ಮಾರ್ಕ 10:33 - ಕೊಡವ ಬೈಬಲ್

³³ ನೋಟಿ, ಇಕ್ಕ ನಂಗ ಯೆರೂಸಲೇಮ್‌ಕ್ ಪೋಯಂಡುಂಡ್. ಅಲ್ಲಿ ಮನುಷ್ಯಕುಮಾರನ ಮುಕ್ಯ ಯಾಜಕಂಗಡ ಕೈಯಿಕೂ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಕೈಯಿಕೂ ಪುಡ್‌ಚಿತ್ ಕೊಡ್‍ಪ. ಅಯಿಂಗ ಅಂವೊನ ಕೊಲ್ಲ್‌ವಕ್ ಕಂಡನೆ ಮಾಡಿತ್ ಪರದೇಶಿಯಂಗಡ ಕೈಕ್ ಒಪ್ಪ್‌ಚಿಡುವ,

ಮಾರ್ಕ 10:33 ပူးပေါင်းရင်းမြစ်များ

ಮತ್ತಾಯ 16:21

ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 26:66

ನಿಂಗ ಎಂತ ತೀರ್ಮಾನ ಮಾಡ್‌ವಿರಾಂದ್ ಕ್‍ೕಟತ್. ಅದ್ಂಗ್ ಅಯಿಂಗ: ಇಂವೊ ಕಂಡಿತವಾಯಿತ್ ಮರಣಕ್ ಯೋಗ್ಯನಾಯಿತುಂಡ್.

ಮತ್ತಾಯ 27:2

ಅಂವೊನ ಕೆಟ್ಟುವಂಜಿ, ಕಾಕಿಯಂಡ್ ಪೋಯಿತ್ ರೋಮ್ ರಾಜ್ಯಕ್ ಅದಿಪತಿಯಾಯಿತುಳ್ಳ ಪೊಂತ್ಯ ಪಿಲಾತಂಡ ಪಕ್ಕ ಒಪ್ಪ್‌ಚಿಟ್ಟತ್.

ಮಾರ್ಕ 14:64

ದೇವ ದೂಷಣೆನ ನಿಂಗೆಲ್ಲಾರು ಕ್‍ೕಟಿರಲ್ಲ! ನಿಂಗ ಎಂತ ತೀರ್ಮಾನ ಮಾಡ್‌ವಿರಾಂದ್ ಕ್‍ೕಟತ್, ಅಲ್ಲಿ ಉಳ್ಳಯಿಂಗೆಲ್ಲಾರೂ ಯೇಸು ತಪ್ಪ್ ಮಾಡ್‌ನಂವು ಅಂವೊಂಗ್ ಮರಣ ಶಿಕ್ಷೆ ಕೊಡ್‍ಕಂಡೂಂದ್ ತೀರ್ಮಾನ ಮಾಡ್‍ಚಿ.

ಮಾರ್ಕ 15:1

ಪೊಲಾಕ ನೇರತೆ ಅವಸರ ಅವಸರತ್‌ಲ್ ಮುಕ್ಯ ಯಾಜಕಂಗಳು ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪೆರಿಯಯಿಂಗಳು ಕೂಟ್ ಕೂಡ್‍ಚಿ. ಅಲ್ಲಿಯತ್‍ರ ಯೆಹೂದ್ಯಂಗಡ ಆಲೋಚನೆ ಸಬೇಕಾರ ಕೂಡಿಯಂಡ್ ಯೇಸುನ ಎಂತ ಮಾಡಂಡು ಎಣ್ಣಿಯಂಡ್ ಯೋಚನೆ ಮಾಡಿಯಂಡ್, ಯೇಸುನ ಸರ್ಪಣಿಲ್ ಕೆಟ್ಟಿತ್, ಪೊರಮೆ ಕಾಕುವಂಜಿ ಪಿಲಾತ ರಾಜಂಡ ಪಕ್ಕ ಒಪ್ಪ್‌ಚಿಟ್ಟತ್.

ಮಾರ್ಕ 8:31

ಅಲ್ಲತೆ, ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಪೆರಿಯಯಿಂಗಡ, ಮುಕ್ಯ ಯಾಜಕಂಗಡ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಮಿಂಞತ್‍ಲ್ ತ್‍ಕ್ಕಾರ ಆಕಂಡು. ಎಲ್ಲಾರು ಕೂಡಿತ್ ಅಂವೊನ ಕೊಂದ್‌ರ್‌ವ, ಆಚೇಂಗಿ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಅಂವೊ ಜೀವವಾಯಿತ್ ಏವಾಂದ್ ಅಯಿಂಗಕ್ ಉಪದೇಶ ಮಾಡ್‌ವಕ್ ಸುರು ಮಾಡ್‍ಚಿ.

ಮಾರ್ಕ 9:12

ಅಕ್ಕು, ಎಲ್ಲಾನೂ ಸರಿಕೂಟ್‌ವಕಾಯಿತ್ ಎಲೀಯ ಮಿಂಞ ಬಪ್ಪ. ಆಚೇಂಗಿ ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಎಲ್ಲಾಡಗುಂಡ್ ತ್‍ಕ್ಕಾರ ಆಪಾಂದ್ ಒಳ್‌ದಿತುಂಡಲ್ಲಾ! ಅದ್ ಎನ್ನನೇಂದ್ ಯೇಸು ಕ್‍ೕಟತ್.

