ಮತ್ತಾಯ 9:27 - ಕೊಡವ ಬೈಬಲ್

²⁷ ಯೇಸು ಆ ಜಾಗತ್ಂಜ ಪೋಯಂಡ್ ಇಪ್ಪಕ, ದಂಡ್ ಕುರ್‌ಡಂಗ ಯೇಸುರ ಬಯ್ಯಕ್ ಪೋಚಿ. ದಾವೀದಂಡ ಮೋಂವೊನೇ, ನಂಗಕ್ ಕನಿಕರ ಕಾಟ್‍ೕಂದ್ ಅಯಿಂಗ ಕೂತ್ ಕೊಡ್‍ತತ್.

ಮತ್ತಾಯ 9:27 ပူးပေါင်းရင်းမြစ်များ

ಮತ್ತಾಯ 1:1

ಇದ್ ಯೇಸು ಕ್ರಿಸ್ತಂಡ ವಂಶಾವಳಿರ ನೇಮ. ಅಂವೊ ದಾವೀದಂಡ ಸಂತಾನಕಾರ. ದಾವೀದ ಅಬ್ರಹಾಮಂಡ ವಂಶಕ್ ಕೂಡ್‍ನಂವೊ.

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 15:22

ಅಕ್ಕ ಅಲ್ಲಿ ಒರ್ ಕಾನಾನ್ಯ ದೇಶತ್‍ರ ಪೊಣ್ಣಾಳ್ ಯೇಸುರ ಪಕ್ಕ ಬಂದಿತ್: ಒಡೆಯನೇ, ದಾವೀದಂಡ ಮೋಂವೊನೇ, ನಾಡ ಮೇಲೆ ಕನಿಕರ ಕಾಟ್; ನಾಡ ಮೋವಕ್ ಕೂಳಿ ಪುಡ್‌ಚಿತ್ ಬಲ್ಯ ಕಷ್ಟತ್‍ಲ್ ಉಂಡ್‍ೕಂದ್ ಎಣ್ಣಿತ್ ಕಾಕ್‍ಚಿ.

ಮತ್ತಾಯ 17:15

ಯೇಸುನ ನೋಟಿತ್: ಒಡೆಯನೇ, ನಾಡ ಮೋಂವೊಂಡ ಮೇಲೆ ಕನಿಕರ ಕಾಟ್, ಅಂವೊಂಗ್ ಸೊಯ ತಪ್ಪಿ ಪೋಪ ಕಾಯಿಲೆ ಉಂಡ್. ಅಂವೊ ಅಕ್ಕಕ್ಕ ತಿತ್ತ್‌ಕ್ ಪಿಂಞ ನೀರ್‌ಕ್ ಬುದ್ದ್‌ರ್‌ವ, ಇನ್ನನೆ ಅಂವೊ ದುಂಬ ಕಷ್ಟಪಟ್ಟಂಡುಂಡ್.

ಮತ್ತಾಯ 20:29

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರಿಕೋಯಿಂಜ ಪೋಪಕ ಬಲ್ಯ ಜನಡ ಗುಂಪ್ ಅಯಿಂಗಡ ಬಯ್ಯತ್ ಪೋಚಿ.

ಮತ್ತಾಯ 21:15

ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಈ ಬಲ್ಯ ಅದ್ಬುತ ಕಾರ್ಯತ್‍ನ ಪಿಂಞ ಚೆರಿಯ ಮಕ್ಕ ದಾವೀದಂಡ ಮೋಂವೊಂಗ್ ಹೊಸನ್ನಾಂದ್ ಕೂತ್ ಕೊಡ್‍ಪದ್‍ನ ದೇವಾಲಯತ್‍ರ ಜಾಗತ್‍ಲ್ ಕಂಡತ್. ಕಂಡಿತ್ ಅಯಿಂಗಕ್ ದುಂಬ ಚೆಡಿ ಬಂತ್,

ಮತ್ತಾಯ 21:9

ಅಂವೊಂಡ ಸುತ್ತ್‌ಲ್ ಇಂಜ ಜನ ಇನ್ನನೆ ಕೂತ್ ಕೊಡ್‍ತತ್. ದಾವೀದಂಡ ಮೋಂವೊಂಗ್ ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದ! ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್.

