ಮಾರ್ಕ 12:29 - ಕೊಡವ ಬೈಬಲ್

²⁹ ಅದ್ಂಗ್ ಯೇಸು: ಎಲ್ಲಾಗಿಂಜ ಮುಕ್ಯಪಟ್ಟ ಆಜ್ಞೆ ಎಂತ ಎಣ್ಣ್‌ಚೇಂಗಿ: ಇಸ್ರಾಯೇಲ್ ಮಕ್ಕಳೇ, ನಂಗಡ ದೇವನಾನ ಒಡೆಯ ಒಬ್ಬನೇ, ಅಂವೊನೇ ಒಡೆಯ.

ಮಾರ್ಕ 12:29 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 23:26

ನಾಡ ಮೋನೇ, ನೀಡ ಹೃದಯತ್‌ನ ನಾಕ್‍ ತಾ. ನೀಡ ಕಣ್ಣ್‌ ನಾಡ ಬಟ್ಟೆಲ್‌ ಪೋಪಕ್‌ ಕುಶಿ ಪಡಡ್.

ಮತ್ತಾಯ 10:37

ಒಬ್ಬ ತಾಂಡ ಅಪ್ಪನ ಆಚೇಂಗಿಯು, ಅವ್ವಳ ಆಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ. ಪಿಂಞ ತಾಂಡ ಮೋಂವೊನಾಚೇಂಗಿಯು, ಮೋವಳಾಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಮತ್ತಾಯ 23:9

ಈ ಲೋಕತ್‍ಲ್ ದಾರ್‌ನು ನಿಂಗ ಅಪ್ಪಾಂದ್ ಎಣ್ಣಂಡ; ಪರಲೋಕತ್‍ಲ್ ಉಳ್ಳ ಒಬ್ಬನೇ ನಿಂಗಕ್ ಆತ್ಮೀಯ ಅಪ್ಪನಾಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:27

ಅದ್ಂಗ್ ಆ ಉಪಾದ್ಯ: ನೀಡ ದೇವನಾನ ಒಡೆಯನ ಪೂರ್ತಿ ಹೃದಯತ್‍ಲ್, ಪೂರ್ತಿ ಆತ್ಮತ್‍ಲ್, ಪೂರ್ತಿ ಮನಸ್ಸ್‌ಲ್, ಪೂರ್ತಿ ಶಕ್ತಿಲ್ ಪ್ರೀತಿ ಮಾಡಂಡು. ಅದಲ್ಲತೆ ನೀನ್ ನಿನ್ನ ಎನ್ನನೆ ಪ್ರೀತಿಮಾಡ್‍ವಿಯ ಅನ್ನನೆ ನೀಡ ನೆರಮನೆಕಾರಳ ಸಹ ಪ್ರೀತಿ ಮಾಡಂಡೂಂದ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.

ರೋಮ್ 3:30

ಸುನ್ನತಿ ಮಾಡ್‍ನಯಿಂಗಳ ನಂಬಿಕೇರಗುಂಡ್ ಪಿಂಞ ಸುನ್ನತಿ ಇಲ್ಲತಯಿಂಗಳ ನಂಬಿಕೇರ ಮೂಲಕ ನೀತಿವಂತಯಿಂಗಳಾಯಿತ್ ಮಾಡ್‌ವ ದೇವ ಒಬ್ಬನೇ.

1 ಕೊರಿಂಥ 8:4

ಆನಗುಂಡ್ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್: ಈ ಲೋಕತ್‍ಲ್ ವಿಗ್ರಹ ಎಣ್ಣುವದ್ ಒಂದು ಇಲ್ಲೇಂದು, ಒಬ್ಬನ ಬುಟ್ಟಿತ್ ಬೋರೆ ದೇವ ಇಲ್ಲೇಂದು ನಂಗಕ್ ಗೊತ್ತುಂಡ್.

ಗಲಾತ್ಯ 3:20

ದಂಡಾಳ್ ಒಪ್ಪಂದ ಮಾಡ್‌ವಕ, ಒರ್ ಮದ್ಯಸ್ತ ಬೋಂಡು, ಆಚೇಂಗಿ ಒಬ್ಬನೇ ಆನ ದೇವ ಅಬ್ರಹಾಮಂಗ್ ಒಪ್ಪಂದ ಮಾಡ್‌ವಕ ಒರ್ ಮದ್ಯಸ್ತನನೂ ಕಾಕಿತ್‌ಲ್ಲೆ.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ತಿಮೊಥೆಯ 2:5

ದೇವ ಒಬ್ಬನೇ, ದೇವ ಪಿಂಞ ಮನುಷ್ಯಂಗಕ್ ಮದ್ಯಸ್ತನು ಒಬ್ಬನೇ. ಅಂವೊನೇ ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತ.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.

ಯೂದ ಒಳ್‍ದ್‍ನ ಕಾಗದ 1:25

ನಂಗಡ ರಕ್ಷಕನಾನ ದೇವಕ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಮಹಿಮೆ, ಮಹತ್ವ, ಶಕ್ತಿ ಪಿಂಞ ಅದಿಕಾರವೆಲ್ಲ ಆದಿಯಿಂಜಲೆ, ಇಕ್ಕಲು, ಎಕ್ಕಾಲು ಇರಡ್. ಆಮೆನ್.