ಮಾರ್ಕ 14:20 - ಕೊಡವ ಬೈಬಲ್

²⁰ ಅದ್ಂಗ್ ಯೇಸು: ಈ ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಉಳ್ಳ ಒಬ್ಬನೇಂದ್ ಎಣ್ಣಿತ್, ನಾಡ ಕೂಡೆ ಒಟ್ಟಿನ ಪಾತ್ರತ್‍ಲ್ ಮುಳುಕುವಂವೋನೇ ಅಂವೋಂದ್ ಎಣ್ಣ್‌ಚಿ;

ಮಾರ್ಕ 14:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:24

ಸೋಮಾರಿ ತಾಂಡ ಕೈಯಿನ ತಟ್ಟೆಲ್‌ ಬೆಚ್ಚಿತ್, ಅದ್‌ನ ಪುನಃ ತಾಂಡ ಬಾಯಿಕ್‌ ಸಹ ಎಡ್‌ತಂಡ್‌ ಪೋಪುಲೆ.

ಮತ್ತಾಯ 26:23

ಅದ್ಂಗ್ ಯೇಸು: ನಾಡ ಕೂಡೆ ಈ ಪಾತ್ರತ್‍ಲ್ ಕೈ ಮುಳ್‍ಕುವಂವೊನೇ ನನ್ನ ಪುಡ್‍ಚಿ ಕೊಡ್‍ಪಾಂದ್ ಎಣ್ಣ್‌ಚಿ.

ಮತ್ತಾಯ 26:47

ಯೇಸು ಇದ್‍ನ ಎಣ್ಣಿಯಂಡಿಪ್ಪಕಲೇ, ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಯೂದ ಬಾತ್. ಅಂವೊಂಡ ಕೂಡೆ ಮುಕ್ಯ ಯಾಜಕಂಗ ಪಿಂಞ ಜನಡ ಪೆರಿಯಯಿಂಗ ಅಯಿಚ ಬಲ್ಯ ಜನಡ ಗುಂಪ್ ಕತ್ತಿ ದೊಣ್ಣೆನೆಲ್ಲ ಎಡ್‍ತಂಡ್ ಬಂದಿತ್ಂಜತ್.

ಮಾರ್ಕ 14:19

ಶಿಷ್ಯಂಗಕೆಲ್ಲ ಬೇಜಾರಾಯಿತ್: ಒಬ್ಬೊಬ್ಬನು, ನಾನಾ ನಾನಾಂದ್ ಯೇಸುನ ಕ್‍ೕಟತ್.

ಮಾರ್ಕ 14:21

ಮನುಷ್ಯಕುಮಾರ ದೇವಡ ವಾಕ್ಯತ್‍ಲ್ ಒಳ್‌ದ್‌ನನೆಕೆ ಚಾವ. ಆಚೇಂಗಿ ಮನುಷ್ಯಕುಮಾರನ, ಏದ್ ಮನುಷ್ಯ ಪುಡ್‍ಚಿ ಕೊಡ್‍ಪ ಅಂವೊಂಗ್ ಅಯ್ಯೋ. ಆ ಮನುಷ್ಯ ಪುಟ್ಟತೆ ಇಂಜತೇಂಗಿ ಅಂವೊಂಗ್ ನಲ್ಲದಾಯಿತ್ಂಜತ್‍ೕಂದ್ ಎಣ್ಣ್‌ಚಿ.

ಮಾರ್ಕ 14:43

ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಉಳ್ಳ ಯೂದ ಎಣ್ಣ್‌ವಂವೊ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ ಬಾತ್. ಅಂವೊಂಡ ಕೂಡೆ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಮುಕ್ಯ ಯಾಜಕಂಗ, ಪೆರಿಯಯಿಂಗ ಅಯಿಚ ಒರ್ ಬಲ್ಯ ಗುಂಪ್ ಕತ್ತಿ, ಕಂಬ್ ಎಡ್‍ತಂಡ್ ಅಂವೊಂಡ ಪಕ್ಕ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:47

ಅಂವೊ ತಕ್ಕ್ ಪರ್‌ದಂಡ್ ಇಪ್ಪಕಾಪಕ ಜನಡ ಗುಂಪ್ ಬಾತ್. ಪನ್ನೆರಂಡ್ ಶಿಷ್ಯಂಗಡಲ್ಲಿ ಒಬ್ಬನಾನ ಯೂದ ಆ ಗುಂಪ್‍ರ ಮಿಂಞತ್‍ಲ್ ಇಂಜತ್. ಅಂವೊ ಯೇಸುಕ್ ಮುತ್ತ್‌ಕೊಡ್‌ಪಕ್ ಯೇಸುರ ಪಕ್ಕ ಪೋಚಿ.

ಯೋಹಾನ 13:26

ಯೇಸು ಅಂವೊಂಗ್: ನಾನ್ ಈ ಒಟ್ಟಿನ ಮುಕ್ಕಿತ್ ದಾರ್‌ಕ್ ಕೊಡ್‍ಪಿ, ಅಂವೊನೇಂದ್ ಎಣ್ಣಿತ್, ಚೂರ್ ಒಟ್ಟಿನ ರಸತ್‍ಲ್ ಮುಕ್ಕುವಂಜಿ ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್ ಕೊಡ್‍ತತ್.

ಯೋಹಾನ 6:71

ಸೀಮೋನಂಡ ಮೋಂವೊನಾನ ಇಸ್ಕರಿಯೋತ ಯೂದ ಯೇಸುರ ಪನ್ನೆರಂಡ್ ಶಿಷ್ಯಂಗಡಲ್ಲಿ ಒಬ್ಬನಾಯಿತ್ ಇಂಜತೇಂಗಿಯು, ಬಯ್ಯ ತನ್ನ ಕೊಲ್ಲ್‌ವಕ್ ಪುಡ್‌ಚಿತ್ ಕೊಡ್‍ಪಂವೊನಾಯಿತ್ ಇಂಜಗುಂಡ್, ಅಂವೊಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ.