ಮಾರ್ಕ 1:14 - ಕೊಡವ ಬೈಬಲ್

¹⁴ ಯೋಹಾನನ ಜೈಲ್‌ಕ್ ಇಟ್ಟ ಪಿಂಞ ಯೇಸು ಗಲಿಲಾಯಕ್ ಪೋಯಿತ್, ಅಲ್ಲಿ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಮಾರ್ಕ 1:14 ပူးပေါင်းရင်းမြစ်များ

ಮತ್ತಾಯ 11:2

ಅಕ್ಕ ಜೈಲ್‍ಲ್ ಇಂಜ ಯೋಹಾನ, ಯೇಸು ಕ್ರಿಸ್ತ ಮಾಡಿಯಂಡುಳ್ಳ ಎಲ್ಲಾ ಅದ್ಬುತ ಕಾರ್ಯತ್‍ನ ಕ್‍ೕಟಿತ್ ಅಂವೊಂಡ ಶಿಷ್ಯಂಗಳ ಯೇಸುರ ಪಕ್ಕ ಅಯಿಚಿತ್:

ಮತ್ತಾಯ 14:2

ತಾಂಡ ಕಚೇರಿಕಾರಂಗಳ ನೋಟಿತ್: ಇಂವೊ ನೇರಾಯಿತು ಚತ್ತ್‌ಪೋನ ದೀಕ್ಷಾಸ್ನಾನ ತಪ್ಪ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 4:12

ಯೋಹಾನನ ಜೈಲ್‍ಲ್ ಇಟ್ಟಿತುಂಡ್‍ೕಂದ್ ಕ್‍ೕಟ ಪಿಂಞ ಯೇಸು ಗಲಿಲಾಯಕ್ ಪುನಃ ಪೋಚಿ.

ಮತ್ತಾಯ 4:17

ಅಕ್ಕಯಿಂಜ ಯೇಸು: ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಪರಲೋಕ ರಾಜ್ಯ ಬೆರಿಯ ಬಂದಂಡುಂಡ್‍ೕಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 9:35

ಯೇಸು ಅಲ್ಲಿ ಉಳ್ಳ ಎಲ್ಲಾ ಪಟ್ಟಣಕ್ ಪಿಂಞ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:20

ಹೆರೋದ ದುಂಬ ಕೆಟ್ಟ ಕೆಲಸ ಮಾಡ್‍ನದ್ ಅಲ್ಲತೆ, ಹೆರೋದ್ಯಳಗುಂಡ್ ಯೋಹಾನನ ಜೈಲ್‌ಕ್ ಇಡ್‌ವಂಜಿ ಇಂಞೊರ್ ಕೆಟ್ಟ ಕೆಲಸವು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:1

ಬಯ್ಯಂಜಿ, ಯೇಸು ಅಲ್ಲಿಯತ್‍ರ ಪಟ್ಟಣ ಪಿಂಞ ಗ್ರಾಮಕೆಲ್ಲಾ ಪ್ರಯಾಣ ಮಾಡಿತ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್. ಅಂವೊಂಡ ಪನ್ನೆರಂಡ್ ಶಿಷ್ಯಂಗಳು ಅಂವೊಂಡ ಕೂಡೆ ಇಂಜತ್.

ಅಪೊಸ್ತಲ 20:25

ನೋಟಿ: ಇಚ್ಚಕ್ ದಿವಸ ನಿಂಗಡ ಕೂಡೆ ವಾಸ ಮಾಡಿತ್, ದೇವಡ ರಾಜ್ಯತ್‍ರ ಸತ್ಯತ್‍ನ ಬೋದನೆ ಮಾಡ್‍ನ ನನ್ನ ಇಂಞು ಮಿಂಞಕ್ ನಿಂಗಡಲ್ಲಿ ಒಬ್ಬನು ನಾಡ ಮೂಡ್‍ನ ಕಾಂಬ್‍ಲೇಂದ್ ನಾಕ್ ಇಕ್ಕ ಗೊತ್ತುಂಡ್.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ರೋಮ್ 1:1

ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

ಎಫೆಸ 2:17

ಅದಲ್ಲತೆ, ಅಂವೊ ಬಂದಿತ್, ದೂರವಾಯಿತ್ಂಜ ನಿಂಗಕು, ಪಕ್ಕತ್‍ಲ್ ಇಂಜ ಯೆಹೂದ್ಯಂಗಕು ಸಮಾದಾನತ್‍ನ ದೇವಡ ನಲ್ಲ ಸುದ್ದಿಯಾಯಿತ್ ಅರಿಚಿಟ್ಟತ್.