ಮಾರ್ಕ 10:14 - ಕೊಡವ ಬೈಬಲ್

¹⁴ ಯೇಸುಕ್ ಅದ್‍ನ ಕಂಡಿತ್ ಚೆಡಿ ಬಾತ್. ಚೆರಿಯ ಮಕ್ಕ ನಾಡ ಪಕ್ಕ ಬರಡ್ ಅಯಿಂಗಳ ತಡೆ ಮಾಡ್‌ವಕ್ಕಾಗ. ದೇವಡ ರಾಜ್ಯ ಈಂಗಡನೆಕೆ ಉಳ್ಳಯಿಂಗಕೇಂದ್ ಎಣ್ಣ್‌ಚಿ

ಮಾರ್ಕ 10:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:7

ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ನಾನ್‌ ಯೆಹೋವನಾನ ದೇವನಾಯಿತ್‌ಪ್ಪಕಾಯಿತ್‌ ನಾಕು ನೀಕು, ನೀಡ ಬಯ್ಯ ಬಪ್ಪ ಮಕ್ಕಡ ಸಂತಾನತ್‌ರ ಮದ್ಯತ್‌ಲ್, ನಾಡ ಒಪ್ಪಂದತ್‌ನ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 18:4

ಆನಗುಂಡ್ ಒರ್ ಚೆರಿಯ ಕುಂಞಿರನೆಕೆ ದಾರ್ ಒಬ್ಬ ಅಂವೊನ ತಗ್ಗ್‌ಚಿಡ್‌ವ, ಅಂವೊನೇ ಪರಲೋಕ ರಾಜ್ಯತ್‍ಲ್ ಎಲ್ಲಾಕಿಂಜ ಬಲ್ಯಂವೋಂದ್ ಎಣ್ಣ್‌ಚಿ.

ಮತ್ತಾಯ 19:14

ಅಕ್ಕ ಯೇಸು: ಚೆರಿಯ ಮಕ್ಕ ನಾಡ ಪಕ್ಕ ಬರಡ್ ಅಯಿಂಗಳ ತಡೆ ಮಾಡ್‌ವಕ್ಕಾಗ. ಪರಲೋಕ ರಾಜ್ಯ ಚೆರಿಯ ಮಕ್ಕಡನೆಕೆ ಉಳ್ಳಯಿಂಗಡದ್‍ೕಂದ್ ಎಣ್ಣಿಯಂಡ್,

ಮತ್ತಾಯ 5:10

ನೀತಿಕಾಯಿತ್ ಹಿಂಸೆನ ಸಹಿಸುವಯಿಂಗ ಆಶೀರ್ವಾದ ಪಡ್ಂದಯಿಂಗ; ಪರಲೋಕ ರಾಜ್ಯ ಅಯಿಂಗಡದಾಯಿತ್‌ಪ್ಪ.

ಮತ್ತಾಯ 5:3

ಆತ್ಮತ್‍ಲ್ ಗರೀಬ ಆಯಿತುಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಪರಲೋಕ ರಾಜ್ಯ ಅಯಿಂಗಡದಾಯಿತ್‌ಪ್ಪ.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಮಾರ್ಕ 8:33

ಯೇಸು ಪುನಃ ತಿರಿತ್ ತಾಂಡ ಶಿಷ್ಯಂಗಡ ಪಕ್ಕ ನೋಟಿತ್ ಪೇತ್ರನ ಬಜ್ಜತ್. ನಾಡ ಬಯ್ಯಕ್ ಪೋ ಸೈತಾನೇ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಅಂವೊನ ಚಾಕ್‍ಚಿ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 2:39

ಈ ದೇವಡ ವಾಗ್ದಾನ, ನಿಂಗಕು, ನಿಂಗಡ ಮಕ್ಕಕು, ನಂಗಡ ಒಡೆಯನಾನ ದೇವ ಕಾಕುವ ದೂರತ್‍ಲ್ ಉಳ್ಳ ಎಲ್ಲಾ ಜನಕು ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 3:25

ನಿಂಗ ಈ ಪ್ರವಾದಿಯಡ ಮಕ್ಕಳಾಯಿತುಳ್ಳಿರ; ಪಿಂಞ, ನೀಡ ಸಂತಾನತ್‍ರಗುಂಡ್, ಈ ಲೋಕತ್‍ಲ್ ಉಳ್ಳ ಎಲ್ಲಾ ಜಾತಿಯಂಗಕು ಆಶೀರ್ವಾದ ಬಪ್ಪಾಂದ್ ದೇವ ಅಬ್ರಹಾಮಂಗ್ ಎಣ್ಣಿತ್, ನಂಗಡ ಅಜ್ಜಂಗಡ ಕೂಡೆ ದೇವ ಮಾಡ್‍ನ ಒಪ್ಪಂದಕ್ ಸಹ ನಿಂಗ ಮಕ್ಕಳಾಯಿತುಳ್ಳಿರ.

