ಮಾರ್ಕ 1:5 - ಕೊಡವ ಬೈಬಲ್

⁵ ಅಕ್ಕ ದುಂಬ ಜನ ಯೂದಾಯ ಎಣ್ಣುವ ನಾಡಿಂಜ, ಯೆರೂಸಲೇಮ್ಂಜ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಪಕ್ಕ ಪೋಯಿತ್ ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಮಾರ್ಕ 1:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:13

ತಾಂಡ ಪಾಪತ್‌ನ ಮುಚ್ಚ್‌ವಂವೊ ಚಾಯಾಪುಲೆ. ಆಚೇಂಗಿ ತಾಂಡ ಪಾಪತ್‌ನ ಅರಿಕೆ ಮಾಡಿತ್‌ ಅದ್‌ನ ಬುಡುವಂವೊಂಗ್‌ ಕರುಣೆ ಕ್‌ಟ್ಟುವ.

ಮತ್ತಾಯ 4:25

ಗಲಿಲಾಯ, ದೆಕಪೊಲಿ, ಯೆರೂಸಲೇಮ್, ಯೂದಾಯ ಪಿಂಞ ಯೊರ್ದನ್ ಪೊಳೆರ ಆ ಬರಿಯಿಂಜ ದುಂಬ ಜನ ಬಂದಿತ್ ಅಂವೊಂಡ ಬಯ್ಯಕ್ ಪೋಚಿ.

ಮಾರ್ಕ 1:4

ಯೋಹಾನ: ನಿಂಗಡ ಪಾಪಕ್ ಮನ್ನಿಪ್ ಕ್‍ಟ್ಟ್‌ವಕಾಯಿತ್ ದೇವಡ ಪಕ್ಕ ತಿರಿತ್ ದೀಕ್ಷಾಸ್ನಾನ ಎಡ್‌ಕೊಂಡು, ದೇವ ನಿಂಗಡ ಪಾಪತ್‍ನ ಮನ್ನಿಪ್ಪಾಂದ್ ಜನಕ್ ಮಣಬೂಮಿಲ್ ಬೋದನೆ ಮಾಡಿಯಂಡಿಂಜತ್.

ಮಾರ್ಕ 1:6

ಯೋಹಾನ ಒಂಟೆರ ರೋಮತ್‍ಲ್ ಮಾಡ್‍ನ ಬಟ್ಟೆ ಇಟ್ಟಂಡ್, ತಾಂಡ ಸೊಂಟಕ್ ಚರ್ಮತ್‌ರ ಪಟ್ಟಿ ಕೆಟ್ಟಿಯಂಡಿಂಜತ್. ಅಂವೊಂಡ ಆಹಾರ ಪಚ್ಚೆ ಪುಕ್ಕ ಪಿಂಞ ಕಾಡ್‍ಲ್ ಕ್‍ಟ್ಟುವ ತೇನ್ ಆಯಿತಿಂಜತ್.

ಯೋಹಾನ 1:28

ಈ ಘಟನೆಯೆಲ್ಲ ಯೊರ್ದನ್ ಕೆರೆರ ಆಬರಿಲ್ ಯೋಹಾನ ದೀಕ್ಷಾಸ್ನಾನ ಕೊಡ್‍ತಂಡಿಂಜ ಬೇಥಾಬರತ್‍ಲ್ ನಡ್ಂದತ್.

ಯೋಹಾನ 3:23

ಅದೇ ಸಮಯತ್‍ಲ್, ಸಲೀಮ ಎಣ್ಣುವ ಪಟ್ಟಣತ್‍ರ ಪಕ್ಕ ಉಳ್ಳ ಐನೋನ್ ಎಣ್ಣುವ ಊರ್‌ಲ್ ದುಂಬ ನೀರ್ ಇಂಜಗುಂಡ್ ಯೋಹಾನ ಸಹ ಜನಕ್ ದೀಕ್ಷಾಸ್ನಾನ ಕೊಡ್‍ತಂಡಿಂಜತ್. ಜನ ಅಂವೊಂಡ ಪಕ್ಕ ಬಂದಿತ್ ದೀಕ್ಷಾಸ್ನಾನ ಎಡ್‍ತಂಡತ್.

ಯೋಹಾನ 5:35

ಯೋಹಾನ ಕತ್ತಿಯಂಡ್ ಮಿನ್ನುವ ಬೊಳ್‍ಕ್‍ರನೆಕೆ ಇಂಜತ್; ನಿಂಗ ಸಹ ಚೆನ್ನ ಕಾಲ ಆ ಬೊಳಿರ ಬೋದನೆಲ್ ಕುಶಿ ಪಟ್ಟಂಡಿಂಜಿರ.

ಅಪೊಸ್ತಲ 19:18

ಇಕ್ಕ ಯೇಸುನ ನಂಬ್‍ನ ದುಂಬ ಜನ, ಅಯಿಂಗ ಮಾಡ್‍ನ ಕೆಟ್ಟ ಕೆಲಸತ್‍ನ ಎಲ್ಲಾಡ ಮಿಂಞತ್ ಒತ್ತಂಡ್ ಅರಿಕೆ ಮಾಡ್‍ಚಿ.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಯಾಕೋಬ 5:16

ಆನಗುಂಡ್ ನಿಂಗಡ ಕಾಯಿಲೆ ವಾಸಿ ಆಪನೆಕೆ ನಿಂಗಡ ಪಾಪತ್‍ನ ಒಬ್ಬಂಗೊಬ್ಬ ಅರಿಕೆ ಮಾಡಿತ್, ಒಬ್ಬಂಗೊಬ್ಬ ಪ್ರಾರ್ಥನೆ ಮಾಡಂಡು. ನೀತಿವಂತಂವೊ ಮಾಡ್‌ವ ನಂಬಿಕೇರ ಪ್ರಾರ್ಥನೆ ದುಂಬ ಶಕ್ತಿ ಉಳ್ಳದಾಯಿತಿಪ್ಪ.