ಮಾರ್ಕ 1:24 - ಕೊಡವ ಬೈಬಲ್

²⁴ ಅಂವೊ ಯೇಸುನ ಕಾಂಬಕ: ಅಯ್ಯೋ! ನಜರೇತಿನ ಯೇಸುವೇ, ನೀಕ್ ನಂಗಡಗುಂಡ್ ಎಂತ ಆಂಡು? ನಂಗಳ ಪಾಳ್ ಮಾಡ್‌ವಕಾಯಿತ್ ಬಂದಿತುಳ್ಳಿಯ? ನೀನ್ ದಾರ್‍ೕಂದ್ ನಾಕ್ ಗೊತ್ತುಂಡ್. ನೀನ್ ದೇವಡ ಪವಿತ್ರವಾನಂವೋಂದ್ ಕೂತ್ ಕೊಡ್‍ತತ್.

ಮಾರ್ಕ 1:24 ပူးပေါင်းရင်းမြစ်များ

ಮತ್ತಾಯ 2:23

ಆನಗುಂಡ್ ಅಂವೊ ನಜರೇತ್ ಎಣ್ಣುವ ಊರ್‌ಕ್ ಪೋಯಿತ್ ವಾಸಮಾಡ್‍ಚಿ. ಅಂವೊನ ನಜರೇತ್ ಎಣ್ಣುವ ಊರ್‌ಕ್ ಕೂಡ್‍ನಂವೋಂದ್ ಕಾಕ್‍ವಾಂದ್ ಪ್ರವಾದಿಯಂಗ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್.

ಮತ್ತಾಯ 8:29

ಅಯಿಂಗ ದಂಡಾಳು ಯೇಸುನ ಕಂಡಿತ್: ದೇವಡ ಮೋಂವೊನೇ ನೀಕ್ ನಂಗಡಗುಂಡ್ ಎಂತ ಆಂಡು? ದೇವ ಬೆಚ್ಚಿತುಳ್ಳ ಸಮಯಕಿಂಜಿ ಮಿಂಞ, ನಂಗಕ್ ಕಷ್ಟ ತಪ್ಪಕಾಯಿತ್ ಬಂದಿಯಾಂದ್ ಕೂತ್ ಕೊಡ್‍ತತ್.

ಮಾರ್ಕ 1:23

ಅಕ್ಕಣೆಕ್ ಒರ್ ಕೂಳಿ ಪುಡ್‌ಚ ಮನುಷ್ಯ ಸಬಾಮಂದಿರತ್‍ಲ್ ಇಂಜತ್.

ಮಾರ್ಕ 1:25

ಅದ್ಂಗ್ ಯೇಸು: ಮುಂಡತೆ ಇರ್, ಈ ಮನುಷ್ಯನ ಬುಟ್ಟಿತ್ ಪೋಂದ್ ಹುಕುಮ್ ಕೊಡ್‍ತತ್.

ಮಾರ್ಕ 10:47

ನಜರೇತ್‍ರ ಯೇಸು ಬಂದಂಡುಂಡ್‍ೕಂದ್ ಗೊತ್ತಾನಗುಂಡ್, ದಾವೀದಂಡ ಮೋಂವೊನೇ ನಾಡ ಮೇಲೆ ಕನಿಕರ ಕಾಟ್ ಎಣ್ಣಿಯಂಡ್ ಕೂತ್ ಕೊಡ್‍ತತ್.

ಮಾರ್ಕ 14:67

ಅಂವೊ ತಿತ್ತ್ ಕಾಂಜಂಡ್ ಇಪ್ಪಕಾಪಕ, ಆ ಮೂಡಿ ಪೇತ್ರನ ನೇರೆ ನೋಟುವಂಜಿ ನೀನ್ ಸಹ ನಜರೇತ್‍ರ ಯೇಸುರ ಕೂಡೆ ಇಂಜಲ್ಲಾಂದ್ ಕ್‍ೕಟತ್.

ಮಾರ್ಕ 16:6

ಅಂವೊ, ನಿಂಗ ಬೊತ್ತತಿ! ಶಿಲುಬೇಕ್ ಇಟ್ಟ ನಜರೇತ್‍ರ ಯೇಸುನ ತ್‍ೕ‌ಡಿಯೇಂಡುಳ್ಳಿರ. ಅಂವೊ ಇಲ್ಲಿ ಇಲ್ಲೆ. ಅಂವೊ ಚಾವ್‍ಯಿಂಜ ಜೀವವಾಯಿತ್ ಎದ್ದತ್. ನೋಟಿ! ಅಂವೊನ ಈ ಜಾಗತ್‍ಲ್ ಬೆಚ್ಚಿತ್ಂಜತ್.

ಮಾರ್ಕ 5:7

ಅಂವೊ ಜೋರಾಯಿತ್ ಕೂತ್ ಕೊಡ್‌ತಂಡ್: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು, ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ದೇವಡ ಮೇಲೆ ಆಣೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:35

ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:19

ಅಕ್ಕ ಅಂವೊ: ಎಂತ ಸಂಗತಿ ನಡ್ಂದತ್ ಎಣ್ಣಿಯಂಡ್ ಕ್‍ೕಟತ್. ಅದ್ಂಗ್ ಅಯಿಂಗ: ನಜರೇತ್‍ರ ಯೇಸುರ ವಿಷಯಾಂದ್ ಎಣ್ಣ್‌ಚಿ. ಅಂವೊ ದೇವಡ ಪಿಂಞ ಮನುಷ್ಯಂಗಡ ಮಿಂಞತ್‍ಲ್ ಅಂವೊಂಡ ಕ್ರಿಯೇಲು ತಕ್ಕ್‌ಲು ಶಕ್ತಿಯುಳ್ಳ ಪ್ರವಾದೀಂದ್ ಕಾಟಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:34

