ಮಾರ್ಕ 11:14 - ಕೊಡವ ಬೈಬಲ್

¹⁴ ಇಂಞು ಮಿಂಞಕ್ ದಾರೂ ಈ ಮರತ್‍ರ ಪಣ್ಣ್‌ನ ತಿಂಬಕ್ಕಾಗ ಎಣ್ಣಿಯಂಡ್ ಯೇಸು ಆ ಮರಕ್ ಎಣ್ಣ್‌ಚಿ. ಇದ್‍ನ ಅಂವೊಂಡ ಶಿಷ್ಯಂಗ ಕ್‍ೕಟತ್.

ಮಾರ್ಕ 11:14 ပူးပေါင်းရင်းမြစ်များ

ಮತ್ತಾಯ 21:19

ಆ ಬಟ್ಟೇಲ್ ಒರ್ ಅತ್ತಿ ಮರತ್‍ನ ಕಂಡಿತ್ ಅದ್ಂಡ ಪಕ್ಕ ಪೋಯಿತ್, ಪಣ್ಣ್ ಉಂಡಾಂದ್ ನೋಟ್‌ಚಿ. ಆಚೇಂಗಿ, ಬರಿ ಎಲ್‌ಕಂಡ ಉಳ್ಳಾನ ಕಂಡತ್. ಅಕ್ಕ ಆ ಮರಕ್: ನೀನ್ ಇಂಞು ಮಿಂಞಕ್ ಪಣ್ಣ್ ಕೊಡ್‍ಪಕ್ಕಾಗಾಂದ್ ಎಣ್ಣ್‌ಚಿ. ಅಕ್ಕಲೆ ಆ ಮರ ಒಣಂಗಿ ಪೋಚಿ.

ಮತ್ತಾಯ 21:33

ಇಕ್ಕ ಈ ಕಥೇರ ರೂಪತ್‍ನ ಕ್‍ೕಳಿ: ಒರ್ ಎಜಮಾನ ದ್ರಾಕ್ಷಿ ಪಣ್ಣ್‌ರ ತೋಟ ಮಾಡ್‍ಚಿ. ತೋಟತ್‍ರ ಸುತ್ತ್‌ಲ್‌ ಬೇಲಿ ಇಟ್ಟತ್. ದ್ರಾಕ್ಷಿರಸ ಮಾಡ್‌ವಕ್ ಉಳ್ಳ ಒರ್ ಕುಂಡ್‌ನ ಸಹ ಎಡ್‍ತಿತ್, ಆಂಡ ಪಕ್ಕತ್‍ಲ್ ಒರ್ ಕಾಕೂಡ್ ಕೆಟ್ಟ್‌ಚಿ. ಪಿಂಞ ಅಂವೊ, ಆ ತೋಟತ್‍ನ ವಾರಕಾರಂಗಕ್ ಕೊಡ್‌ತಿತ್ ದೂರ ದೇಶಕ್ ಪೋಚಿ.

ಮತ್ತಾಯ 21:44

ಆ ಕಲ್ಲ್‌ರ ಮೇಲೆ ಬೂವಯಿಂಗ ತುಂಡ್ ತುಂಡಾಯಿಪೋಪ. ಆ ಕಲ್ಲ್ ದಾಡ ಮೇಲೆ ಬೂವ ಅಯಿಂಗ ಪೊಡಿ ಪೊಡಿ ಆಯಿ ಪೋಪಾಂದ್ ಎಣ್ಣ್‌ಚಿ.

ಮತ್ತಾಯ 3:10

ಇಕ್ಕಲೆ ಮರತ್‍ರ ಬೇರ್‌ರ ಪಕ್ಕ ಕೊಡಲಿನ ಬೆಚ್ಚಿತುಂಡ್. ಆನಗುಂಡ್ ನಲ್ಲ ಪಣ್ಣ್ ತರತ ಮರತ್‌ನೆಲ್ಲಾ ಕೆತ್ತಿತ್ ತಿತ್ತ್‌ಕ್ ಇಡ್‌ವ.

ಮತ್ತಾಯ 7:19

ಆನಗುಂಡ್ ನಲ್ಲ ಪಣ್ಣ್‌ನ ಕೊಡ್‍ಕತ ಎಲ್ಲಾ ಮರತ್‍ನ ಕೆತ್ತಿತ್ ತಿತ್ತ್‌ಕ್ ಇಡ್‌ವ.

ಮಾರ್ಕ 11:13

ಯೇಸು ದೂರತ್‍ಲ್ ಒರ್ ಎಲೆ ದುಂಬ್‍ನ ಅತ್ತಿಪಣ್ಣ್ ಮರತ್‍ನ ಕಂಡಿತ್, ಮರತ್‍ರ ಪಕ್ಕ ಪೋಯಿತ್ ಅತ್ತಿಪಣ್ಣ್ ಉಂಡಾಂದ್ ನೋಟ್‌ಚಿ. ಬರಿ, ಎಲೆನ ಮಾತ್ರ ಕಂಡತ್, ಎನ್ನಂಗೆಣ್ಣ್‌ಚೇಂಗಿ ಅಕ್ಕ ಅತ್ತಿಪಣ್ಣ್ ಆಪ ಸಮಯ ಆಯಿತ್ಂಜಿಲೆ.

ಮಾರ್ಕ 11:15

ಅಯಿಂಗ ಯೆರೂಸಲೇಮ್‌ಕ್ ಬಾತ್. ಯೇಸು ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಲ್ಲಿ ವ್ಯಾಪಾರ ಮಾಡಿಯಂಡಿಂಜ ಜನಳ ದೌತ್‌ಚಿ. ದುಡ್ಡ್‌ನ ಬದ್‍ಲ್ ಮಾಡಿಯಂಡಿಂಜ ಜನತ್‍ರ ಮೇಜಿನ ಪಿಂಞ ಪಾರಿವಾಳ ಪಕ್ಷಿನ ಮಾರ್‌ವಯಿಂಗಡ ಕುರ್ಚಿನ ಮುರ್‌ಚಿತ್ ಇಟ್ಟತ್.

ಯೋಹಾನ 15:6

ದಾರ್ ನಾಡಲ್ಲಿ ಸ್ತಿರವಾಯಿತ್ ಇಲ್ಲೆ, ಅಂವೊ ಪೊರಮೆ ಚಾಡ್‌ನ ಕೊಂಬ್‌ರನೆಕೆ ಇಪ್ಪ. ಆ ಕೊಂಬ್ ಒಣಂಗಿ ಪೋಪ; ಅನ್ನನೆ ಚಾಡ್‌ನ ಕೊಂಬ್‍ನ ಕೂಟಿತ್ ತಿತ್ತ್‌ಕ್ ಇಡ್‌ವ. ಅನ್ನನೆ ಅದ್ ಚುಟ್ಟ್ ಪೋಪ.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

ಪ್ರಕಟನೆ 22:11

ಅನ್ಯಾಯ ಮಾಡ್‌ವಯಿಂಗ ಇಂಞು ಅನ್ಯಾಯ ಮಾಡಿಯಂಡೇ ಇರಡ್, ಅಶುದ್ದವಾಯಿತುಳ್ಳಯಿಂಗ ಇಂಞು ಅಶುದ್ದವಾಯಿತೇ ಇರಡ್, ನೀತಿವಂತಯಿಂಗ ಇಂಞು ನೀತಿರ ಕ್ರಿಯೆ ಮಾಡಡ್, ಪವಿತ್ರವಾನಯಿಂಗ ಇಂಞು ಪವಿತ್ರವಾಯಿತ್ ಆಡ್.