ಮಾರ್ಕ 1:21 - ಕೊಡವ ಬೈಬಲ್

²¹ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಕಪೆರ್ನೌಮ್ ಎಣ್ಣ್‌ವ ಪಟ್ಟಣಕ್ ಪೋಚಿ. ಸಬ್ಬತ್ ದಿವಸ ಬಪ್ಪಕ ಅಂವೊ ಸಬಾಮಂದಿರತ್‍ಲ್ ಪ್ರವೇಶ ಮಾಡಿತ್, ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಮಾರ್ಕ 1:21 ပူးပေါင်းရင်းမြစ်များ

ಮತ್ತಾಯ 4:13

ಆಚೇಂಗಿ ಯೇಸು ನಜರೇತ್‍ಲ್ ವಾಸ ಮಾಡ್‌ವಕ್ ಬದ್‍ಲ್ ಕಪೆರ್ನೌಮ್‍ಕ್ ಪೋಚಿ. ಆ ಪೇಟೆ, ಗಲಿಲಾಯ ಕೆರೆಕ್ ಪಕ್ಕತ್‍ಲ್ ಜೆಬುಲೋನ್ ಪಿಂಞ ನೆಫ್ತಲೀಮ್ ಪ್ರಾಂತ್ಯತ್‍ಲ್ ಇಂಜತ್.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮಾರ್ಕ 1:20

ಅಯಿಂಗಳ ಸಹ ಯೇಸು ಕಾಕ್‍ಚಿ; ಅಕ್ಕಣೆಕೆ ಅಯಿಂಗ ತಾಂಡ ಅಪ್ಪನಾನ ಜೆಬೆದಾಯ ಪಿಂಞ ಪಣಿಕಾರಳ ಬುಟ್ಟಿತ್ ಯೇಸುರ ಕೂಡೆ ಪೋಚಿ.

ಮಾರ್ಕ 1:29

ಪಿಂಞ ಯೇಸು ಸಬಾಮಂದಿರತ್‌ನ ಬುಟ್ಟಿತ್ ಯಾಕೋಬ, ಯೋಹಾನ ಪಿಂಞ ಬಾಕಿ ಶಿಷ್ಯಂಗಡ ಕೂಡೆ ಸೀಮೋನ ಪಿಂಞ ಅಂದ್ರೆಯ ಎಣ್ಣುವಯಿಂಗಡ ಮನೆಕ್ ಪೋಚಿ.

ಮಾರ್ಕ 1:33

ಆ ಊರ್‌ಲ್ ಉಳ್ಳ ಎಲ್ಲಾ ಜನಳು ಆ ಮನೆರ ಕಯ್ಯಾಲೆರ ಮಿಂಞ ಕೂಡಿತ್ಂಜತ್.

ಮಾರ್ಕ 1:39

ಅನ್ನನೆ ಅಂವೊ ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ದೇವಡ ವಿಷಯತ್‍ನ ಬೋದನೆ ಮಾಡಿಯಂಡ್, ಕೂಳಿನ ಪುಡ್‌ಚಯಿಂಗಕ್ ಕೂಳಿನ ಬುಡ್‌ತಿತ್ ಜನಳ ವಾಸಿ ಮಾಡ್‍ಚಿ.

ಮಾರ್ಕ 10:1

ಯೇಸು ಆ ಜಾಗತ್‍ನ ಬುಟ್ಟಿತ್ ಯೊರ್ದನ್ ಎಣ್ಣುವ ಕೆರೆನ ದಾಟಿತ್ ಯೆಹೂದ್ಯ ಪ್ರಾಂತ್ಯಕ್ ಬಾತ್. ದುಂಬ ಜನ ಕೂಡಿತ್ ಯೇಸುರ ಪಕ್ಕ ಬಪ್ಪಕ್ ಸುರು ಮಾಡ್‍ಚಿ. ಅಯಿಂಗಕೆಲ್ಲ ಎಕ್ಕಲೂ ಮಾಡ್‌ವನೆಕೆ ಬೋದನೆ ಮಾಡಿಯಂಡಿಂಜತ್.

ಮಾರ್ಕ 2:1

ಚೆನ್ನ ದಿವಸ ಕಯಿಂಜ ಪಿಂಞ ಯೇಸು ಕಪೆರ್ನೌಮ್‍ಕ್ ಪೋಚಿ. ಅಂವೊ ಮನೆಲ್ ಉಂಡ್‍ೕಂದ್ ಎಲ್ಲಾರ್‌ಕು ಗೊತ್ತಾಚಿ.

