ಮತ್ತಾಯ 9:2 - ಕೊಡವ ಬೈಬಲ್

² ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಮತ್ತಾಯ 9:2 ပူးပေါင်းရင်းမြစ်များ

ಮತ್ತಾಯ 14:27

ಅಕ್ಕಣೆ ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಂದಿತ್: ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣ್‌ಚಿ.

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮತ್ತಾಯ 6:12

ನಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್;

ಮತ್ತಾಯ 8:10

ಇದ್‍ನ ಕ್‍ೕಟ ಯೇಸು, ಅಲ್ಲಿ ಉಳ್ಳ ಜನಳೆಲ್ಲ ನೋಟ್‌ವಂಜಿ: ಇನ್ನತ ಒರ್ ನಂಬಿಕೇನ ಇಸ್ರಾಯೇಲ್ ಜನತ್‍ಲ್ ಸಹ ನಾನ್ ಕಂಡಿತ್‌ಲ್ಲೇಂದ್ ಆಶ್ಚರ್ಯತ್‍ಲ್ ಎಣ್ಣ್‌ಚಿ.

ಮತ್ತಾಯ 8:16

ಅಂದ್ ಬೈಟಾಪಕ ಕೂಳಿ ಪುಡ್‍ಚಿತ್ಂಜ ದುಂಬ ಜನಳ ಯೇಸುರ ಪಕ್ಕ ಕಾಕಿಯಂಡ್ ಬಾತ್. ಯೇಸು ಅಂವೊಂಡ ತಕ್ಕ್‌ಂಜ ಆ ಕೂಳಿಯಳ ಬುಡ್‌ತಿತ್, ಎಲ್ಲಾ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 9:22

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣ್‌ಚಿ. ಆ ಕ್ಷಣತ್‍ಲ್ ಅವಡ ರೋಗ ವಾಸಿ ಆಚಿ.

ಮತ್ತಾಯ 9:5

ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ವದ್ ಸುಲಬವ ಅಥವ ನೀಕ್ ವಾಸಿ ಆಚಿ, ಎದ್ದಿತ್ ನಡೇಂದ್ ಎಣ್ಣುವದ್ ಸುಲಬವ?

ಮತ್ತಾಯ 9:6

ಮನುಷ್ಯಂಗಡ ಪಾಪತ್‍ನ ಮನ್ನಿಚಿಡ್‌ವಕ್ ಮನುಷ್ಯಕುಮಾರಂಗ್ ಈ ಬೂಮಿಲ್ ಅದಿಕಾರ ಉಂಡ್‍ೕಂದ್ ನಾನ್ ನಿಂಗಕ್ ಕಾಟಿತಪ್ಪೀಂದ್ ಎಣ್ಣಿತ್, ಯೇಸು ಕಾಯಿಲೆಲ್ ಇಂಜ ಮನುಷ್ಯನ ನೋಟಿತ್: ಏಳ್, ನೀಡ ಕಡ್‌ಕೆನ ಎಡ್‍ತಂಡ್, ನೀಡ ಮನೆಕ್ ಪೋಂದ್ ಎಣ್ಣ್‌ಚಿ.

ಮಾರ್ಕ 1:32

ಸೂರ್ಯ ಮುಳ್‌ಗ್‌ನ ಪಿಂಞ ಬೈಟಾಪಕ, ಜನ ರೋಗ ಉಳ್ಳಯಿಂಗಳ, ಕೂಳಿ ಪುಡ್‌ಚಯಿಂಗಳ ಯೇಸುರ ಪಕ್ಕ ಕಾಕಿಯಂಡ್ ಬಾತ್.

ಮಾರ್ಕ 10:49

ಆ ಕುರ್‌ಡ ಕೂತ್ ಕೊಡ್‌ಪಾನ ಕ್‍ೕಟಿತ್, ಯೇಸು ಅಲ್ಲೇ ನಿಂದಿತ್: ಅಂವೊನ ಕಾಕ್ ಎಣ್ಣಿಯಂಡ್ ಎಣ್ಣ್‌ಚಿ. ಅಕ್ಕ ಶಿಷ್ಯಂಗ: ನಿನ್ನ ಯೇಸು ಕಾಕಿಯಂಡುಂಡ್ ಕುಶಿ ಪಡ್‍ೕಂದ್ ಅಂವೊಂಗ್ ಎಣ್ಣ್‌ಚಿ.

