ಮಾರ್ಕ 12:26 - ಕೊಡವ ಬೈಬಲ್

²⁶ ಇಂಞು ಅಂವೊ, ಚತ್ತ್ ಪೋನಯಿಂಗ ಏವ ವಿಷಯತ್‍ನ: ನಾನ್ ಅಬ್ರಹಾಮಂಡ ದೇವ, ಇಸಾಕಂಡ ದೇವ, ಯಾಕೋಬಂಡ ದೇವಾಂದ್ ಚುಡ್‌ವ ಪೊದರ್ ಎಣ್ಣುವ ಜಾಗತ್‍ಲ್ ಮೋಶೇರ ಗ್ರಂಥತ್‌ಲ್ ಅಂವೊಂಗ್ ಎಣ್ಣಿತುಳ್ಳದ್ ನಿಂಗ ಓದಿತ್ತ್‌ಲ್ಲೆಯಾ?

ಮಾರ್ಕ 12:26 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 26:24

ಆ ಬಯಿಟ್ ಯೆಹೋವ ಅಂವೊಂಗ್‌ ಕಾಂಬ್‌ಚಿಟ್ಟಿತ್: ನಾನ್‌ ನೀಡ ಅಪ್ಪನಾನ ಅಬ್ರಹಾಮಂಡ ದೇವ, ಆನಗುಂಡ್‌ ನೀನ್‌ ಬೊತ್ತತೆ, ನಾನ್‌ ನೀಡ ಕೂಡೆ ಉಳ್ಳ. ನಾಡ ಸೇವಕನಾನ ಅಬ್ರಹಾಮನಗುಂಡ್, ನಿನ್ನ ಆಶೀರ್ವಾದ ಮಾಡಿತ್, ನೀಡ ಸಂತಾನತ್‌ನ ಬಲ್ಯದ್‌ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 28:13

ಅದಾ, ಯೆಹೋವ ಮೊಟ್ಟ್‌ರ ಕೊಡಿಲ್‌ ನಿಂದಿತ್: ನಾನ್‌ ನೀಡ ಮುತ್ತಜ್ಜಂಗಳಾನ ಅಬ್ರಹಾಮಂಡ ದೇವನು ಇಸಾಕಂಡ ದೇವನು ಆನ ಯೆಹೋವ; ನೀನ್‌ ಬುದ್ದಂಡುಳ್ಳ ಬೂಮಿನ ನೀಕು ನೀಡ ಸಂತಾನಕು ತಪ್ಪಿ.

ಆದ್ಯತ್‌ರ ಪುಸ್ತಕ 31:42

ನಾಡ ಅಪ್ಪಂಡ ದೇವನಾನ ಅಬ್ರಹಾಮಂಡ ದೇವನು, ಇಸಾಕ ಪೋಡಿ ಬೆಚ್ಚಿತ್‌ಂಜ ದೇವನು ನಾಡ ಕೂಡೆ ಇಲ್ಲತೆ ಪೋಯಿತ್‌ಂಜತೇಂಗಿ ನೀನ್‌ ನನ್ನ ಬರಿ ಕೈಲ್‌ ಅಯಿಚಿರುವಯಿಂಜಿಯ. ಆಚೇಂಗಿ ದೇವ ನಾಡ ಕಷ್ಟತ್‌ನ ಪಿಂಞ ನಾನ್‌ ನಯಿಚದ್‌ನ ಕಂಡಾಂಗ್‌ ನಿನ್ನಾಂದ್‌ ಬಯಿಟ್ ದೇವ ನಿನ್ನ ಚೂಕ್‌ಚಿಟ್ಟತ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 32:9

ಅಲ್ಲಿಂಜ ಯಾಕೋಬ: ಓ ದೇವ, ನಾಡ ಅಪ್ಪನಾನ ಅಬ್ರಹಾಮಂಡ ದೇವನೇ, ನಾಡ ಅಪ್ಪನಾನ ಇಸಾಕಂಡ ದೇವನೇ, ನಾಡ ದೇಶಕು, ನಾಡ ಬೆಂದ್‌ಕ ಉಳ್ಳ ಜಾಗಕು ತಿರಿತ್‌ ಪೋಂದ್‌ ಎಣ್ಣಿಯ ಯೆಹೋವ ನೀನೆ. ನೀನ್‌ ನಾಕ್‍ ನಲ್ಲದ್‌ನ ಮಾಡ್‌ವಿಯಾಂದ್‌ ತಕ್ಕ್‌ ತಂದಿತುಳ್ಳಿಯ.

ಆದ್ಯತ್‌ರ ಪುಸ್ತಕ 33:20

ಅಲ್ಲಿ ಯಾಕೋಬ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಅದ್‌ಂಗ್‌ ಏಲ್‌ ಎಲೋಹೇ ಇಸ್ರಾಯೇಲ್‌ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಮಾರ್ಕ 12:10

ಮನೆ ಕೆಟ್ಟ್‌ವಂವೊ ಲಾಯಕಾಯಿತ್‌ಲ್ಲೇಂದ್ ತ್‍ಕ್ಕಾರ ಮಾಡ್‍ನ ಕಲ್ಲೇ ಮುಕ್ಯವಾನ ಮೂಲೆ ಕಲ್ಲಾಚ್.

ಮಾರ್ಕ 12:25

ಚತ್ತ್ ಪೋನಯಿಂಗ ಎದ್ದಿತ್ ಬಪ್ಪಕ ಅಯಿಂಗ ಪರಲೋಕತ್‌ಲುಳ್ಳ ದೇವದೂತಂಗಡನೆಕೆ ಆಯಿತಿಪ್ಪ. ಅಯಿಂಗಕ್ ಮಂಗಲ ಆಪುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:37

ಚತ್ತ್ ಪೋನಯಿಂಗ ಜೀವವಾಯಿತ್ ಎದ್ದಿತ್ ಬದ್‍ಕಾವಾಂದ್ ಕತ್ತಿಯಂಡಿಂಜ ಪೊದರ್‌ರ ವಿಷಯತ್‍ನ ಎಣ್ಣುವ ಮೋಶೇರ ಗ್ರಂಥತ್‌ರ ಜಾಗತ್‍ಲ್ ಚಾಯಿತೆ ಎಣ್ಣಿತುಂಡ್. ಎನ್ನನೆ ಎಣ್ಣ್‌ಚೇಂಗಿ, ಅಂವೊ ಒಡೆಯನ, ಅಬ್ರಹಾಮಂಡ ದೇವ, ಇಸಾಕಂಡ ದೇವ, ಯಾಕೋಬಂಡ ದೇವಾಂದ್ ಎಣ್ಣಿತುಂಡ್.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ರೋಮ್ 11:2

ದೇವ, ಮಿಂಞಲೇ ಗೊತ್ತ್ ಮಾಡ್‍ನ ತಾಂಡ ಜನತ್‍ನ ತಿರಸ್ಕಾರ ಮಾಡುಲೆ. ಎಲೀಯ ಪ್ರವಾದಿರ ವಿಷಯತ್‍ನ ದೇವಡ ವಾಕ್ಯ ಎಣ್ಣುವ ಜಾಗತ್‍ಲ್, ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತ್‌ಲ್ಲೆಯ? ಎಲೀಯ ದೇವಡ ಪಕ್ಕ: