ಮಾರ್ಕ 14:13 - ಕೊಡವ ಬೈಬಲ್

¹³ ಯೇಸು ತಾಂಡ ಶಿಷ್ಯಂಗಡಡೆಲ್ ದಂಡಾಳ್‌ನ ನೋಟಿತ್: ಪಟ್ಟಣತ್‍ಲ್ ಒರ್ ಮನುಷ್ಯಂಡ ಪಕ್ಕ ಪೋಯಿ, ಅಕ್ಕ ಒರ್ ಮನುಷ್ಯ ಕುಡಿಕೆಲ್ ನೀರ್ ಎಡ್‍ತಂಡ್ ಬಂದಂಡಿಪ್ಪ. ಅಂವೊಂಡ ಬಯ್ಯಕ್ ಪೋಯಿ.

ಮಾರ್ಕ 14:13 ပူးပေါင်းရင်းမြစ်များ

ಮತ್ತಾಯ 8:9

ನಾನ್ ಬೋರೆಯಿಂಗಡ ಅದಿಕಾರತ್‍ರ ಅಡಿಲ್ ಉಂಡೇಂಗಿಯು, ನಾಡ ಅದಿಕಾರತ್‍ಲ್ ಸಹ ಸಿಪಾಯಿಯಂಗ ಉಂಡ್; ನಾನ್ ಒಬ್ಬನ ಪೋಂದ್ ಎಣ್ಣ್‌ಚೇಂಗಿ ಅಂವೊ ಪೋಪ, ಬೋರೆ ಒಬ್ಬನ ಬಾಂದ್ ಎಣ್ಣ್‌ಚೇಂಗಿ ಅಂವೊ ಬಪ್ಪ; ಇನ್ನನೆ ಮಾಡ್‍ೕಂದ್ ಒಬ್ಬಂಗ್ ಎಣ್ಣ್‌ವಕ, ಅಂವೊ ಅನ್ನನೆ ಮಾಡ್‌ವಾಂದ್ ಎಣ್ಣ್‌ಚಿ.

ಮಾರ್ಕ 14:12

ಪಸ್ಕ ನಮ್ಮೆಕಾಯಿತ್ ಕೊರಿಕುಟ್ಟಿ ಬಲಿ ಮಾಡಿ ಪುಳಿಯಿಲ್ಲತೆ ಒಟ್ಟಿ ತಿಂಬ ನಮ್ಮೆರ ಆದ್ಯ ದಿವಸ, ಯೇಸುರ ಶಿಷ್ಯಂಗ ಅಂವೊಂಡ ಪಕ್ಕ ಬಂದಿತ್; ನಿಂಗ ಪಸ್ಕ ತಿಂಬಕ್ ನಂಗ ಎಲ್ಲಿ ಪೋಯಿತ್ ತಯಾರ್ ಮಾಡ್‌ವಕ್ ನೀಕ್ ಕುಶಿಯುಂಡ್‍ೕಂದ್ ಕ್‍ೕಟತ್.

ಮಾರ್ಕ 14:14

ಅಂವೊ ಪೋಪ ಮನೆರ ಒಳ್‍ಕ್ ಅಂವೊಂಡ ಬಯ್ಯಕ್ ಪೋಯಿತ್, ಆ ಮನೆರ ಎಜಮಾನನ ನೋಟಿತ್: ನಾನ್ ನಾಡ ಶಿಷ್ಯಂಗಡ ಕೂಡೆ ಪಸ್ಕ ತಿಂಬಕುಳ್ಳ ಜಾಗ ಎಲ್ಲೀಂದ್ ಉಪಾದ್ಯ ಕ್‍ೕಟತ್‍ೕಂದ್ ಎಣ್ಣುವಿರ.

ಯೋಹಾನ 15:14

ನಾನ್ ನಿಂಗಕ್ ಎಣ್ಣ್‌ನ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಿಂಗ ನಾಡ ಸ್ನೇಹಿತಂಗಳಾಯಿತಿಪ್ಪಿರ.

ಯೋಹಾನ 2:5

ಅಕ್ಕ ಯೇಸುರ ಅವ್ವ ಆಳ್‍ವಕ್: ಅಂವೊ ಎಂತ ಎಣ್ಣುವ, ಅದ್‍ನ ಮಾಡೀಂದ್ ಎಣ್ಣ್‌ಚಿ.

ಇಬ್ರಿಯ 4:13

ಅಂವೊಂಡ ಕಣ್ಣ್‌ಕ್ ಮರ್‌ಂಜಿತ್‌ಪ್ಪ ಸೃಷ್ಟಿ ಏದು ಇಲ್ಲೆ; ಅಂವೊಂಡ ಕಣ್ಣ್‌ಕ್ ಎಲ್ಲಾ ತೊರ್‌ಂದದಾಯಿತು, ಕಾಂಬನೆಕೆಯು ಉಂಡ್, ಅಂವೊಂಗೇ ನಂಗ ಲೆಕ್ಕ ಕೊಡ್‍ಕಂಡು.

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.