ಮತ್ತಾಯ 9:8 - ಕೊಡವ ಬೈಬಲ್

⁸ ಇದ್‍ನ ನೋಟಿತ್ ಜನಕ್ ಪೋಡಿ ಆಚಿ. ಮನುಷ್ಯಂಗ್ ಇನ್ನನೆ ಮಾಡ್‌ವಕ್ ಅದಿಕಾರ ಕೊಡ್‍ತ ದೇವನ ತುದಿಚತ್.

ಮತ್ತಾಯ 9:8 ပူးပေါင်းရင်းမြစ်များ

ಮತ್ತಾಯ 12:23

ಅಲ್ಲಿಯತ್‍ರ ಜನಕೆಲ್ಲ ಆಶ್ಚರ್ಯ ಆಯಿತ್: ಇಂವೊ ನೇರಾಯಿತ್ ದಾವೀದಂಡ ಮೋಂವೊನಾಯಿತಿಕ್ಕುವಾಂದ್ ತಕ್ಕ್ ಪರ್ಂದತ್.

ಮತ್ತಾಯ 15:31

ಮೂಡಂಗ ತಕ್ಕ್ ಪರಿವಾನ, ಕೈಕಾಲ್ ಬಕ್ಕತಯಿಂಗ ವಾಸಿ ಆನಾನ, ಕುಂಟಂಗ ನಡ್‌ಪಾನ, ಕುರ್‌ಡಂಗ ಕಣ್ಣ್ ಕಾಂಬಾನೆಲ್ಲ ನೋಟ್‌ನ ಜನ ಆಶ್ಚರ್ಯಪಟ್ಟಿತ್, ಇಸ್ರಾಯೇಲಂಡ ದೇವನ ತುದಿಚತ್.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮತ್ತಾಯ 5:16

ಆನಗುಂಡ್ ನಿಂಗಡಲ್ಲಿ ಉಳ್ಳ ಬೊಳಿ, ಜನಡ ಮಿಂಞತ್ ಪ್ರಕಾಶವಾಯಿತ್ ಕಾಂಗಡ್, ನಿಂಗ ಮಾಡ್‌ವ ನಲ್ಲ ಕೆಲಸತ್‍ನ ಕಂಡಿತ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪನ ತುದಿಪಕ್ ಕಾರಣ ಆಪ.

ಮತ್ತಾಯ 9:7

ಅಕ್ಕಣೆಕ್ ಆ ಮನುಷ್ಯ ಎದ್ದಿತ್ ಮನೆಕ್ ಪೋಚಿ.

ಮಾರ್ಕ 2:12

ಅಕ್ಕಣೆಕ್, ಆ ಮನುಷ್ಯ ಎದ್ದಿತ್ ತಾಂಡ ಕಡ್‌ಕೆನ ಸುತ್ತಿಯಂಡ್ ಎಲ್ಲಾಡ ಮಿಂಞತ್ ನಡ್ಂದ್ ಪೋಚಿ. ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರು ಆಶ್ಚರ್ಯ ಪಟ್ಟಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.

ಮಾರ್ಕ 7:37

ಯೇಸುರ ವಿಷಯತ್ ಜನಕೆಲ್ಲಾ: ಅಂವೊ ಎಲ್ಲಾ ಚಾಯಿತೆ ಮಾಡ್‍ಚಿ, ಕೆಮಿ ಕೇಕತಯಿಂಗಳ ಕ್‍ೕಪನೆಕೆ, ಬಾಯಿ ಬಕ್ಕತಯಿಂಗಳ ತಕ್ಕ ಪರಿಯುವನೆಕೆ ಮಾಡ್‍ಚೀಂದ್ ದುಂಬ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:13

ಅವಡ ಮೇಲೆ ಕೈ ಬೆಚ್ಚತ್. ಅಚ್ಚಕ್ ಬೆರಿಯ ಅವ ನೇರೆ ನಿಪ್ಪಂಜಿ ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:15

