ಮಾರ್ಕ 13:35 - ಕೊಡವ ಬೈಬಲ್

³⁵ ಅನ್ನನೆ ನಿಂಗಳು ಎಚ್ಚರವಾಯಿತಿರಿ, ಎನ್ನಂಗೆಣ್ಣ್‌ಚೇಂಗಿ, ಮನೆರ ಎಜಮಾನ ಬಪ್ಪದ್ ಬೈಟಾಕು, ಅಥವ ನಡ್‌ಪಾದ್ರೆ ಆಕು, ಅಥವ ಪೊಲಾಕ ಮಲ್ಲಂಗೋಳಿ ಕೂವ ನೇರಾಯಿತಿಕ್ಕು, ಅಥವ ಪೊಲಾಕ ಆಯಿತಿಕ್ಕು. ಎಕ್ಕ ಬಯ್ಯಕ್ ವಾಪಸ್ ಬಪ್ಪ ಎಣ್ಣಿಯಂಡ್ ನಿಂಗಕ್ ಗೊತ್ತ್‌ಲ್ಲೆ.

ಮಾರ್ಕ 13:35 ပူးပေါင်းရင်းမြစ်များ

ಮತ್ತಾಯ 14:25

ಪೊಲಾಕ ನೇರತ್ ಸುಮಾರ್‌ ಮೂಂದ್ ನಾಲ್ ಗಂಟೆಕ್ ಯೇಸು ನೀರ್‌ರ ಮೇಲೆ ನಡ್‌ದಂಡ್ ಶಿಷ್ಯಂಗಡ ಪಕ್ಕ ಬಾತ್.

ಮತ್ತಾಯ 24:42

ನಿಂಗಡ ಒಡೆಯ ಎಕ್ಕ ಬಪ್ಪಾಂದ್ ಗೊತ್ತಿಲ್ಲತಗುಂಡ್, ಎಚ್ಚರವಾಯಿತಿರಿ.

ಮತ್ತಾಯ 24:43

ಒರ್ ಮನೆರ ಎಜಮಾನಂಗ್ ಕಳ್ಳ ಎಕ್ಕ ಬಪ್ಪಾಂದ್ ಗೊತ್ತ್‌ಂಜತೇಂಗಿ ಅಂವೊ ವರಿಯತೆ, ಕಳ್ಳ ಮನೆರ ಒಳ್‍ಕ್ ನುಗ್ಗತನೆಕೆ ಮನೆನ ಕಾತಂಡಿಪ್ಪಾಂದ್ ನಿಂಗಕ್ ಗೊತ್ತುಂಡ್.

ಮತ್ತಾಯ 24:44

ಆನಗುಂಡ್ ನಿಂಗಳು ತಯಾರಾಯಿತಿರಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ಗೇನ ಮಾಡತ ಸಮಯತ್‍ಲ್ ಮನುಷ್ಯಕುಮಾರ ಬಪ್ಪ.

ಮಾರ್ಕ 13:33

ಆ ಕಾಲ ಎಕ್ಕ ಬಪ್ಪಾಂದ್ ನಿಂಗಕ್ ಗೊತ್ತಿಲ್ಲತಗುಂಡ್, ಎಲ್ಲಾರು ಎಚ್ಚರತ್‍ಲ್ ಪಾರಕಾತಂಡ್, ಪ್ರಾರ್ಥನೆ ಮಾಡಿಯಂಡಿರಿ.

ಮಾರ್ಕ 13:37

ನಾನ್ ನಿಂಗಕ್ ಎಂತ ಎಣ್ಣ್‌ವಿ, ಅದ್‍ನ ಎಲ್ಲಾರ್‌ಕು ಎಣ್ಣ್‌ವಿ, ಎಚ್ಚರವಾಯಿತ್ ಇರಿ.

ಮಾರ್ಕ 14:30

ಇಂದ್ ಬಯಿಟ್ ನೇರತೆ ದಂಡ್ ಕುರಿ ಮಲ್ಲಂಗೋಳಿ ಕೂವಾಂಗಿಂಜ ಮಿಂಞ ನೀನ್ ನನ್ನ ಮೂಂದ್ ಕುರಿ ಗೊತ್ತಿಲ್ಲೇಂದ್ ಎಣ್ಣುವಿಯಾಂದ್ ಯೇಸು ಎಣ್ಣ್‌ಚಿ.

ಮಾರ್ಕ 6:48

ಗಾಳಿ ಜೋರಾಯಿತ್ ಅಯಿಂಗಕ್ ಎದ್‍ಕೆ ಬೀಜಿಯಂಡಿಂಜಗುಂಡ್, ಯೇಸುರ ಶಿಷ್ಯಂಗ ದೋಣಿನ ಕಷ್ಟತ್‍ಲ್ ನೂಕಿಯಂಡ್ ಇಂಜಾನ ಯೇಸು ಕಂಡತ್. ಯೇಸು ಆ ಶಿಷ್ಯಂಗಡ ಪಕ್ಕ ಪೊಲಾಕ ನೇರತ್ ಒರ್ ಮೂಂದ್ ನಾಲ್ ಗಂಟೆಕ್ ನೀರ್‌ರ ಮೇಲೆ ನಡ್ಂದ್ ಬಂದಂಡಿಂಜತ್. ಅಂವೊ ಅಯಿಂಗಳ ದಾಟಿ ಪೋಪನೆಕೆ ಇಂಜತ್.