ಮಾರ್ಕ 9:31

ಎನ್ನಂಗೆಣ್ಣ್‌ಚೇಂಗಿ, ಮನುಷ್ಯಕುಮಾರನ, ಜನಡ ಕೈಯಿಕ್ ಪುಡ್‍ಚಿ ಕೊಡ್‍ಪ, ಅಯಿಂಗ ಅಂವೊನ ಕೊಲ್ಲುವ, ಅಂವೊ ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಜೀವವಾಯಿತ್ ಏವಾಂದ್ ಯೇಸು ಅಂವೊಂಡ ಶಿಷ್ಯಂಗಕ್ ಉಪದೇಶ ಕೊಡ್‌ತಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:21

ಆಚೇಂಗಿ, ಜನಡ ಗುಂಪು, ಅಂವೊನ ಶಿಲುಬೇಕ್ ಇಡೀ! ಅಂವೊನ ಶಿಲುಬೇಕ್ ಇಡೀಂದ್ ಪುನಃ ಜೋರಾಯಿತ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:22

ಅದಲ್ಲತೆ, ಮನುಷ್ಯಕುಮಾರ ದುಂಬ ಕಷ್ಟಪಡಂಡು, ಪೆರಿಯಯಿಂಗಡ, ಮುಕ್ಯ ಯಾಜಕಂಗಡ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಮಿಂಞತ್‍ಲ್ ತ್‍ಕ್ಕಾರ ಆಕಂಡು ಪಿಂಞ ಅಂವೊನ ಕೊಂದ್‌ರ್‌ವ ಆಚೇಂಗಿ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಅಂವೊ ಜೀವವಾಯಿತ್ ಏವಂಡೂಂದ್ ಎಣ್ಣ್‌ಚಿ.

ಯೋಹಾನ 18:28

ಪಿಂಞ ಅಯಿಂಗ, ಕಾಯಫಂಡಿಂಜ ದೇಶಾದಿಪತಿರ ಅರಮನೆಕ್ ಕಾಕಿಯಂಡ್ ಪೋಚಿ. ಅಕ್ಕ ಪೊಲಾಕ ನೇರತೆ ಆಯಿತ್ಂಜತ್. ಯೆಹೂದ್ಯ ಜನ ಅಯಿಂಗಡ ಪದ್ದತಿರ ಪ್ರಕಾರ ಅಶುದ್ದ ಆಕತೆ, ಪಸ್ಕ ನಮ್ಮೆರ ಪುಳಿಯಿಲ್ಲತ ಒಟ್ಟಿನ ತಿಂಬನೆಕೆ, ಅಯಿಂಗ ಅರಮನೆರ ಒಳ್‍ಕ್ ಪೋಕತೆ ಪಾರಕಾತಂಡಿಂಜತ್.

ಯೋಹಾನ 18:32

ನಾಕ್ ಏದ್ ತರತ್‍ರ ಚಾವ್ ಕ್‍ಟ್ಟ್‌ವಾಂದ್ ಯೇಸು ಮಿಂಞಲೇ ಎಣ್ಣಿತ್ಂಜ ತಕ್ಕ್ ನೆರವೇರುವನೆಕೆ, ಅಯಿಂಗ ಇನ್ನನೆ ಎಣ್ಣ್‌ಚಿ.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:27

ಯೆರೂಸಲೇಮ್‍ಲ್ ವಾಸ ಮಾಡಿಯಡಿಂಜ ಜನಳು, ಅಯಿಂಗಡ ಅದಿಕಾರಿಯಳು ಯೇಸು ದಾರ್‍ೕಂದ್ ಗೊತ್ತ್‌ಮಾಡಿತ್‌ಲ್ಲೆ. ಪ್ರತಿ ವಾರ ಅಯಿಂಗಡ ಸಬಾಮಂದಿರತ್‍ಲ್ ಓದ್‍ವ ಪ್ರವಾದಿಯಂಗಡ ವಾಕ್ಯತ್‍ಲ್ ಉಳ್ಳ ಅಂವೊಂಡ ವಿಷಯಕೂಡೆ ಅಯಿಂಗಕ್ ಅರ್ಥ ಆಯಿತ್‌ಲ್ಲೆ. ಅದ್ಂಗ್ ಬದ್‍ಲ್ ಅಂವೊ ಚಾವನೆಕೆ ತೀರ್ಪ್ ಮಾಡಿತ್, ಪ್ರವಾದಿಯಂಗ ಎಣ್ಣ್‌ನ ವಾಕ್ಯತ್‍ನ ನೆರೆವೇರಿಚಿಟ್ಟತ್.

ಅಪೊಸ್ತಲ 20:22

ಇಕ್ಕ ನಾನ್ ಯೆರೂಸಲೇಮ್‌ಕ್ ಪೋಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ಪವಿತ್ರ ಆತ್ಮ ಅಲ್ಲಿ ಪೋಪಕ್ ಎಣ್ಣಿಯಂಡುಂಡ್. ಅಲ್ಲಿ ನಾಕ್ ಎಂತ ಆಪಾಂದ್ ಗೊತ್ತ್‌ಲ್ಲೆ.

ಯಾಕೋಬ 5:6

ನೀತಿವಂತಯಿಂಗಳ ನಿಂಗ ಕಂಡನೆ ಮಾಡಿತ್ ಕೊಂದಿತುಳ್ಳಿರ; ಆಚೇಂಗಿಯು ಅಯಿಂಗ ದಾರೂ ನಿಂಗಕ್ ವಿರೋದವಾಯಿತ್ ನಿಂದಿತ್‌ಲ್ಲೆ.