ಮಾರ್ಕ 11:31 - ಕೊಡವ ಬೈಬಲ್

³¹ ಅಕ್ಕ ಅಯಿಂಗಯಿಂಗಳೇ ಚರ್ಚೆ ಮಾಡ್‌ವಕ್ ಸುರು ಮಾಡ್‍ಚಿ: ನಂಗ ಎಂತ ಎಣ್ಣುವ? ನಂಗ ಇಕ್ಕ ಪರಲೋಕತ್ಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ ನಿಂಗ ಎನ್ನಂಗ್ ಯೋಹಾನನ ನಂಬುಲೇಂದ್ ಕ್‍ೕಪ.

ಮಾರ್ಕ 11:31 ပူးပေါင်းရင်းမြစ်များ

ಮತ್ತಾಯ 16:7

ಇದ್‍ನ ಶಿಷ್ಯಂಗ ಕ್‍ೕಪಕ: ನಂಗ ಒಟ್ಟಿ ಎಡ್‌ತ ಬರತಾಂಗ್ ಯೇಸು ಇನ್ನನೆ ತಕ್ಕ್ ಪರ್ಂದಿಯೆ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಮಾರ್ಕ 11:30

ನಿಂಗಕ್ ದೀಕ್ಷಾಸ್ನಾನ ತಪ್ಪ ಅದಿಕಾರ ಯೋಹಾನಂಗ್ ಪರಲೋಕತ್ಂಜ ಕ್‍ಟ್ಟ್‌ನದಾ? ಅಥವ ಮನುಷ್ಯಡಿಂಜ ಕ್‍ಟ್ಟನದಾಂದ್ ನಿಂಗ ಇಕ್ಕ ಎಣ್ಣಿ.

ಮಾರ್ಕ 11:32

ಆಚೇಂಗಿ ಇದ್ ಮನುಷ್ಯಂಡಲ್ಲಿಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ, ನಂಗ ಮನುಷ್ಯಂಗಕ್ ಬೊತ್ತ್‌ಚಿಟ್ಟನೆಕೆ ಅಯಿಂಗಕ್ ಆಪ. ಎನ್ನಂಗೆಣ್ಣ್‌ಚೇಂಗಿ ಯೋಹಾನ ಎಣ್ಣ್‌ವಂವೊ ನೇರಾಯಿತು ಪ್ರವಾದೀಂದ್ ಜನ ಗೇನ ಮಾಡಿಯಂಡಿಂಜತ್.

ಯೋಹಾನ 1:15

ಯೋಹಾನ ಅಂವೊಂಡ ವಿಷಯತ್‍ಲ್: ನಾಕ್ ಬಯ್ಯ ಬಪ್ಪಂವೊ ನಾಕಿಂಜ ಮಿಂಞಲೇ ಇಂಜಂವೊ, ಆನಗುಂಡ್ ಅಂವೊ ನಾಕಿಂಜ ಬಲ್ಯಂವೋಂದ್ ನಾನ್ ನಿಂಗಕ್ ಮಿಂಞಲೇ ಎಣ್ಣಿತ್ಂಜಂವೊ ಇಂವೊನೇಂದ್ ಜೋರಾಯಿತ್ ಸಾಕ್ಷಿ ಕೊಡ್‍ತತ್.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 1:34

ಅನ್ನನೆ ನಾನ್ ಕಂಡಿತ್, ಇಂವೊನೇ ದೇವಡ ಮೋಂವೋಂದ್ ಸಾಕ್ಷಿ ಕೊಡ್‌ತಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 1:36

ಅಕ್ಕ, ಅಲ್ಲಿ ಯೇಸು ನಡ್ಂದ್ ಪೋಯಂಡಿಪ್ಪದ್‍ನ ಕಂಡಿತ್: ನೋಟಿ, ದೇವಡ ಕೊರಿಕುಟ್ಟೀಂದ್ ಎಣ್ಣ್‌ಚಿ.