ರೋಮ್ 11:16

ದೇವಕ್ ಅರ್ಪಿಚಿಡುವ ಬಲಿರ ಮುದ್ದೆಲ್, ಆದ್ಯ ಬಾಗ ಪವಿತ್ರವಾಯಿತ್ ಇಂಜತೇಂಗಿ, ಬಾಕಿ ಮುದ್ದೆ ಎಲ್ಲಾ ಪವಿತ್ರವಾಯಿತ್ ಇಪ್ಪ, ಮರತ್‍ರ ಬೇರ್ ಪವಿತ್ರವಾಯಿತ್ ಇಂಜತೇಂಗಿ ಅದ್ಂಡ ಕೊಂಬ್ ಸಹ ಪವಿತ್ರವಾಯಿತ್ ಇಪ್ಪ.

ರೋಮ್ 11:28

ದೇವಡ ನಲ್ಲ ಸುದ್ದಿರ ವಿಷಯತ್ ನಿಂಗಡಗುಂಡ್ ಅಯಿಂಗ ವಿರೋದಿಯಂಗ; ಆಚೇಂಗಿ, ದೇವ ಆಯ್ಕೆ ಮಾಡ್‍ನಗುಂಡ್ ಅಯಿಂಗಡ ಮುತ್ತಜ್ಜಂಗಕಾಯಿತ್, ದೇವ ಪ್ರೀತಿಚಿಡ್‌ವಯಿಂಗಳಾಯಿತುಂಡ್.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

1 ಕೊರಿಂಥ 7:14

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನ ನಂಬತ ವಡಿಯನ ಅಂವೊಂಡ ಪೊಣ್ಣ್‌ರಗುಂಡ್ ದೇವ ಅಂವೊನ ಪವಿತ್ರವಾನಂವೊನಾಯಿತ್ ಮಾಡ್‌ವ. ಕ್ರಿಸ್ತನ ನಂಬತ ಪೊಣ್ಣ್‌ನ ಅವಡ ವಡಿಯನಗುಂಡ್ ದೇವ ಅವಳ ಶುದ್ದ ಮಾಡ್‌ವ. ಅನ್ನನೆ ಇಲ್ಲತೆಪೋಚೇಂಗಿ, ಅಯಿಂಗಡ ಮಕ್ಕ ಎನ್ನನೆ ಶುದ್ದವಾಯಿತ್ ಇಪ್ಪ? ಇಕ್ಕ ನೋಟಿ, ಅಯಿಂಗಡ ಮಕ್ಕಳ ದೇವ ಶುದ್ದ ಮಾಡಿತ್‌ಲ್ಲೆಯಾ?

ಎಫೆಸ 4:26

ನಿಂಗಕ್ ಚೆಡಿ ಬಾತೇಂಗಿಯು, ಪಾಪ ಮಾಡತೆ ಇರಿ; ಸೂರ್ಯ ಮುಳುವಕ್ ಮಿಂಞಲೇ ನಿಂಗಡ ಚೆಡಿ ತಣ್ಂಜ್ ಪೋಡ್.

2 ತಿಮೊಥೆಯ 1:5

ನೀನ್ ದೇವಡ ಮೇಲೆ ಬೆಚ್ಚಿತುಳ್ಳ ಕಪಟ ಇಲ್ಲತ ನೇರಾನ ನಂಬಿಕೇನ ನಾನ್ ಇಕ್ಕ ಗೇನ ಮಾಡ್‌ವಿ. ಆ ನಂಬಿಕೆ ಆದ್ಯವಾಯಿತ್ ನೀಡ ಅವ್ವಯ್ಯ ಲೋವಿರ ಕೂಡೆ ಪಿಂಞ ನೀಡ ಅವ್ವ ಯೂನೀಕೆರ ಕೂಡೆಯು ಇಂಜತ್. ಅದ್ ನೀಕ್ ಸಹ ಉಂಡ್‍ೕಂದ್ ನಾನ್ ದೃಡವಾಯಿತ್ ನಂಬುವಿ.

2 ತಿಮೊಥೆಯ 3:15

ಯೇಸು ಕ್ರಿಸ್ತನ ನಂಬುವ ಮೂಲಕ ಕ್‍ಟ್ಟ್‌ವ ರಕ್ಷಣೆನ ನೀನ್ ಪಡೆಯುವಕ್, ನೀನ್ ಬಾಲ್ಯ ವಯಸಿಂಜ ಪಡಿಚ ಪವಿತ್ರವಾನ ದೇವಡ ವಾಕ್ಯ ನೀಕ್ ಜ್ಞಾನ ತಂದಿತುಂಡ್‍ೕಂದ್ ನೀಕ್ ಗೊತ್ತುಂಡ್.

1 ಪೇತ್ರ 2:2

ಒರ್ ಪುಟ್ಟ್‌ನ ಕುಂಞಿರನೆಕೆ, ರಕ್ಷಣೆಲ್ ಬೊಳಿಯುವಕ್, ಆತ್ಮೀಯ ಪಾಲಾಯಿತ್ ಉಳ್ಳ ಶುದ್ದವಾನ ದೇವಡ ವಾಕ್ಯತ್‍ನ ಕುಡಿಪಕ್ ಕುಶಿಪಡಿ.

ಪ್ರಕಟನೆ 14:5

ಅಯಿಂಗಡ ತಕ್ಕ್‌ಲ್ ಕಪಟತನ ಇಂಜಿತ್ತ್‌ಲ್ಲೆ; ದೇವಡ ಸಿಂಹಾಸನತ್‍ರ ಮಿಂಞತ್ ಒರ್ ಕುತ್ತವು ಇಲ್ಲತಯಿಂಗಳಾಯಿತುಂಡ್.