ಮಾರ್ಕ 10:30 - ಕೊಡವ ಬೈಬಲ್

³⁰ ಈ ಬದ್‌ಕ್‌ಲೇ, ದೇವಡ ವಿಷಯಕಾಯಿತ್ ಕಷ್ಟತ್‍ರ ಕೂಡೆ ಅಂವೊಂಗ್ ನೂರ್‌ರಚ್ಚಕ್ ಜಾಸ್ತಿ ಮನೆಮಠ, ಅಣ್ಣತಮ್ಮಣಂಗ, ಅಕ್ಕತಂಗೆಯ, ಅಪ್ಪವ್ವ, ಮಕ್ಕ, ತೋಟ ಬೇಲ್ ಎಲ್ಲಾ ಕ್‍ಟ್ಟುವ ಪಿಂಞ ಮಿಂಞತ್‍ರ ಲೋಕತ್‍ಲ್ ನಿತ್ಯ ಜೀವವು ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಮಾರ್ಕ 10:30 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:16

ಪೊನ್ನ್‌ನ ಸಂಪಾದನೆ ಮಾಡ್‌ವಕಿಂಜಿ ಜ್ಞಾನತ್‌ನ ಸಂಪಾದನೆ ಮಾಡ್‌ವದ್‌ ಎಚ್ಚಕ್‌ ನಲ್ಲದ್‌! ಬೊಳ್ಳಿನ ಸಂಪಾದನೆ ಮಾಡ್‌ವಕಿಂಜಿ ಬುದ್ದಿನ ಸಂಪಾದನೆ ಮಾಡ್‌ವದ್‌ ನಲ್ಲದ್‌!

ಮಲಾಕಿ 3:10

ನಾಡ ಮನೆಲ್ ಆಹಾರ ಕಮ್ಮಿ ಆಕತನೆಕೆ ಪತ್ತ್‌ಲ್‌ ಒರ್‌ ಬಾಗತ್‌ನ ಪತ್ತಾಯ ಕೋಂಬರೆಕ್‌ ಕೊಂಡ ಬಾರಿ. ಅಕ್ಕ ನಾನ್‌ ಬಾನತ್‌ರ ಪಡಿನ ತೊರ್‌ಂದಿತ್, ಕೂಟಿ ಬೆಪ್ಪಕ್‌ ಜಾಗ ಇಲ್ಲತೆ ಪೋಪನೆಕೆ ನಿಂಗಡ ಮೇಲೆ ಆಶೀರ್ವಾದತ್‌ನ ತೊರಿಯುವನೋ ಇಲ್ಲೆಯೋಂದ್‌ ನನ್ನ ಪರೀಕ್ಷೆ ಮಾಡೀಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 12:32

ಆನಗುಂಡ್, ಮನುಷ್ಯಕುಮಾರಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್ ಮನ್ನಿಪ್ ಕ್‍ಟ್ಟ್‌ವ, ಆಚೇಂಗಿ ಪವಿತ್ರಾತ್ಮಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್, ಈ ಲೋಕತ್‌ಲು ಪರಲೋಕತ್‌ಲು ಮನ್ನಿಪ್ ಕ್‍ಟ್ಟ್‌ಲೆ.

ಮತ್ತಾಯ 13:8

ಚೆನ್ನ ಕುರು ನಲ್ಲ ಮಣ್ಣ್‌ಕ್ ಬುದ್ದತ್. ಅದ್ ಬೊಳ್ಂದಿತ್, ಚೆನ್ನ ಕುರು ನೂರಚ್ಚಕ್, ಚೆನ್ನ ಅರ್‌ವದಚ್ಚಕ್, ಚೆನ್ನ ನುಪ್ಪದಚ್ಚಕ್ ಫಲ ತಂದತ್.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಯೋಹಾನ 10:23

ಯೇಸು ದೇವಾಲಯತ್‍ಲ್ ಉಳ್ಳ ಸೊಲೊಮೋನಂಡ ಮಂಟಪತ್‌ಲ್ ಅಪ್ಪರ ಇಪ್ಪರ ನಡ್‌ದಂಡ್ ಇಂಜತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 16:25

