ಮಾರ್ಕ 13:10 - ಕೊಡವ ಬೈಬಲ್

¹⁰ ಆಚೇಂಗಿ ಅಂತ್ಯಕಾಲ ಬಪ್ಪಗಿಂಜ ಮಿಂಞ ಎಲ್ಲಾ ಜಾತಿ ಜನಕು ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡಂಡು.

ಮಾರ್ಕ 13:10 ပူးပေါင်းရင်းမြစ်များ

ಮತ್ತಾಯ 12:41

ನ್ಯಾಯತೀರ್ಪ್ ದಿವಸತ್‍ಲ್ ನಿನೆವೆ ಪಟ್ಟಣತ್‍ರ ಜನ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ. ಎನ್ನಂಗೆಣ್ಣ್‌ಚೇಂಗಿ, ಯೋನಂಡ ಬೋದನೆನ ಕ್‍ೕಟಿತ್ ನಿನವೆ ಪಟ್ಟಣತ್‍ರ ಜನ ದೇವಡ ಪಕ್ಕ ತಿರ್‍ಗ್‍ಚಿ. ಇಕ್ಕ, ಯೋನಕಿಂಜ ಬಲ್ಯಂವೊ ಇಲ್ಲಿ ಉಂಡ್ ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್‌ಲ್ಲೆ.

ಮತ್ತಾಯ 24:14

ದೇವಡ ರಾಜ್ಯತ್‍ರ ಈ ನಲ್ಲ ಸುದ್ದಿ ಎಲ್ಲಾ ಜನಕು ಸಾಕ್ಷಿಯಾಯಿತ್ ಪ್ರಚಾರ ಆಯಿತ್‌ಪ್ಪ. ಅಕ್ಕ ಅಂತ್ಯ ಬಪ್ಪ.

ಮಾರ್ಕ 16:15

ಪಿಂಞ, ಅಂವೊ ಅಯಿಂಗಳ ನೋಟಿತ್: ನಿಂಗ ಬೂಲೋಕವೆಲ್ಲಾ ಪೋಯಿತ್ ದೇವಡ ನಲ್ಲ ಸುದ್ದಿನ ಎಲ್ಲಾ ಜನಕು ಪ್ರಚಾರ ಮಾಡಿ.

ರೋಮ್ 1:8

ಆದ್ಯವಾಯಿತ್, ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ, ಲೋಕತ್‍ರ ಎಲ್ಲಾ ಜಾಗತ್‍ಲ್ ಗೊತ್ತಾನಗುಂಡ್, ನಿಂಗ ಎಲ್ಲಾರ್‍ಕಾಯಿತ್ ನಾನ್ ಯೇಸು ಕ್ರಿಸ್ತಂಡ ಮೂಲಕ ದೇವಕ್ ವಂದನೆ ಎಣ್ಣ್‌ವಿ.

ರೋಮ್ 10:18

ಆಚೇಂಗಿ, ಇಸ್ರಾಯೇಲ್ ಜನ ಇದ್‍ನ ಕ್‍ೕಟಿತ್‌ಲ್ಲೆಯಾಂದ್ ನಾನ್ ಕ್‍ೕಪಿ; ಅಯಿಂಗ ಕ್‍ೕಟತ್; ಅಯಿಂಗ ಎಣ್ಣ್‌ನ ವಾಕ್ಯತ್‍ರ ವಾಣಿ ಲೋಕತ್‍ಲ್ ಎಲ್ಲೆಲ್ಲಿಕು ಪೋಚಿ, ಪಿಂಞ ಲೋಕತ್‍ರ ಆಕೀರ್‍ಕತ್ತನೆ ಪೋಚೀಂದ್ ಉಂಡ್.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.

ಕೊಲೊಸ್ಸೆ 1:6

ನಿಂಗಡ ಪಕ್ಕ ಬಂದ ಆ ದೇವಡ ನಲ್ಲ ಸುದ್ದಿ, ಇಡೀ ಲೋಕಕ್ ಪೋಯಂಡುಂಡ್. ಅದ್ ನಿಂಗಡ ಪಕ್ಕ ಬಂದಿತ್, ನಿಂಗ ಅದ್‍ನ ಕ್‍ೕಟಿತ್ ದೇವಡ ಕೃಪೇನ ನೇರಾಯಿತ್ ಅರ್ಥಮಾಡ್‍ನ ದಿವಸತ್ಂಜ ನಿಂಗಡ ಬದ್‍ಕ್‍ಲ್ ಎನ್ನನೆ ಫಲ ತಂದ್‍ೕಂಡುಂಡೊ, ಅನ್ನನೆ ಅದ್ ಪೋಪ ಜಾಗತ್‍ಲೆಲ್ಲಾ ಸಹ, ಜನಡ ಬದ್‍ಕ್‍ಲ್ ಮಾಡಿಯಂಡುಂಡ್.

ಪ್ರಕಟನೆ 14:6

ಪಿಂಞ ಇಂಞೊರ್ ದೇವದೂತ ಬಾನತ್‍ರ ಮದ್ಯತ್ಂಜ ಪಾರಿತ್ ಬಪ್ಪಾನ ಕಂಡಿಯೆ; ಅಂವೊ ಬೂಮಿಲ್ ವಾಸ ಮಾಡಿಯಂಡುಳ್ಳ ಎಲ್ಲಾ ಜಾತಿಕ್, ಎಲ್ಲಾ ಕುಲಕ್, ಎಲ್ಲಾ ಬಾಷೆ ಪರಿಯುವಯಿಂಗಕ್, ಎಲ್ಲಾ ಜನಕ್ ಅರಿಚಿಡುವಕುಳ್ಳ ದೇವಡ ನಿತ್ಯವಾನ ನಲ್ಲ ಸುದ್ದಿನ ಕೊಂಡ್ ಬಾತ್.