ಮಾರ್ಕ 13:34 - ಕೊಡವ ಬೈಬಲ್

³⁴ ಒರ್ ಮನುಷ್ಯ ಅಂವೊಂಡ ಮನೆನ ಬುಟ್ಟಿತ್ ದೂರ ದೇಶಕ್ ಪೋಪಕ, ಅಂವೊಂಡ ಆಳ್ಂಗಕ್ ಅದಿಕಾರ ಕೊಡ್‌ತಿತ್, ಅಯಿಂಗಯಿಂಗಕ್ ಕೆಲಸತ್‍ನ ಪಾಲ್ ಮಾಡಿ ಕೊಡ್‌ತಿತ್, ಎಚ್ಚರತ್‍ಲ್ ಇರ್‍ೕಂದ್ ಮನೆನ ಕಾಪಂವೊಂಗ್ ಎಣ್ಣಿತ್ ಪೋಪ.

ಮಾರ್ಕ 13:34 ပူးပေါင်းရင်းမြစ်များ

ಮತ್ತಾಯ 16:19

ನಾನ್ ನೀಕ್ ಪರಲೋಕ ರಾಜ್ಯತ್‍ರ ಬೀತ್‌ಕೈನ ತಪ್ಪಿ; ನೀನ್ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿಯೋ ಅದ್ ಪರಲೋಕತ್‌ಲು ಕೆಟ್ಟಿತ್‌ಪ್ಪ, ನೀನ್ ಈ ಲೋಕತ್‍ಲ್ ಎಂತಾನ ಉತ್ತ್‌ವಿಯೋ ಅದ್ ಪರಲೋಕತ್‍ಲ್ ಸಹ ಉತ್ತಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 10:3

ಕೊರಿಕೊಟ್ಟ್‌ರ ಪಡಿಕಾರ ಅಂವೊಂಗ್ ಪಡಿನ ತೊರ್‌ಪ; ಕೊರಿಯಳು ಅಂವೊಂಡ ಸದ್ದ್‌ನ ಗೊತ್ತ್ ಮಾಡ್‌ವ. ಅಂವೊ ತಾಂಡ ಕೊರಿಯಳ ಪೆದ ಎಣ್ಣಿತ್ ಕಾಕಿತ್, ಅಯಿಂಗಳ ಪೊರಮೆ ನಡ್‍ತಿಯಂಡ್ ಪೋಪ.

ರೋಮ್ 13:6

ಇದ್ಂಗಾಯಿತೇ ನಿಂಗ ಕಂದಾಯ ಕೊಡ್‍ತಂಡುಂಡ್. ಅಯಿಂಗ ಈ ಕೆಲಸತ್‍ನ ನೋಟುವ ದೇವಡ ಸೇವಕಂಗಳಾಯಿತುಂಡ್.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

ಕೊಲೊಸ್ಸೆ 3:24

ಎನ್ನಂಗೆಣ್ಣ್‌ಚೇಂಗಿ, ನಿಂಗಕ್ ಒಡೆಯಂಡಿಂಜ ಕ್‍ಟ್ಟುವ ಇನಾಮ್‍ಕ್ ಬಾದ್ಯತೆ ಉಳ್ಳಯಿಂಗಾಂದ್ ಗೊತ್ತುಳ್ಳಗುಂಡ್, ನಿಂಗಡ ಒಡೆಯನಾಯಿತುಳ್ಳ ಕ್ರಿಸ್ತಂಗ್ ಸೇವೆ ಮಾಡಿ.

ಕೊಲೊಸ್ಸೆ 4:1

ಎಜಮಾನಂಗಳೇ, ನಿಂಗಕ್ ಸಹ ಪರಲೋಕತ್‍ಲ್ ಎಜಮಾನ ಉಂಡ್‍ೕಂದ್ ಗೇನ ಮಾಡಿತ್, ನಿಂಗಡ ಆಳುವಳ ಚಾಯಿತೆ ನೋಟಿಯಂಡ್, ನೀತಿಲ್ ಪಿಂಞ ಏದ್ ನಲ್ಲದೋ ಅದ್‍ನ ಅಯಿಂಗಕ್ ಮಾಡಿ.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.