ಮಾರ್ಕ 12:24 - ಕೊಡವ ಬೈಬಲ್

²⁴ ಯೇಸು ಅಯಿಂಗಕ್: ದೇವಡ ಶಕ್ತಿ ಪಿಂಞ ದೇವಡ ವಾಕ್ಯ ನಿಂಗಕ್ ಗೊತ್ತಿಲ್ಲತಗುಂಡ್ ತಪ್ಪಾಯಿತ್ ನಿಂಗ ಗೇನ ಮಾಡಿಯಂಡುಂಡ್.

ಮಾರ್ಕ 12:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:14

ಯೆಹೋವಂಗ್‌ ಕಯ್ಯತ್ತದ್‌ ಎಂತದೇಂಗಿ ಉಂಡಾ? ನಾನ್‌ ಎಣ್ಣ್‌ನನೆಕೆ ಬಪ್ಪ ಕಾಲತ್‌ ಇದೇ ಸಮಯಕ್‌ ತಿರಿತ್‌ ಬಪ್ಪಿ; ಅಕ್ಕ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 22:29

ಯೇಸು ಅಯಿಂಗಕ್: ದೇವಡ ವಾಕ್ಯ ಪಿಂಞ ದೇವಡ ಶಕ್ತಿ ನಿಂಗಕ್ ಗೊತ್ತಿಲ್ಲತಗುಂಡ್ ನಿಂಗ ತಪ್ಪ್ ತಪ್ಪಾಯಿತ್ ಗೇನ ಮಾಡ್‌ವಿರ.

ಮಾರ್ಕ 10:27

ಯೇಸು ಅಯಿಂಗಳ ನೋಟಿತ್: ಇದ್ ಮನುಷ್ಯಂಗಕ್ ಕಯ್ಯುಲೆ ಆಚೇಂಗಿ ದೇವಕ್ ಕಯ್ಯು. ದೇವಕ್ ಎಲ್ಲಾ ಕಯ್ಯೂಂದ್ ಎಣ್ಣ್‌ಚಿ.

ಮಾರ್ಕ 12:23

ಅಂದಕ, ಚಾವ್‍ಯಿಂಜ ಎಲ್ಲಾ ಮನುಷ್ಯಂಗ ಜೀವವಾಯಿತ್ ಎದ್ದಿತ್ ಬಪ್ಪ ಆ ದಿನತ್‌ಲ್ ಆ ಪೊಣ್ಣಾಳ್ ಏದ್ ಆಣಾಳ್‌ರ ಪೊಣ್ಣಾಯಿತಿಪ್ಪ? ಏಳ್ ಅಣ್ಣತಮ್ಮಣಂಗಳು ಅವಳ ಮಂಗಲ ಕಯಿಚಿತಲ್ಲಾಂದ್ ಎಣ್ಣ್‌ಚಿ.

ಮಾರ್ಕ 12:25

ಚತ್ತ್ ಪೋನಯಿಂಗ ಎದ್ದಿತ್ ಬಪ್ಪಕ ಅಯಿಂಗ ಪರಲೋಕತ್‌ಲುಳ್ಳ ದೇವದೂತಂಗಡನೆಕೆ ಆಯಿತಿಪ್ಪ. ಅಯಿಂಗಕ್ ಮಂಗಲ ಆಪುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:37

ದೇವಕ್ ಮಾಡ್‌ವಕ್ ಕಯ್ಯತದ್‍ೕಂದ್, ಒಂದು ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 20:9

ಯೇಸು ಚತ್ತಯಿಂಗ ಮದ್ಯತ್ಂಜ ಪುನಃ ಜೀವವಾಯಿತ್ ಬರಂಡೂಂದ್ ಉಳ್ಳ ದೇವಡ ವಾಕ್ಯ ಇಲ್ಲಿಕತ್ತನೆ ಗೇನಬಂದಿತ್‌ಲ್ಲೆ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ರೋಮ್ 15:4

ದೇವಡ ವಾಕ್ಯತ್‍ರಗುಂಡ್ ಕ್‍ಟ್ಟುವ ಪೊರುಮೆ ಪಿಂಞ ಸಮಾದಾನತ್‍ರ ಮೂಲಕ ನಂಗ ನಿರಿಕ್ಷೇಲ್ ಇಪ್ಪಕಾಯಿತ್, ಮಿಂಞಲೇ ದೇವಡ ವಾಕ್ಯತ್‍ಲ್ ಒಳ್‍ದಿ ಬೆಚ್ಚದೆಲ್ಲ ನಂಗಕ್ ಒರ್ ಬೋದನೆಯಾಯಿತ್ ಬೆಚ್ಚಿತುಂಡ್.

ಎಫೆಸ 1:19

ಅಂವೊ ಕ್ರಿಸ್ತನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪಿತ್, ಅಂವೊಂಡಲ್ಲಿ ಮಾಡ್‍ನ ಅಂವೊಂಡ ಬಲ್ಯ ಶಕ್ತಿರ ಬಲತ್‍ರನೆಕೆ, ಅಂವೊಂಡ ಮೇಲೆ ನಂಬಿಕೆ ಇಟ್ಟಿತುಳ್ಳ ನಂಗಡಲ್ಲಿ ಮಾಡಿಯಂಡುಳ್ಳ ಅಂವೊಂಡ ಬಲ್ಯ ಗನತ್‍ರ ಮಹತ್ವ ಎಂತದ್‍ೕಂದ್ ಗೊತ್ತಾಪಕು ಅಂವೊ ನಿಂಗಕ್ ಬಲ್ಯ ಬೊಳಿರ ಆತ್ಮೀಯ ಕಣ್ಣ್‌ನ ತರಂಡೂಂದ್ ಪ್ರಾರ್ಥನೆ ಮಾಡಿಯಂಡುಂಡ್.

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.