ಮಾರ್ಕ 10:49 - ಕೊಡವ ಬೈಬಲ್

⁴⁹ ಆ ಕುರ್‌ಡ ಕೂತ್ ಕೊಡ್‌ಪಾನ ಕ್‍ೕಟಿತ್, ಯೇಸು ಅಲ್ಲೇ ನಿಂದಿತ್: ಅಂವೊನ ಕಾಕ್ ಎಣ್ಣಿಯಂಡ್ ಎಣ್ಣ್‌ಚಿ. ಅಕ್ಕ ಶಿಷ್ಯಂಗ: ನಿನ್ನ ಯೇಸು ಕಾಕಿಯಂಡುಂಡ್ ಕುಶಿ ಪಡ್‍ೕಂದ್ ಅಂವೊಂಗ್ ಎಣ್ಣ್‌ಚಿ.

ಮಾರ್ಕ 10:49 ပူးပေါင်းရင်းမြစ်များ

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಮಾರ್ಕ 10:50

ಕುರ್‌ಡ ಕುಶಿ ತಡ್‌ಪಕಯ್ಯತೆ ಅಂವೊಂಡ ಕೋಟ್‍ನ ಉತ್ತಿತ್ ಕನಿಪಂಜಿ, ಪಾರಿತ್ ಯೇಸುರ ಪಕ್ಕ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:40

ಯೇಸು ನಿಪ್ಪಂಜಿ, ಆ ಕುರ್‌ಡನ ನಾಡ ಪಕ್ಕ ಕಾಕಿಯಂಡ್ ಬಾಂದ್ ಆಜ್ಞೆ ಮಾಡ್‍ಚಿ. ಅಂವೊನ ಯೇಸುರ ಪಕ್ಕ ಕಾಕಿಯಂಡ್ ಬಾತ್.

ಯೋಹಾನ 11:28

ಮಾರ್ಥ ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಪುನಃ ಪೋಯಿತ್ ಮರಿಯಳ ಬೋರೆಯಾಯಿತ್ ಕಾಕುವಂಜಿ, ಉಪಾದ್ಯ ಇಲ್ಲಿ ಬಂದಿತುಂಡ್, ನಿನ್ನ ಕಾಕಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.