ಮಾರ್ಕ 12:11 - ಕೊಡವ ಬೈಬಲ್

¹¹ ಇದ್ ದೇವನೇ ಮಾಡ್‍ಚಿ. ಅದ್ ನಂಗಡ ಕಣ್ಣ್‌ಕ್ ಆಶ್ಚರ್ಯವಾಯಿತುಂಡ್‍ೕಂದ್ ಉಳ್ಳ ದೇವಡ ವಾಕ್ಯ ನೇರಾಯಿತು ನಿಂಗಕ್ ಗೊತ್ತುಂಡ್.

ಮಾರ್ಕ 12:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:50

ಅದ್‌ಂಗ್‌ ಲಾಬಾನ ಪಿಂಞ ಬೆತೂವೇಲ, ಈ ಕಾರ್ಯ ಯೆಹೋವಯಿಂಜ ಬಂದದ್. ಆನಗುಂಡ್‌ ನಂಗಕ್‌ ನಲ್ಲದ್‌ ಕೆಟ್ಟದ್‌ ಒಂದು ಎಣ್ಣ್‌ವಕ್‌ ಆಪುಲೆ.

ಮತ್ತಾಯ 21:42

ಯೇಸು ಅಯಿಂಗಳ ನೋಟ್‌ವಂಜಿ: ಮನೆ ಕೆಟ್ಟ್‌ವಯಿಂಗ, ಆ ಕಲ್ಲ್ ಲಾಯಕಾಯಿತ್‌ಲ್ಲೇಂದ್ ತ್‍ಕ್ಕಾರ ಮಾಡ್‍ನ ಕಲ್ಲೇ ಮುಕ್ಯವಾನ ಮೂಲೆ ಕಲ್ಲಾಚಿ, ಇದ್ ದೇವ ಮಾಡ್‍ನದ್, ಅದ್‍ನ ನೋಟ್‍ವಕ ನಂಗಕ್ ಆಶ್ಚರ್ಯವಾಯಿತ್ ಉಂಡ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್ ನಿಂಗ ಓದಿತ್‌ಲ್ಲೆಯಾ?

ಅಪೊಸ್ತಲ 2:12

ಎಲ್ಲಾರು ಆಶ್ಚರ್ಯತ್‍ಲ್ ಅಲ್ಲಿ ಎಂತ ಆಯಂಡುಂಡ್‍ೕಂದ್ ಗೊತ್ತಿಲ್ಲತೆ ಪೋಡಿಲ್, ಇದ್ ಎಂತಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಕೊಲೊಸ್ಸೆ 1:27

ಯೆಹೂದ್ಯಂಗಲ್ಲತ ಜನಕಾಯಿತ್ ಅಂವೊ ಬೆಚ್ಚಿತುಳ್ಳ ಈ ಐಶ್ವರ್ಯವಾನ ಮಹಿಮೇರ ಗುಟ್ಟ್‌ನ, ದೇವ ತಾಂಡ ಮಕ್ಕಕ್ ಕಾಂಬ್‍ಚಿಡಂಡೂಂದ್ ಉಳ್ಳದೇ ಅಂವೊಂಡ ಚಿತ್ತ. ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಿಂಡಗಲ್ಲಿ ಉಂಡ್, ಅದ್ ಮಹಿಮೇರೆ ನಿರೀಕ್ಷೆಯೇ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.