ಮಾರ್ಕ 10:1 - ಕೊಡವ ಬೈಬಲ್

¹ ಯೇಸು ಆ ಜಾಗತ್‍ನ ಬುಟ್ಟಿತ್ ಯೊರ್ದನ್ ಎಣ್ಣುವ ಕೆರೆನ ದಾಟಿತ್ ಯೆಹೂದ್ಯ ಪ್ರಾಂತ್ಯಕ್ ಬಾತ್. ದುಂಬ ಜನ ಕೂಡಿತ್ ಯೇಸುರ ಪಕ್ಕ ಬಪ್ಪಕ್ ಸುರು ಮಾಡ್‍ಚಿ. ಅಯಿಂಗಕೆಲ್ಲ ಎಕ್ಕಲೂ ಮಾಡ್‌ವನೆಕೆ ಬೋದನೆ ಮಾಡಿಯಂಡಿಂಜತ್.

ಮಾರ್ಕ 10:1 ပူးပေါင်းရင်းမြစ်များ

ಮತ್ತಾಯ 26:55

ಅದೇ ಸಮಯತ್‍ಲ್ ಯೇಸು ಜನಡ ಗುಂಪ್‌ಕ್: ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ದೊಣ್ಣೆನೆಲ್ಲ ಎಡ್‌ತ ಬಂದಿತುಳ್ಳಿರಲ್ಲಾ? ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮಾರ್ಕ 1:21

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಕಪೆರ್ನೌಮ್ ಎಣ್ಣ್‌ವ ಪಟ್ಟಣಕ್ ಪೋಚಿ. ಸಬ್ಬತ್ ದಿವಸ ಬಪ್ಪಕ ಅಂವೊ ಸಬಾಮಂದಿರತ್‍ಲ್ ಪ್ರವೇಶ ಮಾಡಿತ್, ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಮಾರ್ಕ 10:2

ಚೆನ್ನ ಫರಿಸಾಯಂಗ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಬೋಂಡಾಂದ್ ಬುಡ್‌ವದ್ ನ್ಯಾಯಪ್ರಮಾಣತ್‍ರ ಪ್ರಕಾರ ನ್ಯಾಯವಾಂದ್ ಕ್‍ೕಟತ್.

ಮಾರ್ಕ 12:35

ಯೇಸು ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಪ್ಪಕ, ಅಂವೊ: ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ, ದಾವೀದಂಡ ಮೋಂವೋಂದ್ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎಣ್ಣುವದ್ ಎನ್ನನೆ?

ಮಾರ್ಕ 14:49

ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ. ಆಚೇಂಗಿ ದೇವಡ ವಾಕ್ಯತ್‍ಲ್ ಎಂತ ಒಳ್‍ದಿತುಂಡೋ ಅದ್ ನೆರವೇರಂಡೂಂದ್ ಎಣ್ಣ್‌ಚಿ.

ಮಾರ್ಕ 2:13

ಯೇಸು ಗಲಿಲಾಯ ಎಣ್ಣುವ ಕೆರೆರ ಕರೆಕ್ ಪುನಃ ಪೋಚಿ. ಅಂವೊಂಡ ಪಕ್ಕ ದುಂಬ ಜನ ಬಾತ್; ಅಂವೊ ಅಯಿಂಗಕ್ ಬೋದನೆ ಮಾಡ್‍ಚಿ.

ಮಾರ್ಕ 4:2

ದುಂಬ ವಿಷಯತ್‍ನ ಅಯಿಂಗಕ್ ಕಥೇರ ರೂಪತ್‌ಲ್ ಎಣ್ಣಿ ಕೊಡ್‍ತಂಡಿಂಜತ್.

