ಮತ್ತಾಯ 9:6 - ಕೊಡವ ಬೈಬಲ್

⁶ ಮನುಷ್ಯಂಗಡ ಪಾಪತ್‍ನ ಮನ್ನಿಚಿಡ್‌ವಕ್ ಮನುಷ್ಯಕುಮಾರಂಗ್ ಈ ಬೂಮಿಲ್ ಅದಿಕಾರ ಉಂಡ್‍ೕಂದ್ ನಾನ್ ನಿಂಗಕ್ ಕಾಟಿತಪ್ಪೀಂದ್ ಎಣ್ಣಿತ್, ಯೇಸು ಕಾಯಿಲೆಲ್ ಇಂಜ ಮನುಷ್ಯನ ನೋಟಿತ್: ಏಳ್, ನೀಡ ಕಡ್‌ಕೆನ ಎಡ್‍ತಂಡ್, ನೀಡ ಮನೆಕ್ ಪೋಂದ್ ಎಣ್ಣ್‌ಚಿ.

ಮತ್ತಾಯ 9:6 ပူးပေါင်းရင်းမြစ်များ

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮತ್ತಾಯ 8:20

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಮತ್ತಾಯ 9:5

ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ವದ್ ಸುಲಬವ ಅಥವ ನೀಕ್ ವಾಸಿ ಆಚಿ, ಎದ್ದಿತ್ ನಡೇಂದ್ ಎಣ್ಣುವದ್ ಸುಲಬವ?

ಮತ್ತಾಯ 9:7

ಅಕ್ಕಣೆಕ್ ಆ ಮನುಷ್ಯ ಎದ್ದಿತ್ ಮನೆಕ್ ಪೋಚಿ.

ಮಾರ್ಕ 2:10

ಮನುಷ್ಯಂಗಡ ಪಾಪತ್‍ನ ಮನ್ನಿಚಿಡ್‌ವಕ್ ಮನುಷ್ಯಕುಮಾರಂಗ್ ಈ ಬೂಮಿಲ್ ಅದಿಕಾರ ಉಂಡ್‍ೕಂದ್ ನಾನ್ ನಿಂಗಕ್ ಕಾಟಿತಪ್ಪೀಂದ್ ಎಣ್ಣಿತ್, ಯೇಸು ಕಾಯಿಲೆಲ್ ಇಂಜ ಮನುಷ್ಯನ ನೋಟಿತ್:

ಮಾರ್ಕ 2:7

ಇದ್ ದೇವ ದೂಷಣೆ! ದೇವಕ್ ಮಾತ್ರ ಮನುಷ್ಯಂಡ ಪಾಪತ್‍ನ ಮನ್ನಿಚಿಡ್‌ವಕ್ ಕಯ್ಯು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:21

ಅಲ್ಲಿ ಇಂಜ ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ: ದೇವ ದೂಷಣೆ ಎಣ್ಣುವ ಈ ಮನುಷ್ಯ ದಾರ್? ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕ್ ಪಾಪತ್‍ನ ಮನ್ನಿಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ಗೇನ ಮಾಡಿಯಂಡಿಂಜತ್.

ಯೋಹಾನ 10:28

ನಾನ್ ಅಯಿಂಗಕ್ ನಿತ್ಯ ಜೀವತ್‍ನ ತಪ್ಪಿ; ಅಯಿಂಗ ನಾಶ ಆಪದೇ ಇಲ್ಲೆ, ನಾಡ ಕೈಯಿಂಜ ದಾರ್ ಒಬ್ಬಂಗು ಅಯಿಂಗಳ ಬಲ್‍ಚಿತ್ ಎಡ್‌ತವಕ್ ಕಯ್ಯುಲೆ.

ಯೋಹಾನ 17:2

ನೀನ್ ಅಂವೊಂಗ್ ಎಲ್ಲಾ ಜನಡಮೇಲೆ ಅದಿಕಾರ ಕೊಡ್‍ತಿತುಳ್ಳಿಯ. ನೀಡ ಮೋಂವೊಂಗ್ ನೀನ್ ಕೊಡ್‍ತಿತುಳ್ಳ ಎಲ್ಲಾರ್‌ಕು ಅಂವೊ ನಿತ್ಯ ಜೀವತ್‍ನ ತಪ್ಪ.

ಯೋಹಾನ 5:27

ಅಂವೊ ಮನುಷ್ಯಕುಮಾರನಾಯಿತ್ ಉಳ್ಳಗುಂಡ್, ನ್ಯಾಯತೀರ್ಪ್ ಮಾಡ್‌ವ ಅದಿಕಾರತ್‍ನ ಸಹ ದೇವ ಕೊಡ್‌ತಿತುಂಡ್.

ಯೋಹಾನ 5:8

ಅಕ್ಕ ಯೇಸು ಅಂವೊನ ನೋಟಿತ್: ಏಳ್, ನೀಡ ಪಲಂಬ್‌ನ ಎಡ್‍ತಂಡ್ ನಡೇಂದ್ ಎಣ್ಣ್‌ಚಿ.

ಅಪೊಸ್ತಲ 5:31

ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

ಅಪೊಸ್ತಲ 9:34

ಪೇತ್ರ ಅಂವೊಂಗ್: ಐನೇಯನೇ ಯೇಸು ಕ್ರಿಸ್ತ ನಿನ್ನ ವಾಸಿ ಮಾಡ್‌ವ. ನೀನ್ ಎದ್ದಿತ್ ನೀಡ ಮೆತ್ತೆನ ನೀನೇ ಎಡ್‌ತ. ಅಕ್ಕಣೆ ಅಂವೊ ಎದ್ದತ್.

2 ಕೊರಿಂಥ 2:10

ನಿಂಗ ದಾರ್‌ಕ್, ಏದ್‍ನ ಮನ್ನಿಚಿಡ್‌ವಿರೋ, ನಾನು ಸಹ ಅಯಿಂಗಳ ಮನ್ನಿಚಿಡುವಿ. ನಾನ್ ಏದ್‍ನ ಮನ್ನಿಚಿಟ್ಟಿತುಂಡೋ, ಅದ್‍ನ ನಿಂಗಕಾಯಿತ್ ಕ್ರಿಸ್ತಂಡ ಸನ್ನಿದಾನತ್‍ಲ್ ಮನ್ನಿಚಿಟ್ಟಿಯೆ.

2 ಕೊರಿಂಥ 5:20

ಆನಗುಂಡ್, ನಂಗ ಕ್ರಿಸ್ತಂಡ ರಾಜ್ಯಬಾರಿಯಂಗ‍ಳಾಯಿತ್ ದೇವಡ ಕೂಡೆ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡೀಂದ್ ಕ್ರಿಸ್ತಂಗಾಯಿತ್ ನಿಂಗಳ ಬೋಡುವಿ. ಅದ್ ದೇವ ನಂಗಳಗುಂಡ್ ನಿಂಗಕ್ ಬುದ್ದಿ ಎಣ್ಣುವನೆಕೆ ಉಂಡ್.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

ಕೊಲೊಸ್ಸೆ 3:13

ನಿಂಗ ಒಬ್ಬೊಬ್ಬನ ಸಹಿಸಿಯಂಡ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪುಕಾರ್‍ನ, ಕ್ರಿಸ್ತ ನಿಂಗಡ ಪಾಪತ್‍ನ ಮನ್ನಿಚಿಟ್ಟನೆಕೆ ನಿಂಗ ಒಬ್ಬೊಬ್ಬನ ಮನ್ನಿಚಿಡಂಡು.