ಮಾರ್ಕ 1:15 - ಕೊಡವ ಬೈಬಲ್

¹⁵ ಕಾಲ ಪೂರ್ತಿ ಆಚಿ, ದೇವಡ ರಾಜ್ಯ ಬೆರಿಯ ಬಪ್ಪ. ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್, ದೇವಡ ನಲ್ಲ ಸುದ್ದಿನ ನಂಬೀಂದ್ ಎಣ್ಣ್‌ಚಿ.

ಮಾರ್ಕ 1:15 ပူးပေါင်းရင်းမြစ်များ

ಮತ್ತಾಯ 10:7

ಅಲ್ಲಿಕ್ ಪೋಯಿತ್, ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಎಣ್ಣಿ.

ಮತ್ತಾಯ 3:2

ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಎನ್ನಂಗೆಣ್ಣ್‌ಚೇಂಗಿ ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 4:17

ಅಕ್ಕಯಿಂಜ ಯೇಸು: ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಪರಲೋಕ ರಾಜ್ಯ ಬೆರಿಯ ಬಂದಂಡುಂಡ್‍ೕಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:11

ನಂಗಡ ಕಾಲ್‌ಲ್ ಉಳ್ಳ ಈ ಪಟ್ಟಣತ್‍ರ ದೂಳ್‍ನ ಸಹ ನಿಂಗಕ್ ಎಚ್ಚರಿಕೆಯಾಯಿತ್ ಕೊಡ್‍ಕುವಿ. ಆಚೇಂಗಿಯು ದೇವಡ ರಾಜ್ಯ ಬೆರಿಯ ಬಪ್ಪಾಂದ್ ನಿಂಗಕ್ ಗೊತ್ತಿರಡ್‍ೕಂದ್ ಎಣ್ಣಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:9

ಅಲ್ಲಿ ಕಾಯಿಲಸ್ತಂಗಕ್ ಕಾಯಿಲೆನ ವಾಸಿ ಮಾಡಿತ್, ದೇವಡ ರಾಜ್ಯ ಬೆರಿಯ ಬಪ್ಪಾಂದ್ ಎಲ್ಲಾರ್‌ಕು ಎಣ್ಣಿ ಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ರೋಮ್ 16:26

ಆಚೇಂಗಿ ಇಕ್ಕ ಪ್ರವಾದಿಯಂಗ ಒಳ್‍ದಿ ಬೆಚ್ಚಿತುಳ್ಳ ಮೂಲಕವು, ನಿತ್ಯವಾನ ದೇವ ಹುಕುಮ್ ಕೊಡ್‍ತನೆಕೆ, ಎಲ್ಲಾ ಯೆಹೂದ್ಯರಲ್ಲತಯಿಂಗಳು ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊಂಗ್ ತಗ್ಗಿತ್ ನಡ್‍ಪನೆಕೆ, ಈ ಸುದ್ದಿ ಯೆಹೂದ್ಯ ಅಲ್ಲತ ಎಲ್ಲಾ ಜನತ್‍ರ ಗುಂಪ್‌ಕು ಗೊತ್ತ್ ಮಾಡ್‍ಚಿ.

ಗಲಾತ್ಯ 4:4

ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್‍ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

1 ತಿಮೊಥೆಯ 2:6

ಎಲ್ಲಾ ಜನಳು ಬುಡ್‍ಗಡೆ ಆಂಡೂಂದ್ ಅದ್ಂಗುಳ್ಳ ಬೆಲೆಯಾಯಿತ್ ಅಂವೊನ ಅಂವೊನಾಯಿತೇ ಬಲಿಯಾಪನೆಕೆ ಮರಣಕ್ ಒಪ್ಪ್‌ಚಿಟ್ಟಂವೊನು ಅಂವೊನೇ. ತಕ್ಕ ಸಮಯತ್‍ಲ್ ದೇವ ಈ ನಲ್ಲ ಸುದ್ದಿನ ಈ ಲೋಕಕ್ ಕೊಡ್‌ತಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:3

ದೇವ ಗೊತ್ತ್ ಮಾಡ್‍ನಯಿಂಗಡ ನಂಬಿಕೇನ ಸ್ತಿರಪಡ್‌ತ್‍ವಕ್ ಪಿಂಞ ಸತ್ಯತ್‍ರ ಮೂಲಕ ಅಯಿಂಗಕ್ ದೇವಡ ಮೇಲೆ ಬಕ್ತಿನ ಬೊಳ್‍ತ್‍ವಕ್ ದೇವ ನನ್ನ ಗೊತ್ತ್ ಮಾಡ್‍ಚಿ. ಪೊಟ್ಟ್ ಪರಿಯತ ದೇವ, ಪಂಡಿಂಜೇ ನಿತ್ಯ ಜೀವತ್‍ನ ವಾಗ್ದಾನ ಮಾಡಿತ್, ಅದ್ಂಡ ಮೂಲಕ ನಿರೀಕ್ಷೆ ಬಪ್ಪನೆಕೆ ಮಾಡ್‍ಚಿ.