ಮತ್ತಾಯ 9:18 - ಕೊಡವ ಬೈಬಲ್

¹⁸ ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ, ಒರ್ ಅದಿಕಾರಿ ಬಂದಿತ್ ಯೇಸುರ ಪಕ್ಕ ಮೊಣಕಾಲ್ ಇಟ್ಟಿತ್, ನಾಡ ಮೋವ ಇಕ್ಕಲೆ ಚತ್ತ್ ಪೋಚಿ. ಆಚೇಂಗಿ ನೀನ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಚ್ಚತೇಂಗಿ ಅವ ಬದ್‌ಕ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 9:18 ပူးပေါင်းရင်းမြစ်များ

ಮತ್ತಾಯ 14:33

ಅಕ್ಕ, ದೋಣಿಲ್ ಇಂಜಯಿಂಗ ಬಂತ್: ನೀನ್ ನೇರಾಯಿತು ದೇವಡ ಮೋಂವೋಂದ್ ಎಣ್ಣಿತ್, ಯೇಸುನ ಆರಾದನೆ ಮಾಡ್‍ಚಿ.

ಮತ್ತಾಯ 15:25

ಆ ಪೊಣ್ಣಾಳ್ ಯೇಸುರ ಕಾಲ್‌ಕ್ ಅಡ್ಡ ಬೂವಂಜಿ: ಒಡೆಯನೇ, ನಾಕ್ ಸಹಾಯ ಮಾಡ್‍ೕಂದ್ ಬೋಡಿಯಂಡತ್.

ಮತ್ತಾಯ 17:14

ಅಯಿಂಗ, ಜನಡ ಗುಂಪ್‌ಕ್ ಬಪ್ಪಕ, ಒರ್ ಮನುಷ್ಯ ಯೇಸುರ ಪಕ್ಕ ಬಂದಿತ್ ಮೊಣಕಾಲ್ ಇಟ್ಟಿತ್,

ಮತ್ತಾಯ 20:20

ಅಕ್ಕ ಜೆಬೆದಾಯಂಡ ಪೊಣ್ಣ್ ಅವಡ ದಂಡ್ ಮಕ್ಕಳ ಯೇಸುರ ಪಕ್ಕ ಕಾಕಿಯಂಡ್ ಬಂದಿತ್, ಅಂವೊಂಡ ಪಕ್ಕ ಒರ್ ಸಹಾಯ ಕ್‍ೕಪಕಾಯಿತ್ ಮೊಣಕಾಲ್ ಇಟ್ಟತ್.

ಮತ್ತಾಯ 28:17

ಅಲ್ಲಿ ಯೇಸುನ ಕಾಂಬಕ ಅಂವೊಂಗ್ ಅಡ್ಡ ಬುದ್ದಿತ್ ಅಂವೊನ ಆರಾದನೆ ಮಾಡ್‍ಚಿ. ಆಚೇಂಗಿ, ಚೆನ್ನ ಜನ ಅನುಮಾನ ಪಟ್ಟತ್.

ಮತ್ತಾಯ 8:2

ಕುಷ್ಟರೋಗ ಇಂಜ ಒರ್ ಮನುಷ್ಯ ಯೇಸುರ ಪಕ್ಕ ಬಂದಿತ್ ಮೊಣಕಾಲ್ ಇಟ್ಟಿತ್: ಒಡೆಯನೇ, ನೀಕ್ ಕುಶಿ ಉಂಡೇಂಗಿ ನನ್ನ ಶುದ್ದ ಮಾಡ್‌ವಕ್ ನೀಕ್ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 8:25

ಶಿಷ್ಯಂಗ ಅಂವೊಂಡ ಪಕ್ಕ ಪೋಪಂಜಿ, ಯೇಸುನ ಎಪ್ಪಿತ್, ಒಡೆಯನೇ! ನಂಗಳ ಕಾಪಾಡ್, ನಂಗ ನೀರ್‌ಲ್ ಮುಳ್‍ಗಿಯಂಡುಂಡ್‍ೕಂದ್ ಜೋರಾಯಿತ್ ಕೂತ್ ಕೊಡ್‍ತತ್.

ಮತ್ತಾಯ 9:17

ಅನ್ನನೆ ದಾರೂ ಪುದಿಯದಾಯಿತ್ ಮಾಡ್‍ನ ದ್ರಾಕ್ಷಿರಸತ್‍ನ ಪಳೆಯ ಚರ್ಮತ್‌ರ ಚೀಲಕ್ ಬೂಕ್‌ಲೆ, ಅನ್ನನೆ ಮಾಡ್‍ಚೇಂಗಿ ಚರ್ಮತ್‌ರ ಚೀಲ ಒಡಂದ್ ಪೋಪ. ಚೀಲ ಒಡಂದ್ ಪೋಯಿತ್, ದ್ರಾಕ್ಷಿರಸವು ಚೆಲ್ಲಿಪೋಪ. ಪುದಿಯ ದ್ರಾಕ್ಷಿರಸತ್‍ನ ಪುದಿಯ ಚರ್ಮತ್‌ರ ಚೀಲತ್‍ಲ್ ಬೂಕಂಡು, ಅಕ್ಕ ದಂಡು ಬದ್ರತೆಲ್ ಇಪ್ಪ.