ಮಾರ್ಕ 6:2

ಸಬ್ಬತ್ ದಿನ ಬಪ್ಪಕ ಸಬಾಮಂದಿರತ್‍ಲ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. ದುಂಬ ಜನ ಕೂಡಿತ್ಂಜತ್. ಅಯಿಂಗಕ್ ಇಂವೊಂಡ ಉಪದೇಶತ್‍ನ ಕ್‍ೕಟಿತ್ ದುಂಬ ಆಶ್ಚರ್ಯ ಆಚಿ. ಇನ್ನತ ಉಪದೇಶವೆಲ್ಲ ಇಂವೊಂಗ್ ಎಲ್ಲಿಂಜ ಕ್‍ಟ್ಟ್‌ಚಿ? ಎಲ್ಲಿಂಜ ಈ ತರ ಜ್ಞಾನ ಕ್‍ಟ್ಟ್‌ಚಿ? ಇಂವೊ ಎನ್ನನೆ ಈ ತರ ಅದ್ಬುತ ಕಾರ್ಯ ಮಾಡಿಯಂಡುಂಡ್?

ಮಾರ್ಕ 6:34

ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಾಂಬಕ, ಕೊರಿ ಕಾಪಂವೊ ಇಲ್ಲತ ಕೊರಿ ಗುಡ್ಡೆರನೆಕೆ ಅಯಿಂಗ ಇಂಜಗುಂಡ್ ಅಯಿಂಗಡ ಮೇಲೆ ಅಂವೊಂಗ್ ದುಂಬ ಕನಿಕರ ಆಯಿತ್, ಅಯಿಂಗಕ್ ದುಂಬ ಬೋದನೆನ ವಿವರಿಚಿಟ್ಟತ್.

ಮಾರ್ಕ 6:6

ಈ ಜನಕ್ ನಾಡ ಮೇಲೆ ನಂಬಿಕೆ ಬಂದಿತ್‌ಲ್ಲೇಂದ್ ಯೇಸುಕ್ ಆಶ್ಚರ್ಯ ಆಚಿ. ಪಿಂಞ ಯೇಸು ಪಕ್ಕತ್‍ರ ಊರ್‌ಕೆಲ್ಲಾ ಪೋಯಿತ್ ಜನಕ್ ಬೋದನೆ ಕೊಡ್‍ತತ್.

ಯೋಹಾನ 10:40

ಪುನಃ ಯೇಸು ಯೊರ್ದನ್ ಕೆರೆರ ಆಬರಿಕ್ ಪೋಯಿತ್, ಅಲ್ಲಿ ಇಂಜತ್. ಈ ಜಾಗತ್‍ಲ್ ಯೋಹಾನ ಜನಕ್, ದೀಕ್ಷಾಸ್ನಾನ ಕೊಡ್‍ತಂಡಿಂಜತ್.

ಯೋಹಾನ 11:7

ದಂಡ್ ದಿವಸ ಆನ ಪಿಂಞ, ನಂಗ ಯೆಹೂದ್ಯ ಪ್ರಾಂತ್ಯಕ್ ಪುನಃ ಪೋಕನಾಂದ್ ಶಿಷ್ಯಂಗಕ್ ಯೇಸು ಎಣ್ಣ್‌ಚಿ.

ಯೋಹಾನ 18:20

ಯೇಸು ಅಂವೊಂಗ್: ನಾನ್ ಎಲ್ಲಾಡ ಕೂಡೆ ಒಂದು ಒಳ್‌ಪ್‌ಚಿಡತೆ ಲೋಕತ್‍ರ ಎದ್‍ಕೆ ತಕ್ಕ್ ಪರ್ಂದಿಯೆ. ಸಬಾಮಂದಿರತ್‍ಲ್ ಪಿಂಞ ಯೆಹೂದ್ಯಂಗ ಕೂಡುವ ದೇವಾಲಯತ್‍ಲ್ ಎಕ್ಕಾಲು ಬೋದನೆ ಮಾಡಿಯಂಡ್ ಇಂಜ್; ಗುಟ್ಟಾಯಿತ್ ಒಂದು ತಕ್ಕ್ ಪರ್‍ಂದ್‍ತ್‌ಲ್ಲೆ.