ಮಾರ್ಕ 10:2 - ಕೊಡವ ಬೈಬಲ್

² ಚೆನ್ನ ಫರಿಸಾಯಂಗ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಬೋಂಡಾಂದ್ ಬುಡ್‌ವದ್ ನ್ಯಾಯಪ್ರಮಾಣತ್‍ರ ಪ್ರಕಾರ ನ್ಯಾಯವಾಂದ್ ಕ್‍ೕಟತ್.

ಮಾರ್ಕ 10:2 ပူးပေါင်းရင်းမြစ်များ

ಮಲಾಕಿ 2:16

ಒರ್‌ ವಡಿಯ ತಾಂಡ ಪೊಣ್ಣ್‌ನ ಬೋಂಡಾಂದ್‌ ಬುಟ್ಟಿತ್‌ ಪೋಪದ್‌ನ ನಾನ್‌ ದ್ವೇಶ ಮಾಡುವೀಂದ್‌ ಇಸ್ರಾಯೇಲ್‌ಂಡ ದೇವನಾನ ಯೆಹೋವ ಎಣ್ಣಿಯಂಡುಂಡ್. ಅಂತ ಕಠಿಣ ಕಾರ್ಯ ಮಾಡುವದ್‌ನ ನಾನ್‌ ದ್ವೇಶ ಮಾಡುವಿ. ನಿಂಗಡ ಪೊಣ್ಣ್‌ರ ಕೂಡೆ ಮಾಡ್‌ನ ಒಪ್ಪಂದಕ್‌ ನಂಬಿಕಸ್ತನಾಯಿತ್‌ ಇಪ್ಪಕ್‌ ಎಚ್ಚರ ಎಡ್‌ತೊಳಿಂದ್‌ ಒಡಯನಾನ ಸೇನೇನ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 15:12

ಅಕ್ಕ ಅಂವೊಂಡ ಶಿಷ್ಯಂಗ ಅಂವೊಂಡ ಪಕ್ಕ ಬಂತ್, ನಿಂಗ ಇನ್ನನೆ ಎಣ್ಣ್‌ನಗುಂಡ್ ಫರಿಸಾಯಂಗಕ್ ದುಂಬ ಬೇಜಾರ್ ಆಚೀಂದ್ ನಿಂಗಕ್ ಗೊತ್ತುಂಡಾಂದ್ ಕ್‍ೕಟತ್.

ಮತ್ತಾಯ 16:1

ಫರಿಸಾಯಂಗ ಪಿಂಞ ಸದ್ದುಕಾಯಂಗ ಯೇಸುನ ಕೆಣಿಪಕಾಯಿತ್ ಯೇಸುರ ಪಕ್ಕ ಬಂದಿತ್, ನೀನ್ ಬಾನತ್ಂಜ ಒರ್ ಗುರ್‌ತ್‌ ಕಾರ್ಯತ್‍ನ ಕಾಟಿತಾಂದ್ ಕ್‍ೕಟತ್.

ಮತ್ತಾಯ 19:3

ಅಕ್ಕ, ಚೆನ್ನ ಫರಿಸಾಯ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಏದ್ ಕಾರಣಕಾಯಿತು ಬೋಂಡಾಂದ್ ಬುಡ್‌ವದ್ ನ್ಯಾಯವಾಂದ್ ಕ್‍ೕಟತ್.

ಮತ್ತಾಯ 22:35

ಅಯಿಂಗಡಡೆಲ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ, ಯೇಸುನ ಪುಡಿಪಕಾಯಿತ್ ಈ ಪ್ರಶ್ನೆ ಕ್‍ೕಟತ್:

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮತ್ತಾಯ 9:34

ಆಚೇಂಗಿ ಫರಿಸಾಯಂಗ: ಇಂವೊ ಕೂಳಿಯಡ ಮುಕ್ಯಸ್ತ ಕೊಡ್‍ಪ ಶಕ್ತಿಯಿಂಜ ಕೂಳಿನ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 10:1