ಮಾರ್ಕ 5:34

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ. ನೀನ್ ಶಾಂತಿಲ್ ಪೋಯಿತ್, ಪೂರ್ತಿ ವಾಸಿಯಾಯಿತ್ ಕುಶೀಲ್ ಪೋಂದ್ ಯೇಸು ಎಣ್ಣ್‌ಚಿ.

ಮಾರ್ಕ 6:50

ಅಯಿಂಗಕೆಲ್ಲ ಯೇಸುನ ಕಾಂಬದು ಪೋಡಿ ಆಯಿಪೋಚಿ. ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣಿಯಂಡ್,

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಯೋಹಾನ 2:25

ಮನುಷ್ಯಂಗಡ ಹೃದಯತ್‍ಲ್ ಉಳ್ಳದ್ ಅಂವೊಂಗ್ ಗೊತ್ತುಳ್ಳಗುಂಡ್, ಮನುಷ್ಯಂಗಡ ವಿಷಯತ್ ದಾರೂ ಅಂವೊಂಗ್ ಸಾಕ್ಷಿ ಕೊಡ್‍ಪಕ್ ಅವಸ್ಯ ಇಂಜಿತ್‌ಲ್ಲೆ.

ಯೋಹಾನ 21:5

ಯೇಸು ಅಯಿಂಗಳ ನೋಟಿತ್: ಮಕ್ಕಳೇ! ಮೀನ್ ಒಂದು ಕ್‍ಟ್ಟಿತ್‌ಲ್ಲೆಯಾಂದ್ ಕ್‍ೕಟತ್. ಅಂವೊಂಗ್ ಅಯಿಂಗ: ಒಂದು ಕ್‌ಟ್ಟಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 14:9

ಪೌಲ ಪರಿಯುವ ತಕ್ಕ್‌ನ ಅಂವೊ ಅನ್ನನೆ ಕ್‍ೕಟಂಡ್ ಇಂಜತ್. ಪೌಲ ಅಂವೊಂಡ ಮೂಡ್‍ನ ನೋಟಿತ್, ವಾಸಿಯಾಪಕ್ ಬೋಂಡಿಯಾನ ನಂಬಿಕೆ ಅಂವೊಂಗ್ ಉಂಡ್‍ೕಂದ್ ಗೊತ್ತಾಯಿತ್:

ಅಪೊಸ್ತಲ 19:12

ಅಂವೊಂಡ ತಡೀನ ಮುಟ್ಟ್‌ನ ಕೈಚೌಕ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಎಡ್‍ತಂಡ್, ಕಾಯಿಲೆ ಉಳ್ಳಯಿಂಗಡ ಮೇಲೆ ಬೆಪ್ಪಕ, ಅಯಿಂಗಡ ಕಾಯಿಲೆ ವಾಸಿ ಆಚಿ, ಕೂಳಿ ಪುಡ್‍ಚಯಿಂಗಡಯಿಂಜ ಕೂಳಿಯೆಲ್ಲ ಓಡಿ ಪೋಚಿ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ರೋಮ್ 5:11

ಅದಲ್ಲತೆ, ನಂಗಕ್ ಇಕ್ಕ ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟುವಕ್ ಮಾಡ್‍ನ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗ ದೇವಡ ವಿಷಯತ್‍ನ ಹೊಗಳಿಯಂಡುಂಡ್.

ಯಾಕೋಬ 2:18

ದಾರೇಂಗಿಯು ಒಬ್ಬ: ನೀಕ್ ನಂಬಿಕೆ ಉಂಡ್, ನಾಕ್ ಕ್ರಿಯೆ ಉಂಡ್; ನೀಕ್ ನಂಬಿಕೆ ಉಂಡ್‍ೕಂದ್ ಎಣ್ಣುವಿಯಲ್ಲ ಅದ್‍ನ ನಾಕ್ ಕ್ರಿಯೆ ಇಲ್ಲತೆ ಕಾಟಿತಾ, ನಾನ್ ನಾಡ ನಂಬಿಕೇನ ನಾನ್ ಮಾಡ್‌ವ ಕ್ರಿಯೇಲ್ ಕಾಟಿತಪ್ಪೀಂದ್ ಎಣ್ಣುವಲ್ಲ.