ಅಂವೊಂಗ್ ನಲ್ಲದಾಯಿತ್ಂಜತ್‍ೕಂದ್ ಎಣ್ಣ್‌ಚಿ.

ಮಾರ್ಕ 14:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಮತ್ತಾಯ 26:54

ಆಚೇಂಗಿ ನಾನ್ ಅನ್ನನೆ ಮಾಡ್‍ಚೇಂಗಿ, ಇನ್ನನೆಲ್ಲಾ ನಡ್‍ಕಂಡೂಂದ್ ಒಳ್‍ದಿತುಳ್ಳ ದೇವಡ ವಾಕ್ಯ ಎನ್ನನೆ ನೆರವೇರುವ?

ಮತ್ತಾಯ 26:56

ಆಚೇಂಗಿಯು ಪ್ರವಾದಿಯಂಗ ಒಳ್‌ದಿತುಳ್ಳದೆಲ್ಲಾ ನೆರವೇರಿಚಿಡುವನೆಕೆ ಇದೆಲ್ಲ ಆಚೀಂದ್ ಯೇಸು ಎಣ್ಣ್‌ಚಿ. ಅಕ್ಕ ಅಂವೊಂಡ ಎಲ್ಲಾ ಶಿಷ್ಯಂಗ ಅಂವೊನ ಬುಟ್ಟಿತ್ ಓಡಿ ಪೋಯಿರ್‌ತ್.

ಮಾರ್ಕ 14:20

ಅದ್ಂಗ್ ಯೇಸು: ಈ ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಉಳ್ಳ ಒಬ್ಬನೇಂದ್ ಎಣ್ಣಿತ್, ನಾಡ ಕೂಡೆ ಒಟ್ಟಿನ ಪಾತ್ರತ್‍ಲ್ ಮುಳುಕುವಂವೋನೇ ಅಂವೋಂದ್ ಎಣ್ಣ್‌ಚಿ;

ಮಾರ್ಕ 14:22

ಅಯಿಂಗೆಲ್ಲಾರು ಉಂಬಕಾಪಕ ಯೇಸು ಒಟ್ಟಿನ ಎಡ್‌ಪಂಜಿ, ದೇವನ ತುದಿಚಿತ್ ಪೊಳಿಪಂಜಿ ಶಿಷ್ಯಂಗಕೆಲ್ಲ ಕೊಡ್‍ತತ್: ಇದ್‍ನ ಎಡ್‌ತ್‌ ತಿನ್ನಿ, ಇದ್ ನಾಡ ತಡೀಂದ್ ಎಣ್ಣ್‌ಚಿ.

ಮಾರ್ಕ 14:49

ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ. ಆಚೇಂಗಿ ದೇವಡ ವಾಕ್ಯತ್‍ಲ್ ಎಂತ ಒಳ್‍ದಿತುಂಡೋ ಅದ್ ನೆರವೇರಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:22

ಮನುಷ್ಯಕುಮಾರ ದೇವ ತೀರ್ಮಾನ ಮಾಡ್‍ನನೆಕೆ ಚತ್ತ್ ಪೋಪ, ಆಚೇಂಗಿ ಅಂವೊನ ಕಾಟಿ ಕೊಡ್‌ಪಂವೊಂಗ್ ಅಯ್ಯೋಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 19:28

ಇಚ್ಚಕ್ ಎಲ್ಲಾ ಆನ ಪಿಂಞ, ಎಲ್ಲಾ ಆಚೀಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ ನೆರೆವೇರ್‌ವಕಾಯಿತ್ ನಾಕ್ ಬಾಯರಿಕೆಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಅಪೊಸ್ತಲ 1:25

ಈ ದಂಡಾಳ್‌ರ ಕೂಟ್‌ಲ್ ದಾರ್‍ೕಂದ್ ಗೊತ್ತ್ ಮಾಡಿತ್ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಯೂದ ಈ ಅಪೊಸ್ತಲ ಸ್ತಾನತ್ಂಜ, ಮೋಸ ಮಾಡಿತ್, ಅಂವೊಂಗ್ ತಕ್ಕ ಜಾಗಕ್ ಪೋಚಿ.

ಅಪೊಸ್ತಲ 2:23

ಆಚೇಂಗಿಯು, ದೇವ ತೀರ್ಮಾನ ಮಾಡ್‍ನ ಆಲೋಚನೆರನೆಕೆ ಪಿಂಞ ಮಿಂಞಕ್ ಎಂತಾಪಾಂದ್ ಗೊತ್ತುಳ್ಳ ಅಂವೊಂಡ ಗುಣತ್‍ರನೆಕೆ, ಅಂವೊನ ನಿಂಗಡ ಕೈಲ್ ದೇವ ಒಪ್ಪ್‌ಚಿಡ್‌ವಕ, ನಿಂಗ ಅಂವೊನ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಕೊಡ್‌ತಿರ. ಅಯಿಂಗ ಅಂವೊನ ಶಿಲುಬೇಕ್ ಇಟ್ಟಿತ್ ಕೊಂದತ್.

ಅಪೊಸ್ತಲ 4:27

ನೇರಾಯಿತು, ಹೆರೋದ, ಪೊಂತ್ಯ ಪಿಲಾತ, ಯೆಹೂದ್ಯಂಗ ಅಲ್ಲತ ಜನ ಪಿಂಞ ಇಸ್ರಾಯೇಲ್‍ರ ಜನ ಎಲ್ಲಾರು ಈ ಪಟ್ಟಣತ್‍ಲ್ ಕೂಡಿತ್, ನೀನ್ ಅಬಿಷೇಕ ಮಾಡ್‍ನ ನೀಡ ಪವಿತ್ರವಾನ ಸೇವಕನಾನ ಯೇಸುಕ್ ವಿರೋದವಾಯಿತ್ ಕೆಟ್ಟ ಆಲೋಚನೆ ಮಾಡಿತ್ ಬಾತ್.