ಮತ್ತಾಯ 9:38 - ಕೊಡವ ಬೈಬಲ್

³⁸ ಆನಗುಂಡ್, ಬೊಳೆಕ್ ಕಾರಣವಾಯಿತುಳ್ಳ ಎಜಮಾನಂಡ ಪಕ್ಕ, ಆಳ್‍ವಳ ಅಯಿಪಕ್ ಅಂವೊನ ಬೋಡ್‌ವಿರಾಂದ್ ಎಣ್ಣ್‌ಚಿ.

ಮತ್ತಾಯ 9:38 ပူးပေါင်းရင်းမြစ်များ

ಮತ್ತಾಯ 9:37

ಅಕ್ಕ ಯೇಸು ಅಂವೊಂಡ ಶಿಷ್ಯಂಗಳ ಕಾಕ್‍ವಂಜಿ, ಬೇಲ್‌ಲ್ ಬೊಳೆ ದುಂಬ ಉಂಡ್, ಆಚೇಂಗಿ ಕೊಯಿಪಣಿಕ್ ಆಳ್‍ಕಾರ ದುಂಬ ಕಮ್ಮಿ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 20:21

ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ಯೋಹಾನ 4:35

ಕೊಯ್ಯುವ ಸಮಯ ಇಂಞು ನಾಲ್ ತಿಂಗತ್‌ಲ್ ಬಪ್ಪಾಂದ್ ನಿಂಗ ಎಣ್ಣುವಿರಲ್ಲ? ಆಚೇಂಗಿ ಇಕ್ಕಲೆ ಬೇಲ್‌ಲ್ ಬೊಳೆ ಕೊಯ್ಯುವಕ್ ತಯಾರಾಯಿತುಂಡ್‍ೕಂದ್ ಉಳ್ಳಾನ ಚಾಯಿತೆ ನೋಟೀಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಅಪೊಸ್ತಲ 13:2

ಅಯಿಂಗ ಒಡೆಯನ ಆರಾದನೆ ಮಾಡಿಯಂಡ್ ಪಟ್ಟಣಿ ನಿಂದಂಡ್ ಇಪ್ಪಕ, ಪವಿತ್ರಾತ್ಮ ಅಯಿಂಗಕ್: ನಾನ್ ಕಾಕ್‍ನ ವಿಶೇಷ ಸೇವೆಕಾಯಿತ್ ಬಾರ್ನಬ ಪಿಂಞ ಸೌಲನ, ನಿಂಗ ಬೋರೆ ಮಾಡಿತ್ ಅಯಿಂಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 8:4

ಚದ್‌ರಿ ಪೋನ ಚೆನ್ನ ಶಿಷ್ಯಂಗ, ಅಯಿಂಗ ಪೋನ ಎಲ್ಲಾ ಜಾಗತ್‍ಲ್ ಯೇಸುರ ಸುದ್ದಿನ ಬೋದನೆ ಮಾಡಿಯಂಡಿಂಜತ್.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

2 ಥೆಸಲೊನೀಕ 3:1

ನಂಗಡ ಅಣ್ಣತಮ್ಮಣಂಗಳೇ, ಕಡೇಕ್ ನಾನ್ ಎಣ್ಣುವ ವಿಷಯ ಎಂತ ಎಣ್ಣ್‌ಚೇಂಗಿ: ನಿಂಗಡ ಪಕ್ಕ ನಂಗ ಬಂದಿತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ವಕ, ಎನ್ನನೆ ಅದ್‍ನ ಎಲ್ಲಾರು ಬೆರಿಯ ನಂಬಿತ್, ಒಡೆಯಂಡ ವಾಕ್ಯ ಪಬ್ಬಿತ್ ಗನಪಡ್‌ವನೆಕೆ, ಬೋರೆ ಜಾಗತ್‍ಲ್ ಸಹ ಪಬ್ಬಿತ್ ಗನಪಡುವಕಾಯಿತ್ ನಿಂಗ ಪ್ರಾರ್ಥನೆ ಮಾಡಿ.