ಮಾರ್ಕ 10:23 - ಕೊಡವ ಬೈಬಲ್

²³ ಯೇಸು ಸುತ್ತ್‌ಮುತ್ತ್ ನೋಟುವಂಜಿ, ತಾಂಡ ಶಿಷ್ಯಂಗಳ ನೋಟಿತ್, ಪಣಕಾರಂಗ ದೇವಡ ರಾಜ್ಯತ್‍ಲ್ ಎತ್ತ್‌ವಕ್ ಎಚ್ಚಕ್ ಕಷ್ಟ ಉಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 10:23 ပူးပေါင်းရင်းမြစ်များ

ಮತ್ತಾಯ 18:3

ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ: ನಿಂಗಡ ಮನಸ್ಸ್ ಬದ್‍ಲಾಯಿತ್ ಈ ಕುಂಞಿರನೆಕೆ ಆಕತಪೋನಕ ನಿಂಗ ಪರಲೋಕ ರಾಜ್ಯಕ್ ಪೋಪಕ್ ಕಯ್ಯುಲೆ.

ಮಾರ್ಕ 10:15

ದಾರಾಚೇಂಗಿಯು ಚೆರಿಯ ಮಕ್ಕಡನೆಕೆ ದೇವಡ ರಾಜ್ಯತ್‍ನ ಸ್ವೀಕಾರ ಮಾಡತೆ ಪೋಚೇಂಗಿ, ಅಯಿಂಗ ಅದ್ಂಡ ಒಳ್‍ಕ್ ಪೋಪ್‌ಲೇಂದ್ ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವೀಂದ್ ಎಣ್ಣಿತ್,

ಮಾರ್ಕ 10:22

ಆ ಮನುಷ್ಯ ದುಂಬ ಆಸ್ತಿ ಉಳ್ಳಂವೊನಾಯಿತ್ ಇಂಜಗುಂಡ್ ಈ ತಕ್ಕ್‌ನ ಕ್‍ೕಟದು ಅಂವೊಂಡ ಮೂಡ್ ಬಾಡಿ ಪೋಯಿತ್, ಅಲ್ಲಿಂಜ ಬೇಜಾರತ್‍ಲ್ ಪೋಚಿ.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಮಾರ್ಕ 5:32

ಆಚೇಂಗಿ ಯೇಸು ಇನ್ನನೆ ದಾರ್ ನನ್ನ ಮುಟ್ಟಿಯೇಂದ್ ಜನಡ ಸುತ್ತ್‌ಲ್ ನೋಟಿಯಂಡೇ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:24

ಅಂವೊ ದುಂಬ ದುಃಖ ಆನದ್‍ನ ಯೇಸು ನೋಟಿತ್, ಪಣಕಾರಂಗ ದೇವಡ ರಾಜ್ಯತ್‍ಲ್ ಎತ್ತ್‌ವಕ್ ಎಚ್ಚಕ್ ಕಷ್ಟ ಉಂಡ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

1 ಕೊರಿಂಥ 1:26

ನೋಟಿ, ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಕಾಕ್‍ವಕ ನಿಂಗ ಎನ್ನನೆ ಇಂಜಿರಾಂದ್ ಚೆನ್ನ ಗೇನ ಮಾಡಿಯೊಳಿ. ಮನುಷ್ಯಂಡ ದೃಷ್ಟಿಲ್ ನಿಂಗಡಲ್ಲಿ ದುಂಬ ಜ್ಞಾನಿಯ ಇಂಜಿತ್ತ್‌ಲ್ಲೆ, ಬಲ್ಯಯಿಂಗ ದುಂಬ ಇಂಜಿತ್ತ್‌ಲ್ಲೆ, ಮುಕ್ಯಪಟ್ಟ ಜನ ದುಂಬ ಇಂಜಿತ್ತ್‌ಲ್ಲೆ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

ಯಾಕೋಬ 4:4

ನಿಯತಿ ಇಲ್ಲತ ಜನಳೇ, ಈ ಬೂಲೋಕತ್‌ರ ಕೂಡೆ ಕೂಟ್ ಉಂಡೇಂಗಿ ದೇವನ ಅಲ್ಲಗೆಳೆದಿತ್, ದೂರ ಮಾಡ್‌ನನೆಕೇಂದ್ ಗೊತ್ತ್‌ಲ್ಲೆಯ? ಆನಗುಂಡ್ ಈ ಬೂಲೋಕತ್‌ರ ಕೂಡೆ ಕೂಟ್ ಬೆಪ್ಪಕ್ ಕುಶಿ ಉಳ್ಳಯಿಂಗ ದೇವಕ್ ಶತ್ರು ಆಯಿಪೋಪ.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.