ಯೇಸು ಆ ಜಾಗತ್‍ನ ಬುಟ್ಟಿತ್ ಯೊರ್ದನ್ ಎಣ್ಣುವ ಕೆರೆನ ದಾಟಿತ್ ಯೆಹೂದ್ಯ ಪ್ರಾಂತ್ಯಕ್ ಬಾತ್. ದುಂಬ ಜನ ಕೂಡಿತ್ ಯೇಸುರ ಪಕ್ಕ ಬಪ್ಪಕ್ ಸುರು ಮಾಡ್‍ಚಿ. ಅಯಿಂಗಕೆಲ್ಲ ಎಕ್ಕಲೂ ಮಾಡ್‌ವನೆಕೆ ಬೋದನೆ ಮಾಡಿಯಂಡಿಂಜತ್.

ಮಾರ್ಕ 10:3

ಅದ್ಂಗ್ ಯೇಸು: ಮೋಶೆ ನಿಂಗಕ್ ಎಂತ ಆಜ್ಞೆ ಕೊಡ್‌ತತ್‍ೕಂದ್ ಅಯಿಂಗಳ ಕ್‍ೕಟತ್.

ಮಾರ್ಕ 8:11

ಚೆನ್ನ ಫರಿಸಾಯಂಗ ಯೇಸುರ ಪಕ್ಕ ಬಂದಿತ್ ಅಂವೊನ ಕೆಣಿಪಕಾಯಿತ್ ದುಂಬ ವಾದ ಮಾಡ್‍ಚಿ. ದೇವ ನಿನ್ನ ನೇರಾಯಿತು ಒಪ್ಪಿಯಂಡತಾಂದ್ ನಂಗಕ್ ಈ ವಿಷಯತ್‍ಲ್ ಬಾನತ್ಂಜ ಒರ್ ಗುರ್‍ತ್‍ನ ಕಾಟ್‍ೕಂದ್ ಕ್‍ೕಟತ್.

ಮಾರ್ಕ 8:15

ನಿಂಗ ಫರಿಸಾಯಂಗಡ ಪಿಂಞ ಹೆರೋದಂಡ ಈಸ್ಟ್‌ರ ವಿಷಯತ್‍ಲ್ ಜಾಗ್ರತೆಲ್ ಇರಂಡೂಂದ್ ಯೇಸು ಎಚ್ಚರ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:39

ಪಿಂಞ ಒಡೆಯ ಅಂವೊಂಗ್: ಫರಿಸಾಯ ಎಣ್ಣುವ ನಿಂಗ ಕುಡಿಪ ಕಪ್ಪ್‌ರ ಪೊರಮೆ ಪಿಂಞ ಉಂಬ ತಳಿಯತ್‍ರ ಪೊರಮೆ ಚಾಯಿತೆ ಶುದ್ದವಾಯಿತ್ ಕತ್ತ್‌ವಿರ, ಆಚೇಂಗಿ ನಿಂಗಡ ಹೃದಯತ್‍ರ ಒಳ್‍ಲ್ ದುಂಬ ಬೋಂಡತ ಆಸೆ ಪಿಂಞ ಕೆಟ್ಟದ್ ದುಂಬಿತುಂಡ್

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:14

ಅಲ್ಲಿ ಚೆನ್ನ ಫರಿಸಾಯಂಗ ಇಂಜತ್. ಫರಿಸಾಯಂಗಕ್ ಪಣತ್‍ರ ಆಸೆ ದುಂಬ ಇಂಜತ್. ಯೇಸು ಈ ತರ ತಕ್ಕ್ ಪರಿಯುವಾನ ಕ್‍ೕಟಿತ್, ಅಂವೊಂಡ ವಿಷಯ ಎಣ್ಣಿತ್ ಕೆಣಕಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:30

ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:7

ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಫರಿಸಾಯಂಗ, ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್, ಸಬ್ಬತ್ ದಿವಸತ್‍ಲ್ ಅಂವೊಂಡ ಕೈಯಿನ ಯೇಸು ವಾಸಿಮಾಡು‍ವೋಂದ್ ನೋಟಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:30

ಆಚೇಂಗಿ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ, ದೇವಕ್ ಬಗ್ಗಿತ್ ನಡ್‍ಪಕ್ ಒತ್ತತೆ, ಯೋಹಾನನಗುಂಡ್ ದೀಕ್ಷಾಸ್ನಾನ ಎಡ್‌ಪ ಆಲೋಚನೆನ ಅಲ್ಲಗೆಳೆದ್‌ಚಿ.

