ಮತ್ತಾಯ 9:29 - ಕೊಡವ ಬೈಬಲ್

²⁹ ಯೇಸು ಅಯಿಂಗಡ ಕಣ್ಣ್‌ನ ಮುಟ್ಟುವಂಜಿ, ನಿಂಗ ನನ್ನ ನಂಬ್‍ನನೆಕೆ ನಿಂಗಕ್ ಆಪಾಂದ್ ಎಣ್ಣ್‌ಚಿ.

ಮತ್ತಾಯ 9:29 ပူးပေါင်းရင်းမြစ်များ

ಮತ್ತಾಯ 15:28

ಅವಕ್‌ ಯೇಸು: ನೀಡ ನಂಬಿಕೆ ದುಂಬ ಬಲ್ಯದ್: ನೀಕ್ ಎಂತ ಕುಶಿ ಉಂಡೋ ಅದ್ ಆಡ್‍ೕಂದ್ ಯೇಸು ಆ ಪೊಣ್ಣಾಳ್‌ಕ್ ಎಣ್ಣ್‌ಚಿ. ಅದೇ ಕ್ಷಣತ್‍ಲ್ ಅವಡ ಮೋವಕ್ ವಾಸಿ ಆಚಿ.

ಮತ್ತಾಯ 20:34

ಯೇಸುಕ್ ಬಾರಿ ಕನಿಕರ ಆಚಿ. ಅಯಿಂಗಡ ಕಣ್ಣ್‌ನ ಮುಟ್ಟ್‌ಚಿ. ಒಡನೆ ಅಯಿಂಗಕ್ ಕಣ್ಣ್ ಕಾಂಬಕಾಚಿ, ಅಯಿಂಗ ಯೇಸುರ ಬಯ್ಯತ್ ಪೋಚಿ.

ಮತ್ತಾಯ 8:13

ಪಿಂಞ ಯೇಸು ಆ ಅದಿಕಾರಿಕ್: ಪೋ! ನೀನ್ ನಂಬ್‍ನನೆಕೆ ನೀಕ್ ಆಪಾಂದ್ ಎಣ್ಣ್‌ಚಿ. ಅದೇ ಸಮಯತ್‍ಲ್ ಅಂವೊಂಡ ಆಳ್‍ಕ್ ವಾಸಿಯಾಚಿ.

ಮತ್ತಾಯ 9:22

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣ್‌ಚಿ. ಆ ಕ್ಷಣತ್‍ಲ್ ಅವಡ ರೋಗ ವಾಸಿ ಆಚಿ.

ಮತ್ತಾಯ 9:28

ಯೇಸು ಒಳ್‍ಕ್ ಪೋನ ಪಿಂಞ ದಂಡ್ ಕುರ್‌ಡಂಗ ಯೇಸುರ ಪಕ್ಕ ಪೋಚಿ. ಅಕ್ಕ ಯೇಸು ಅಯಿಂಗಳ, ನಾಕ್ ನಿಂಗಳ ವಾಸಿ ಮಾಡ್‌ವಕ್ ಕಯ್ಯೂಂದ್ ನಿಂಗ ನಂಬುವಿರಾಂದ್ ಕ್‍ೕಟತ್. ಅಕ್ಕು ಸ್ವಾಮೀಂದ್ ಅಯಿಂಗ ಎಣ್ಣ್‌ಚಿ.

ಮಾರ್ಕ 10:52

ಅಕ್ಕ ಯೇಸು: ನೀನ್ ಇಲ್ಲಿಂಜ ಪೋ ನಾಡ ಮೇಲೆ ಉಳ್ಳ ನೀಡ ನಂಬಿಕೆ ನಿನ್ನ ಚಾಯಿ ಮಾಡ್‍ಚಿ. ಅಚ್ಚಕ್ ಬೆರಿಯ ಅಂವೊಂಡ ಕಣ್ಣ್ ಕಾಂಬನೆಕೆ ಆಚಿ, ಅಂವೊ ಯೇಸುರ ಕೂಡೆ ಬಟ್ಟೇಲ್ ಪೋಚಿ.