ಮಾರ್ಕ 10:48 - ಕೊಡವ ಬೈಬಲ್

⁴⁸ ಅಲ್ಲಿ ಉಳ್ಳ ಜನ ಎಲ್ಲಾ ಅಂವೊಂಗ್ ಮುಂಡತೆ ಇರ್‍ೕಂದ್ ಜೋರ್ ಮಾಡಿತ್ ಬಜ್ಜತ್. ಆಚೇಂಗಿ ಅಂವೊ ಇಂಞು ಜೋರಾಯಿತ್ ದಾವೀದಂಡ ಮೋಂವೊನೇ, ನಾಡ ಮೇಲೆ ದಯಕಾಟ್‍ೕಂದ್ ಕೂತ್ ಕೊಡ್‍ಪಕ್ ಸರುಮಾಡ್‌ಚಿ.

ಮಾರ್ಕ 10:48 ပူးပေါင်းရင်းမြစ်များ

ಮತ್ತಾಯ 19:13

ಚೆನ್ನ ಜನ ಚೆರಿಯ ಮಕ್ಕಳ ಕಾಕಿಯಂಡ್ ಬಂದಿತ್, ಯೇಸು ಅಯಿಂಗಡ ಮೇಲೆ ಕೈ ಬೆಚ್ಚಿತ್ ಪ್ರಾರ್ಥನೆ ಮಾಡಡ್‍ೕಂದ್ ಬಾತ್. ಆಚೇಂಗಿ ಶಿಷ್ಯಂಗ ಅನ್ನನೆ ಬಂದಯಿಂಗಕ್ ಜೋರ್ ಮಾಡ್‍ಚಿ.

ಮತ್ತಾಯ 20:31

ಜನಡ ಗುಂಪ್, ಅಯಿಂಗಕ್ ಮುಂಡತೆ ಇರೀಂದ್ ಜೋರ್ ಮಾಡ್‍ಚಿ. ಆಚೇಂಗಿ ಅಯಿಂಗ ಇಂಞು ಜೋರಾಯಿತ್ ಒಡೆಯನಾನ ದಾವೀದಂಡ ಮೋಂವೊನೇ ನಾಡ ಮೇಲೆ ದಯಕಾಟ್‍ೕಂದ್ ಕೂತ್ ಕೊಡ್‍ಪಕ್ ಸರುಮಾಡ್‌ಚಿ.

ಮತ್ತಾಯ 9:27

ಯೇಸು ಆ ಜಾಗತ್ಂಜ ಪೋಯಂಡ್ ಇಪ್ಪಕ, ದಂಡ್ ಕುರ್‌ಡಂಗ ಯೇಸುರ ಬಯ್ಯಕ್ ಪೋಚಿ. ದಾವೀದಂಡ ಮೋಂವೊನೇ, ನಂಗಕ್ ಕನಿಕರ ಕಾಟ್‍ೕಂದ್ ಅಯಿಂಗ ಕೂತ್ ಕೊಡ್‍ತತ್.

ಮಾರ್ಕ 10:13

ಯೇಸು ಮುಟ್ಟ್‌ವಕಾಯಿತ್ ಚೆನ್ನ ಜನ ಚೆರಿಯ ಮಕ್ಕಳ ಕಾಕಿಯಂಡ್ ಬಾತ್. ಆಚೇಂಗಿ ಯೇಸುರ ಶಿಷ್ಯಂಗ ಅಯಿಂಗಕ್ ಜೋರ್ ಮಾಡ್‍ಚಿ.

ಮಾರ್ಕ 5:35

ಯೇಸು ಇನ್ನನೆ ತಕ್ಕ್ ಪರ್‌ದಂಡ್ ಇಪ್ಪಕ ಸಬಾಮಂದಿರ ಅದಿಕಾರಿಯಡ ಮನೇಯಿಂಜ ಚೆನ್ನ ಜನ ಸುದ್ದಿ ಎಡ್‌ತ ಬಂದಿತ್, ನೀಡ ಮೋವ ಚತ್ತ್ ಪೋಚಿ ಎನ್ನಂಗ್ ಈ ಉಪಾದ್ಯಂಗ್ ಇಂಞು ತೊಂದರೆ ಕೊಡ್‍ಪಿಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:39

ಅಲ್ಲಿ, ಅಂವೊಂಡ ಮಿಂಞ ನಡ್ಂದಂಡ್ ಪೋಯಂಡ್ ಇಂಜ ಜನ ಅಂವೊನ ಮುಂಡತೆ ಇರ್‍ೕಂದ್ ಜೋರ್ ಮಾಡಿತ್ ಬಜ್ಜತ್. ಅಂವೊ ಇಂಞು ಜೋರಾಯಿತ್: ದಾವೀದಂಡ ಮೋಂವೊನೇ, ನಾಡ ಮೇಲೆ ಕನಿಕರ ಕಾಟ್‍ೕಂದ್ ಕೂತ್ ಕೊಡ್‍ಪಕ್ ಸರುಮಾಡ್‌ಚಿ.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.