ಯೋಹಾನ 11:47

ಅಕ್ಕ ಮುಕ್ಯ ಯಾಜಕಂಗಳು, ಫರಿಸಾಯಂಗಳು, ಯೆಹೂದ್ಯಂಗಡ ಆಲೋಚನೆ ಸಬೇನೆ ಕಾಕುವಂಜಿ: ಇಂವೊನ ನಂಗ ಎಂತ ಮಾಡನಾಂದ್ ತಕ್ಕ್ ಪರ್ಂದತ್. ನೋಟಿ ಅಂವೊ ದುಂಬ ಅದ್ಬುತ ಕಾರ್ಯತ್‍ನ ಮಾಡಿಯಂಡ್ ಉಂಡ್,

ಯೋಹಾನ 11:57

ದಾರೇಂಗಿಯು ಯೇಸುನ ಕಂಡಕ, ಅಂವೊ ಎಲ್ಲಿ ಉಂಡ್‍ೕಂದ್ ಗೊತ್ತಾನಕ, ನಂಗಕ್ ನಿಂಗ ಎಣ್ಣಂಡೂಂದ್ ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಹುಕುಮ್ ಕೊಡ್‌ತಿತ್ಂಜತ್.

ಯೋಹಾನ 7:32

ಜನ ಯೇಸುರ ವಿಷಯತ್ ಇನ್ನನೆ ಗೊಣಗಿಯಂಡ್ ಇಪ್ಪದ್‍ನ ಫರಿಸಾಯಂಗ ಕ್‍ೕಟತ್. ಅಕ್ಕ, ಯೇಸುನ ಪುಡ್‌ಚಿತ್ ಬಪ್ಪಕಾಯಿತ್, ಮುಕ್ಯ ಯಾಜಕಂಗಳು, ಫರಿಸಾಯಂಗಳು ದೇವಾಲಯತ್‍ರ ಸಿಪಾಯಿಯಳ ಅಯಿಚತ್.

ಯೋಹಾನ 7:48

ಫರಿಸಾಯಂಗ ಅಥವ ಅದಿಕಾರಿಯಂಗ ದಾರೇಂಗಿ ಅಂವೊನ ನಂಬಿತುಂಡಾ?

ಯೋಹಾನ 8:6

ಇನ್ನನೆ ಪ್ರಶ್ನೆ ಕ್‍ೕಟಿತ್, ಯೇಸು ತಪ್ಪ ಉತ್ತರತ್ಂಜ ಅಂವೊನ ಕೆಣಿಪಕಾಯಿತ್ ಅಯಿಂಗ ಪ್ರಯತ್ನಪಟ್ಟತ್. ಆಚೇಂಗಿ ಯೇಸು ಬಗ್ಗಿಯಂಡ್ ಕೈ ಬೆರತ್ಂಜ ನೆಲತ್‌ಲ್ ಒಳ್‍ದಿಯಂಡ್ ಇಂಜತ್

1 ಕೊರಿಂಥ 10:9

ಅಯಿಂಗಡಲ್ಲಿ ಚೆನ್ನ ಜನ ಕ್ರಿಸ್ತನ ಪರೀಕ್ಷೆ ಮಾಡ್‍ಚಿ. ಅಯಿಂಗ ಪಾಂಬ್ ಕಡಿಚಿತ್ ಚತ್ತ್ ಪೋಚಿ. ಅನ್ನನೆ ನಂಗಳು ಕ್ರಿಸ್ತನ ಪರೀಕ್ಷೆ ಮಾಡತೆ ಇಕ್ಕನ.