ಮತ್ತಾಯ 9:19

ಯೇಸು ಎದ್ದಿತ್, ಅಂವೊ ಪಿಂಞ ಅಂವೊಂಡ ಶಿಷ್ಯಂಗ ಅದಿಕಾರಿರ ಕೂಡೆ ಪೋಚಿ.

ಮತ್ತಾಯ 9:24

ನಿಂಗ ಎಲ್ಲಾರು ಪೋಯಿ, ಈ ಮೂಡಿ ಕುಂಞಿ ಚತ್ತಿತ್ ಇಲ್ಲೆ, ಅವ ಬರಿ ವರಿಯಂಡುಂಡ್‍ೕಂದ್ ಎಣ್ಣ್‌ಚಿ. ಅದ್ಂಗ್ ಎಲ್ಲಾರು ಅಂವೊನ ನೋಟಿತ್ ತೆಳ್‍ಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:14

ಯೇಸು ಸಬ್ಬತ್ ದಿವಸತ್‍ಲ್ ವಾಸಿಮಾಡ್‍ನಗೊಂಡ್ ಸಬಾಮಂದಿತ್‍ರ ಅದಿಕಾರಿಕ್ ಚೆಡಿ ಬಾತ್. ಆ ಅದಿಕಾರಿ ಅಲ್ಲಿ ಇಂಜ ಜನಕ್, ನಂಗ ಒರ್ ವಾರತ್‍ಲ್ ಆರ್ ದಿವಸ ಕೆಲಸ ಮಾಡ್‌ವಲ್ಲ, ಆ ದಿವಸತ್‍ಲ್ ಬಂತ್ ವಾಸಿ ಮಾಡಿಯೊಳಿ, ಸಬ್ಬತ್ ದಿವಸತ್‍ಲ್ ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:18

ಒರ್ ಯೆಹೂದ್ಯ ಮುಕ್ಯಸ್ತ ಯೇಸುರ ಪಕ್ಕ: ನಲ್ಲ ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:2

ಅಲ್ಲಿ ನೂರ್ ಸಿಪಾಯಿಯಂಗಕ್ ಅದಿಕಾರಿಯಾಯಿತ್ಂಜ ರೋಮ್ ರಾಜ್ಯತ್‍ರ ಒರ್ ಅದಿಕಾರಿಕ್ ಕುಶಿಯುಳ್ಳ ಒರ್ ಆಳ್‍ಕ್ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಇಂಜತ್.

ಯೋಹಾನ 11:25

ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ.

ಯೋಹಾನ 11:32

ಯೇಸು ಇಂಜ ಜಾಗಕ್ ಮರಿಯ ಬಪ್ಪಂಜಿ, ಅಂವೊನ ಕಾಂಬಕ, ಅಂವೊಂಡ ಕಾಲ್‌ಕ್ ಬೂವಂಜಿ, ಒಡೆಯನೇ, ನೀನ್ ಇಲ್ಲಿ ಇಂಜಿತ್ಂಜತೇಂಗಿ, ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಅಪೊಸ್ತಲ 13:15

ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ನ ಓದಿತಾನ ಪಿಂಞ ಸಬಾಮಂದಿರತ್‍ರ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಗ್, ಅಣ್ಣತಮ್ಮಣಂಗಳೇ, ನಿಂಗ ಜನಕ್ ಬುದ್ದಿ ತಕ್ಕ್ ಎಣ್ಣ್‌ವಕ್ ಉಂಡೇಂಗಿ ಎಣ್ಣೀಂದ್ ಅಯಿಂಗಕ್ ಎಣ್ಣಿತ್ ಆಳ್‌ನ ಅಯಿಚತ್.

ಅಪೊಸ್ತಲ 28:8

ಅಂವೊಂಡ ಅಪ್ಪಂಗ್ ಚೋರೆ ತೂರಾಟ ಕಾಯಿಲೆ ಪಿಂಞ ಪನಿ ಬಂದಿತ್ ಬುದ್ದಂಡ್ ಇಂಜತ್. ಪೌಲ ಅಂವೊಂಡ ಪಕ್ಕ ಪೋಯಿತ್ ಪ್ರಾರ್ಥನೆ ಮಾಡಿತ್ ಅಂವೊಂಡ ಮೇಲೆ ಕೈ ಬೆಚ್ಚಿತ್ ಅಂವೊನ ವಾಸಿ ಮಾಡ್‍ಚಿ.