ಮತ್ತಾಯ 9:28

ಯೇಸು ಒಳ್‍ಕ್ ಪೋನ ಪಿಂಞ ದಂಡ್ ಕುರ್‌ಡಂಗ ಯೇಸುರ ಪಕ್ಕ ಪೋಚಿ. ಅಕ್ಕ ಯೇಸು ಅಯಿಂಗಳ, ನಾಕ್ ನಿಂಗಳ ವಾಸಿ ಮಾಡ್‌ವಕ್ ಕಯ್ಯೂಂದ್ ನಿಂಗ ನಂಬುವಿರಾಂದ್ ಕ್‍ೕಟತ್. ಅಕ್ಕು ಸ್ವಾಮೀಂದ್ ಅಯಿಂಗ ಎಣ್ಣ್‌ಚಿ.

ಮಾರ್ಕ 11:10

ದೇವಡ ಪೆದತ್‍ಲ್ ಬಪ್ಪ ನಂಗಡ ಅಪ್ಪನಾನ ದಾವೀದಂಡ ರಾಜ್ಯಕ್ ಆಶೀರ್ವಾದ ಕ್‍ಟ್ಟಡ್; ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್.

ಮಾರ್ಕ 9:22

ಅದ್ ಸುಮಾರ್ ಕುರಿ ಅಂವೊನ ಕೊಲ್ಲ್‌ವಕ್ ತಿತ್ತ್‌ಕ್ ಪಿಂಞ ನೀರ್‌ಕ್ ತಳ್ಳ್‌ವಕಿಂಜತ್‍ೕಂದ್ ಕ್‍ಣ್ಣಂಡ ಅಪ್ಪ ಎಣ್ಣ್‌ಚಿ. ದಯಬೆಚ್ಚಿತ್ ನಂಗಡ ಮೇಲೆ ಕನಿಕರ ಕಾಟಿತ್ ನಂಗಕ್ ಸಹಾಯ ಮಾಡ್‌ವಕ್ ಕಯ್ಯುವೇಂಗಿ ಮಾಡೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:13

ಯೇಸು ಸ್ವಾಮೀ, ನಂಗಕ್ ಕನಿಕರ ಕಾಟ್, ನಂಗಳ ಚಾಯಿಮಾಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:41

ಪಿಂಞ ಯೇಸು ಅಯಿಂಗಳ ನೋಟಿತ್: ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ, ದಾವೀದಂಡ ಮೋಂವೋಂದ್ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎಣ್ಣುವದ್ ಎನ್ನನೇಂದ್ ಕ್‍ೕಟತ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:21

ಆ ಸಮಯತ್‍ಲ್ ಯೇಸು ದುಂಬ ಕಾಯಿಲೆಸ್ತಂಗಳ, ರೋಗಿಯಳ, ಕೂಳಿ ಪುಡ್‌ಚಯಿಂಗಳ ವಾಸಿ ಮಾಡಿತ್, ದುಂಬ ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡಿಯಂಡಿಂಜತ್.

ಯೋಹಾನ 7:42

ಕ್ರಿಸ್ತ, ದಾವೀದ ರಾಜಂಡ ಸಂತಾನತ್ಂಜಲೂ, ದಾವೀದಂಡ ಊರಾನ ಬೇತ್ಲೆಹೇಮಿಂಜಲೂ ಬಪ್ಪಾಂದ್ ದೇವಡ ವಾಕ್ಯತ್‍ಲ್ ಉಂಡಲ್ಲಾಂದ್ ಎಣ್ಣ್‌ಚಿ.

ರೋಮ್ 1:3

ಅದ್ ದೇವಡ ಮೋಂವೊನಾನ ಯೇಸುರ ನಲ್ಲ ಸುದ್ದಿರ ವಿಷಯವೇ. ಅಂವೊ ಮನುಷ್ಯನಾಯಿತ್ ನಂಗಡ ಅಜ್ಜನಾನ ದಾವೀದ ರಾಜಂಡ ಸಂತಾನತ್‍ಲ್ ಪುಟ್ಟ್‌ಚಿ.

ರೋಮ್ 9:5

ಮುತ್ತಜ್ಜಂಗ ಅಯಿಂಗಕುಳ್ಳಯಿಂಗಳೇ, ತಡೀರ ಪ್ರಕಾರ ಕ್ರಿಸ್ತ ಸಹ ಅಯಿಂಗಡಲ್ಲಿ ಪುಟ್ಟ್‌ಚಿ, ಇಂವೊ ಕಾಲಕಾಲಕು, ಎಲ್ಲಾಂಗು ಕೊಡಿಲ್ ದೇವನಾಯಿತ್ ಕೊಂಡಾಡುವಕ್ ಉಳ್ಳಂವೊನಾಯಿತುಂಡ್, ಆಮೆನ್.