ಮಾರ್ಕ 12:12 - ಕೊಡವ ಬೈಬಲ್

¹² ಯೇಸು ಎಣ್ಣ್‌ನ ಈ ಕಥೇರ ರೂಪ, ಅಯಿಂಗಡ ವಿಷಯತ್‍ನೇ ಎಣ್ಣ್‌ಚೀಂದ್ ಯೆಹೂದ್ಯರ ಅದಿಕಾರಿಯಂಗಕ್ ಗೊತ್ತಾಯಿತ್, ಯೇಸುನ ಪುಡಿಪಕ್ ನೋಟ್‌ಚಿ. ಆಚೇಂಗಿ ಈ ಬಲ್ಯ ಜನಡ ಗುಂಪ್‍ನ ಕಂಡಿತ್ ಅಯಿಂಗಕ್ ಪೋಡಿ ಆಚಿ. ಯೇಸುನ ಅನ್ನನೆ ಬುಟ್ಟಿತ್ ಪೋಚಿ.

ಮಾರ್ಕ 12:12 ပူးပေါင်းရင်းမြစ်များ

ಮತ್ತಾಯ 21:26

ಅಂವೊಂಗ್ ಎಂತ ಉತ್ತರ ಕೊಡುಕಂಡೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್. ಇದೆಲ್ಲಾ ದೇವಡಯಿಂಜ ಬಂದಡ್‍ೕಂದ್‌ ಎಣ್ಣ್‌ಚೇಂಗಿ ನಿಂಗ ಎನ್ನಂಗ್ ಯೋಹಾನನ ನಂಬಿತ್‌ಲ್ಲೇಂದ್ ಕ್‍ೕಪ.

ಮತ್ತಾಯ 22:22

ಅಂವೊ ಕೊಡ್‍ತ ಉತ್ತರತ್‍ನ ಕ್‍ೕಪಕ ಅಯಿಂಗಕೆಲ್ಲ ದುಂಬ ಆಶ್ಚರ್ಯ ಆಯಿತ್, ಅಂವೊನ ಬುಟ್ಟಿತ್ ಪೋಚಿ.

ಮಾರ್ಕ 11:18

ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸು ತಕ್ಕ್ ಪರಿವಾನ ಕ್‍ೕಟತ್. ಅಂದಕ ಅಯಿಂಗ ಎಂತಾಚೇಂಗಿಯು ಮಾಡಿತ್ ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತ್. ಆಚೇಂಗಿ ಜನಕೆಲ್ಲಾ ಯೇಸುರ ಬೋದನೆ ಕ್‍ೕಟಿತ್ ದುಂಬ ಆಶ್ಚರ್ಯ ಆನಗುಂಡ್ ಅಯಿಂಗ ಯೇಸುನ ಕಂಡಿತ್ ಬೊತ್ತ್‌ವಯಿಂಜತ್.

ಮಾರ್ಕ 11:32

ಆಚೇಂಗಿ ಇದ್ ಮನುಷ್ಯಂಡಲ್ಲಿಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ, ನಂಗ ಮನುಷ್ಯಂಗಕ್ ಬೊತ್ತ್‌ಚಿಟ್ಟನೆಕೆ ಅಯಿಂಗಕ್ ಆಪ. ಎನ್ನಂಗೆಣ್ಣ್‌ಚೇಂಗಿ ಯೋಹಾನ ಎಣ್ಣ್‌ವಂವೊ ನೇರಾಯಿತು ಪ್ರವಾದೀಂದ್ ಜನ ಗೇನ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:19

ಯೇಸು ಎಣ್ಣ್‌ನ ಕಥೇರ ರೂಪತ್‌ಲ್ ಅಯಿಂಗಡ ವಿಷಯತ್‍ನ ಎಣ್ಣ್‌ಚೀಂದ್ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಮುಕ್ಯ ಯಾಜಕಂಗಕ್ ಗೊತ್ತಾಯಿತ್, ಯೇಸುನ ಪುಡಿಪಕ್ ಒರ್ ಸಮಯ ನೋಟಿಯಂಡಿಂಜತ್. ಆಚೇಂಗಿ ಈ ಬಲ್ಯ ಜನಡ ಕೂಟತ್‌ನ ಕಂಡಿತ್ ಅಯಿಂಗಕ್ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:6

ಆಚೇಂಗಿ ಇದ್ ಮನುಷ್ಯಂಡಲ್ಲಿಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ, ಜನ ಯೋಹಾನನ ಪ್ರವಾದೀಂದ್ ನಂಬಿತ್ಂಜಗುಂಡ್ ನಂಗಳ ಕೊಲ್ಲ್‌ವಕ್ ಕಲ್ಲ್ ಕನಿಪಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಯೋಹಾನ 7:25

ಅಕ್ಕ ಯೆರೂಸಲೇಮ್ ಪಟ್ಟಣತ್‍ರ ಚೆನ್ನ ಜನ: ಇಂವೊನತಾನೇ ಅಯಿಂಗ ಕೊಲ್ಲ್‌ವಕ್ ನೋಟಿಯಂಡ್ ಉಂಡ್?

ಯೋಹಾನ 7:30

ಯೇಸು ಇನ್ನನೆ ಎಣ್ಣುವಕ, ಅಯಿಂಗ ಅಂವೊನ ಪುಡಿಪಕ್ ನೋಟ್‌ಚಿ, ಆಚೇಂಗಿ ಅಂವೊಂಡ ಸಮಯ ಬರತಗುಂಡ್ ಅಂವೊಂಡ ಮೇಲೆ ದಾರೂ ಕೈ ಬಿಚ್ಚಿತ್‌ಲ್ಲೆ.

ಯೋಹಾನ 7:44

ಚೆನ್ನ ಜನ ಅಂವೊನ ಪುಡ್‌ಚಿತ್ ಕೊಡ್‍ಪಕ್ ನೋಟ್‌ಚಿ, ಆಚೇಂಗಿ ದಾರೂ ಅಂವೊಂಡ ಮೇಲೆ ಕೈ ಇಟ್ಟಿತ್‌ಲ್ಲೆ.