ಅಯಿಂಗಡ ಕೂಟ್‌ಲ್ ಒಬ್ಬ ಅಂವೊ ವಾಸಿ ಆನಾನ ಕಂಡಿತ್ ಯೇಸುರ ಪಕ್ಕ ಓಡಿ ಬಂದಿತ್, ಕೂತ್ ಕೊಡ್‌ತಂಡ್ ಯೇಸುನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:18

ಪರದೇಶಿಯಾನ ಇಂವೊ ಒಬ್ಬನೇ ದೇವನ ತುದಿಪಕ್ ಬಂತಲ್ಲಾಂದ್ ಎಣ್ಣಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:43

ಅಕ್ಕಣೆ ಅಂವೊಂಗ್ ಕಣ್ಣ್ ಕಾಂಬನೆಕೆ ಆಚಿ. ಅಂವೊ ದೇವನ ತುದಿಚಂಡ್ ಯೇಸುರ ಬಯ್ಯ ಪೋಚಿ. ಅಲ್ಲಿ ಉಳ್ಳಯಿಂಗೆಲ್ಲ ಇದ್‍ನ ಕಂಡಿತ್ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:20

ಅಯಿಂಗಕ್ ಎಣ್ಣ್‌ನ ವಿಷಯತ್‍ನ ಕ್‍ೕಟಿತ್ ಅನ್ನನೆ ನೋಟ್‍ನಗುಂಡ್ ಕೊರಿ ಕಾಪಯಿಂಗ ದೇವನ ಕೊಂಡಾಡಿತ್, ತುದಿಚಂಡ್ ಅಯಿಂಗಯಿಂಗಡ ಜಾಗಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:47

ನೂರ್ ಪಡೆಯಾಳಿಯಡ ಅದಿಕಾರಿ, ಯೇಸುಕ್ ಇನ್ನನೆ ಎಲ್ಲಾ ಆನದ್‍ನ ಕಂಡಿತ್, ಈ ಮನುಷ್ಯ ನೇರಾಯಿತು ನೀತಿವಂತನೇ ಎಣ್ಣಿಯಂಡ್ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಯೋಹಾನ 15:8

ನಿಂಗ ದುಂಬ ಫಲ ತಪ್ಪಯಿಂಗಳಾಯಿತ್ ಇಂಜತೇಂಗಿ, ನಾಡ ಅಪ್ಪಂಗ್ ಮಹಿಮೆ ಕ್‍ಟ್ಟುವ, ನಾಕ್ ಸಹ ನಿಂಗ ಶಿಷ್ಯಂಗಳಾಯಿತ್‌ಪ್ಪಿರ.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 21:20

ಇದ್‍ನೆಲ್ಲ ಅಯಿಂಗ ಕ್‍ೕಪಕ, ಅಯಿಂಗ ದೇವನ ತುದಿಚತ್. ಅಕ್ಕ ಅಯಿಂಗ ಅಂವೊನ ನೋಟಿತ್: ಪ್ರೀತಿರ ಪೌಲನೇ, ಯೆಹೂದ್ಯಂಗಡಡೆ‍ಲ್ ಯೇಸುನ ನಂಬ್‍ನಯಿಂಗ ಎಚ್ಚಕ್ ಆಯಿರ ಜನ ಉಂಡ್‍ೕಂದ್ ನೀನ್ ನೋಟಿಯಂಡುಳ್ಳಿಯಲ್ಲ. ಅಯಿಂಗೆಲ್ಲಾರು ನ್ಯಾಯಪ್ರಮಾಣಕ್ ತಗ್ಗಿತ್ ನಡ್ಂದಂಡ್, ಅಚ್ಚಕ್ ವೈರಾಗ್ಯತ್‍ಲ್ ಉಂಡ್.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

ಗಲಾತ್ಯ 1:24

ನಾಕಾಯಿತ್ ಅಯಿಂಗ ದೇವನ ತುದಿಚತ್.

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.