ಮಾರ್ಕ 3:1

ಇಂಞೊರ್ ಕುರಿ ಯೇಸು ಸಬಾಮಂದಿರಕ್ ಪೋಚಿ. ಅಲ್ಲಿ ಒರ್ ಕೈ ಊನವಾನ ಒಬ್ಬ ಇಂಜತ್.

ಮಾರ್ಕ 6:2

ಸಬ್ಬತ್ ದಿನ ಬಪ್ಪಕ ಸಬಾಮಂದಿರತ್‍ಲ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. ದುಂಬ ಜನ ಕೂಡಿತ್ಂಜತ್. ಅಯಿಂಗಕ್ ಇಂವೊಂಡ ಉಪದೇಶತ್‍ನ ಕ್‍ೕಟಿತ್ ದುಂಬ ಆಶ್ಚರ್ಯ ಆಚಿ. ಇನ್ನತ ಉಪದೇಶವೆಲ್ಲ ಇಂವೊಂಗ್ ಎಲ್ಲಿಂಜ ಕ್‍ಟ್ಟ್‌ಚಿ? ಎಲ್ಲಿಂಜ ಈ ತರ ಜ್ಞಾನ ಕ್‍ಟ್ಟ್‌ಚಿ? ಇಂವೊ ಎನ್ನನೆ ಈ ತರ ಅದ್ಬುತ ಕಾರ್ಯ ಮಾಡಿಯಂಡುಂಡ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:15

ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:10

ಒರ್ ಸಬ್ಬತ್ ದಿವಸತ್‍ಲ್ ಯೇಸು ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:16

ಯೇಸು ಅಂವೊ ಬೊಳ್ಂದ ನಜರೇತ್ ಊರ್‌ಕ್ ಪೋಯಿತ್, ಸಬ್ಬತ್ ದಿನ ಬಪ್ಪಕ ಪದ್ದತಿರ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಅಂವೊ ಓದ್‍ವಕ್ ಎದ್ದ್ ನಿಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:23

ಯೇಸು ಅಲ್ಲಿ ಉಳ್ಳ ಜನಕ್: ವೈದ್ಯ! ನೀಡ ಕಾಯಿಲೆನ ನೀನೇ ವಾಸಿ ಮಾಡಿಯ ಎಣ್ಣುವ ಈ ಗಾದೆನ ನಾಕ್ ನಿಂಗ ಎಣ್ಣಿತ್, ನಾನ್ ಕಪೆರ್ನೌಮ್‌ಲ್ ಮಾಡ್‌ನಾನ ನಿಂಗ ಕ್‍ೕಟದ್‍ನ ನೀಡ ಸ್ವಂತ ಊರ್‌ಲ್ ಸಹ ಮಾಡ್‍ೕಂದ್ ನಿಂಗ ನಾಕ್ ನೇರಾಯಿತ್ ಎಣ್ಣುವಿರ.

ಅಪೊಸ್ತಲ 17:2

ಪೌಲ, ತಾನ್ ಎಲ್ಲಾ ಜಾಗತ್‍ಲ್ ಮಾಡ್‌ವ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಮೂಂದ್ ಸಬ್ಬತ್ ದಿವಸತ್‍ಲ್, ದೇವಡ ವಾಕ್ಯತ್ಂಜ ಅಯಿಂಗಡ ಕೂಡೆ ಕ್ರಿಸ್ತಂಡ ವಿಷಯತ್ ವಾದ ಮಾಡ್‍ಚಿ.

ಅಪೊಸ್ತಲ 18:4

ಎಲ್ಲಾ ಸಬ್ಬತ್ ದಿವಸತ್‍ಲ್ ಸಬಾಮಂದಿರತ್‍ಲ್ ಚರ್ಚೆ ಮಾಡಿತ್ ಯೆಹೂದ್ಯಂಗಕು ಯೆಹೂದ್ಯ ಅಲ್ಲತಯಿಂಗಕು ಯೇಸು ಕ್ರಿಸ್ತಂಡ ವಿಷಯತ್‍ನ ದೃಡವಾಯಿತ್ ಸಾಕ್ಷಿ ಎಣ್ಣಿಯಂಡಿಂಜತ್.