ಮತ್ತಾಯ 9:36 - ಕೊಡವ ಬೈಬಲ್

³⁶ ಬಲ್ಯ ಜನಡ ಗುಂಪ್‍ನ ಕಾಂಬಂಜಿ ಯೇಸುಕ್ ದುಂಬ ಕನಿಕರ ಆಚಿ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಕೊರಿ ಕಾಪಂವೊ ಇಲ್ಲತ ಕೊರಿರನೆಕೆ ಗೊಂದಲತ್‍ಲ್, ದಾರೂ ಗತಿ ಇಲ್ಲತಯಿಂಡನೆಕೆ ಇಂಜತ್.

ಮತ್ತಾಯ 9:36 ပူးပေါင်းရင်းမြစ်များ

ಮತ್ತಾಯ 10:6

ಅದ್ಂಡ ಬದ್‍ಲ್ ಇಸ್ರಾಯೇಲ್‍ಕ್ ಮಾತ್ರ ಪೋಯಿ. ಅಯಿಂಗ ಬಟ್ಟೆ ತಪ್ಪಿ ಪೋನ ಕೊರಿರನೆಕೆ ಉಂಡ್.

ಮತ್ತಾಯ 14:14

ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಂಡಿತ್, ಅಯಿಂಗಡ ಮೇಲೆ ಕನಿಕರ ಪಟ್ಟಿತ್, ಅಯಿಂಗಡಡೆಲ್ ಕಾಯಿಲೆ ಉಳ್ಳಯಿಂಗಳ ವಾಸಿ ಮಾಡ್‍ಚಿ.

ಮತ್ತಾಯ 15:24

ಅದ್ಂಗ್ ಯೇಸು: ತಪ್ಪಿ ಪೋಯಿತುಳ್ಳ ಕೊರಿಯಡನೆಕೆ ಉಳ್ಳ ಇಸ್ರಾಯೇಲ್ ಜನಕಾಯಿತ್ ದೇವ ನನ್ನ ಅಯಿಚತ್‍ೕಂದ್ ಎಣ್ಣ್‌ಚಿ.

ಮತ್ತಾಯ 15:32

ಪಿಂಞ ಯೇಸು, ಅಂವೊಂಡ ಶಿಷ್ಯಂಗಳ ಕಾಕುವಂಜಿ: ನಾಕ್ ಈ ಜನಳ ಕಾಂಬಕ ದುಂಬ ಬೇಜಾರಾಯಂಡುಂಡ್. ಈಂಗ ನಾಡ ಪಕ್ಕ ಮೂಂದ್ ದಿವಸತ್ಂಜ ಉಂಡ್, ಅಯಿಂಗ ಒಂದು ತಂದಿತ್‍ಲ್ಲೆ; ಒಂದು ಕೊಡ್‍ಕತೆ ಬರಿ ಕೆಲತ್‌ಲ್ ಅಯಿಂಗಳ ಅಯಿಪಕ್ ನಾಕ್ ಕುಶಿ ಇಲ್ಲೆ. ಅಯಿಂಗ ಮನೆಕ್ ಪೋಪಕ ಬಟ್ಟೇಲ್ ಸೊಯ ತಪ್ಪಿತ್ ಬುದ್ದ್ ಪೋಪಲ್ಲಾಂದ್ ಎಣ್ಣ್‌ಚಿ.

ಮಾರ್ಕ 6:34

ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಾಂಬಕ, ಕೊರಿ ಕಾಪಂವೊ ಇಲ್ಲತ ಕೊರಿ ಗುಡ್ಡೆರನೆಕೆ ಅಯಿಂಗ ಇಂಜಗುಂಡ್ ಅಯಿಂಗಡ ಮೇಲೆ ಅಂವೊಂಗ್ ದುಂಬ ಕನಿಕರ ಆಯಿತ್, ಅಯಿಂಗಕ್ ದುಂಬ ಬೋದನೆನ ವಿವರಿಚಿಟ್ಟತ್.

ಮಾರ್ಕ 8:2

ನಾಕ್ ಈ ಜನಳ ಕಾಂಬಕ್ ದುಂಬ ಬೇಜಾರಾಯಂಡುಂಡ್. ಈ ಜನ ನಾಡ ಪಕ್ಕ ಮೂಂದ್ ದಿವಸತ್ಂಜ ಒಂದು ತಿಂದಿತ್‌ಲ್ಲೆ.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.

ಇಬ್ರಿಯ 5:2

ಅಂವೊನು ಸಹ, ದೇವಡ ಕೂಡೆ ಉಳ್ಳ ಐಕ್ಯತ್‍ಲ್ ಚಾಯಿ ಇಲ್ಲತಂವೊನಾನಗುಂಡ್, ಜ್ಞಾನ ಇಲ್ಲತಯಿಂಗಕು, ಪಾಳ್ ಬಟ್ಟೇಲ್ ಪೋಯಂಡಿಪ್ಪಯಿಂಗಕು ಕನಿಕರ ಕಾಟ್‍ವಂವೊನಾಯಿತುಂಡ್.