ಮಾರ್ಕ 1:8 - ಕೊಡವ ಬೈಬಲ್

⁸ ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ, ಆಚೇಂಗಿ ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಮಾಡ್‌ವಾಂದ್ ಬೋದನೆ ಮಾಡ್‍ಚಿ.

ಮಾರ್ಕ 1:8 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಮತ್ತಾಯ 3:11

ನಿಂಗಡ ಮನಸ್ಸ್ ದೇವಡಲ್ಲಿಕ್ ತಿರ್‍ಗ್‍ಚೀಂದ್ ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ. ಆಚೇಂಗಿ ನಾಕ್ ಬಯ್ಯ ಒಬ್ಬ ಬಪ್ಪ, ಅಂವೊ ನಾಕಿಂಜ ಶಕ್ತಿವಂತಂವೊ. ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಮಾರ್ಕ 1:7

ಅಂವೊ: ನಾಡ ಬಯ್ಯ ನಾಕಿಂಜ ಬಲ್ಯಂವೊ ಒಬ್ಬ ಬಂದಂಡುಂಡ್. ನಾನ್ ಬಗ್ಗಿತ್ ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ.

ಮಾರ್ಕ 1:9

ಆ ಸಮಯತ್‍ಲ್ ಗಲಿಲಾಯ ನಾಡ್‍ಲ್ ಉಳ್ಳ ನಜರೇತ್ ಊರಿಂಜ ಯೇಸು ಬಂದಿತ್ ಯೊರ್ದನ್ ಪೊಳೆಕ್ ಪೋಚಿ. ಅಲ್ಲಿ ಯೋಹಾನ ಅಂವೊಂಗ್ ದೀಕ್ಷಾಸ್ನಾನ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:16

ಅಕ್ಕ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್. ಆಚೇಂಗಿ ನಾಕಿಂಜ ಬಲ್ಯಂವೊ ಒಬ್ಬ ಬಪ್ಪ. ನಾನ್ ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಯೋಹಾನ 1:26

ಅದ್ಂಗ್ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್; ನಿಂಗಕ್ ಗೊತ್ತಿಲ್ಲತ ಒಬ್ಬ ನಿಂಗಡ ಮದ್ಯತ್‍ಲ್ ನಿಂದಂಡುಂಡ್.

ಯೋಹಾನ 1:33

ನಾಕ್ ಇಂವೊ ದಾರ್‍ೕಂದ್ ಗೊತ್ತ್‌ಂಜಿತ್‌ಲ್ಲೆ; ಆಚೇಂಗಿಯು, ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ಪಕ್ ನನ್ನ ಅಯಿಚ ದೇವ ನಾಡ ಪಕ್ಕ: ಪವಿತ್ರಾತ್ಮ ದಾಡ ಮೇಲೆ ಬಂದಿತ್ ಅಳ್‍ಪದ್‍ನ ನೀನ್ ಕಾಂಬಿಯೋ, ಅಂವೊನೇ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಕೊಡ್‍ಪಂವೋಂದ್ ನಾಕ್ ಎಣ್ಣಿತ್ಂಜತ್.

ಅಪೊಸ್ತಲ 1:5

ಯೋಹಾನ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತತ್, ಆಚೇಂಗಿ ಇಂಞು ಚೆನ್ನ ದಿವಸತ್‍ಲ್ ನಿಂಗಳ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಮಾಡ್‌ವ. ಆನಗುಂಡ್ ನಿಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಕತೆ, ನಾನ್ ನಿಂಗಕ್ ಎಣ್ಣ್‌ನ ನಾಡ ಅಪ್ಪಂಡ ವಾಗ್ದಾನತ್‍ರ ವರ ನಿಂಗಡಲ್ಲಿ ನೆರವೇರ್‍ವಕತ್ತನೆ ಪಾರಕಾತಂಡಿರೀಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 10:45

ಯೊಪ್ಪ ಪಟ್ಟಣತ್ಂಜ ಪೇತ್ರಂಡ ಕೂಡೆ ಬಂದಿತ್ಂಜ ಸುನ್ನತಿ ಮಾಡ್‍ನ ಯೇಸುನ ನಂಬ್‍ನ ಯೆಹೂದ್ಯಂಗ, ಯೆಹೂದ್ಯಂಗ ಅಲ್ಲತಯಿಂಗಡ ಮೇಲೆ ಸಹ ದೇವ, ಪವಿತ್ರಾತ್ಮಂಡ ವರತ್‍ನ ಕೊಡ್‍ತಿತ್ತುಂಡ್‍ೕಂದ್ ಕಂಡಿತ್ ಆಶ್ಚರ್ಯ ಪಟ್ಟತ್.

ಅಪೊಸ್ತಲ 2:17

ಕಡೆ ಕಾಲತ್‍ಲ್ ನಾನ್ ಎಲ್ಲಾ ಮನುಷ್ಯಂಗಡ ಮೇಲೆ ನಾಡ ಆತ್ಮತ್‌ನ ಬೂಕುವಿ. ಅಕ್ಕ ನಿಂಗಡ ಮೋನಿಯಂಗ, ಮೋಳಿಯ ಪ್ರವಾದನೆ ಎಣ್ಣುವ. ನಿಂಗಡ ಬಾಲೆಕಾರ ಮಕ್ಕ ದರ್ಶನ ಕಾಂಬ. ನಿಂಗಡ ಪೆರಿಯಯಿಂಗ ಸ್ವಪ್ನ ಕಾಂಬ.

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.