ಆ ಮನುಷ್ಯ ಯೇಸುನ ಕಾಂಬಕ: ಅಯ್ಯೋ! ನಜರೇತ್‌ರ ಯೇಸುವೇ, ನೀಕ್ ನಂಗಡಗುಂಡ್ ಎಂತ ಆಂಡು? ನಂಗಳ ಪಾಳ್ ಮಾಡ್‌ವಕಾಯಿತ್ ಬಂದಿತುಳ್ಳಿಯ? ನೀನ್ ದಾರ್‍ೕಂದ್ ನಾಕ್ ಗೊತ್ತುಂಡ್. ನೀನ್ ದೇವಡ ಪವಿತ್ರವಾನಂವೋಂದ್ ಜೋರಾಯಿತ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28

ಆ ಕೂಳಿ ಪುಡ್‌ಚ ಮನುಷ್ಯ ಯೇಸುನ ಕಂಡದು ಜೋರಾಯಿತ್ ಕೂತ್ ಕೊಡ್‌ತಿತ್, ಯೇಸುರ ಕಾಲ್‌ಕ್ ಬೂವಂಜಿ: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು? ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:37

ಅಕ್ಕ ಆ ಪ್ರಾಂತ್ಯತ್‍ರ ಜನ ನೀನ್ ಇಲ್ಲಿಂಜ ಪೋಯಿರ್, ನಂಗಕ್ ದುಂಬ ಪೋಡಿ ಆಯಂಡುಂಡ್‍ೕಂದ್ ಯೇಸುಕ್ ಎಣ್ಣ್‌ಚಿ.

ಯೋಹಾನ 6:69

ನೀನ್ ಜೀವವಾಯಿತುಳ್ಳ ದೇವಡ ಪವಿತ್ರವಾನಂವೋಂದ್ ನಂಗಕ್ ಗೊತ್ತಾನಗುಂಡ್ ನಿನ್ನ ನಂಬಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 2:27

ನೀನ್ ನಾಡ ಆತ್ಮತ್‌ನ, ಚಾವ್‍ರ ಜಾಗಕ್ ಪೋಪಕ್ ಬುಡುಲೆ, ನೀಡ ಪವಿತ್ರವಾನಂವೊಂಡ ತಡೀನ ಕೀಂಜ್ ಪೋಪಕ್ ಬುಡ್‍ಲೆ.

ಅಪೊಸ್ತಲ 24:5

ಅದ್ ಎಂತ ಎಣ್ಣ್‌ಚೇಂಗಿ: ಈ ಮನುಷ್ಯ ಲೋಕತ್‍ರ ಎಲ್ಲಾ ಜಾಗತ್‍ಲ್ ವಾಸ ಉಳ್ಳ ಯೆಹೂದ್ಯಂಗಡ ಮದ್ಯತ್‍ಲ್ ಕಲಹ ಮಾಡ್‍ವಂವೊನಾಯಿತು, ಜಗಳ ಆಪಕ್ ಕಾರಣವಾಯಿತು ಉಂಡ್. ಇದ್‍ಲ್ಲತೆ ನಜರೇತ್‍ರ ಮಾರ್ಗಕ್ ತಲೆಯೆನಾಯಿತು ಉಂಡ್‍ೕಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 3:14

ಪವಿತ್ರವಾನ ಪಿಂಞ ನೀತಿವಂತಂವೊನಾಯಿತ್ಂಜ ಅಂವೊನ ನಿಂಗ ಬೋಂಡಾಂದ್ ಎಣ್ಣಿತ್, ಅಂವೊಂಡ ಬದ್‍ಲ್ ಕೊಲೆಗಾರನ ಬುಡುಗಡೆ ಮಾಡ್‌ವಕ್ ಎಣ್ಣಿರ.

ಅಪೊಸ್ತಲ 4:27

ನೇರಾಯಿತು, ಹೆರೋದ, ಪೊಂತ್ಯ ಪಿಲಾತ, ಯೆಹೂದ್ಯಂಗ ಅಲ್ಲತ ಜನ ಪಿಂಞ ಇಸ್ರಾಯೇಲ್‍ರ ಜನ ಎಲ್ಲಾರು ಈ ಪಟ್ಟಣತ್‍ಲ್ ಕೂಡಿತ್, ನೀನ್ ಅಬಿಷೇಕ ಮಾಡ್‍ನ ನೀಡ ಪವಿತ್ರವಾನ ಸೇವಕನಾನ ಯೇಸುಕ್ ವಿರೋದವಾಯಿತ್ ಕೆಟ್ಟ ಆಲೋಚನೆ ಮಾಡಿತ್ ಬಾತ್.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.

1 ಯೋಹಾನ 2:20

ಆಚೇಂಗಿ, ನಿಂಗ ಅನ್ನನೆ ಇಲ್ಲೆ, ಕ್ರಿಸ್ತ ನಿಂಗಳ ಪವಿತ್ರಾತ್ಮತ್‍ಲ್ ಅಬಿಷೇಕ ಮಾಡ್‍ನಗುಂಡ್ ನಿಂಗಕ್ ಸತ್ಯ ಏದ್‍ೕಂದ್ ಗೊತ್ತುಂಡ್.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.