ನಡ್‍ಪಾದ್ರೆಲ್, ಪೌಲ ಪಿಂಞ ಸೀಲ, ಪ್ರಾರ್ಥನೆ ಮಾಡಿಯಂಡ್, ಪಾಟ್ ಪಾಡಿತ್ ದೇವನ ತುದಿಚಂಡಿಂಜತ್; ಜೈಲ್‍ಯಿಂಜ ಬೋರೆ ಕೈದಿಯಳು ಅದ್‍ನ ಕ್‍ೕಟಂಡ್ ಇಂಜತ್.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ರೋಮ್ 5:3

ಅದ್ ಮಾತ್ರ ಅಲ್ಲ, ಕಷ್ಟ ತಾಳ್ಮೆನೆ, ತಾಳ್ಮೆ ಚಾಯಿ ಗುಣತ್‍ನ, ಚಾಯಿ ಗುಣ ನಿರಿಕ್ಷೇನ ಉಂಟ್ ಮಾಡ್‌ವಾಂದ್ ನಂಗಕ್ ಗೊತ್ತಾಯಿತ್,

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

1 ತಿಮೊಥೆಯ 6:6

ನಂಗಡ ಪಕ್ಕ ಉಳ್ಳದ್ ಮದೀಂದ್ ಎಣ್ಣಿಯಂಡ್ ನೇರಾನ ಬಕ್ತಿಲ್ ಬದ್‍ಕ್‍ವದೇ ನಂಗಡ ಬಲ್ಯ ಲಾಬ.

ಯಾಕೋಬ 1:12

ಸೋದನೆನ ಸಹಿಸುವ ಮನುಷ್ಯ ಆಶೀರ್ವಾದ ಪಡ್ಂದಂವೊ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಚೋತ್‍ಪೋಯಿತಿಲ್ಲೇಂದ್ ಗೊತ್ತಾನ ಪಿಂಞ, ದೇವನ ಪ್ರೀತಿಚಿಡ್‌ವಯಿಂಗಕಾಯಿತ್ ದೇವ ವಾಗ್ದಾನ ಮಾಡ್‍ನ ನಿತ್ಯ ಜೀವತ್‍ರ ಕಿರೀಟ ಅಂವೊಂಗ್ ಕ್‍ಟ್ಟ್‌ವ.

ಯಾಕೋಬ 5:11

ಕಷ್ಟತ್‍ಲ್ ತಾಳ್ಮೆಯಾಯಿತುಳ್ಳಯಿಂಗಳ ಆಶೀರ್ವಾದ ಪಡ್ಂದಯಿಂಗಾಂದ್ ನಂಗ ಎಣ್ಣ್‌ವಲ್ಲಾ? ಯೋಬ ಎಣ್ಣ್‌ವಂವೊಂಡ ತಾಳ್ಮೆನ ಕ್‍ೕಟಿತುಳ್ಳಿರಲ್ಲ? ಒಡೆಯಂಡ ಚಿತ್ತ ಎಂತ್‍ೕಂದ್ ಕಡೇಕ್ ಕಂಡಿತುಳ್ಳಿರಲ್ಲ? ಒಡೆಯ ದುಂಬ ದಯವಂತನು ಪಿಂಞ ಕರುಣೆ ಉಳ್ಳಂವೊ ಆಯಿತುಂಡ್.

1 ಯೋಹಾನ 2:25

ಈ ಐಕ್ಯವೇ ಕ್ರಿಸ್ತ ನಿಂಗಕ್ ತಪ್ಪೀಂದ್ ವಾಗ್ದಾನ ಮಾಡ್‍ನ ನಿತ್ಯ ಜೀವ.

1 ಯೋಹಾನ 3:1

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.

ಪ್ರಕಟನೆ 2:9

ನೀಕುಳ್ಳ ಹಿಂಸೆನ ಪಿಂಞ ನೀನ್ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು ಗರೀಬನಾಯಿತ್ ಇಪ್ಪದ್ ನಾಕ್ ಗೊತ್ತುಂಡ್. ಪಿಂಞ ಯೆಹೂದ್ಯಂಗಾಂದ್ ಎಣ್ಣ್‌ಚೇಂಗಿಯು ಯೆಹೂದ್ಯ ಅಲ್ಲತಯಿಂಗಳಾಯಿತ್ ಅಯಿಂಗ ಎಣ್ಣುವ ದೂಷಣೆ ನಾಕ್ ಗೊತ್ತುಂಡ್. ಅಯಿಂಗ ಸೈತಾನಂಡ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತುಂಡ್.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.