ಮತ್ತಾಯ 9:15 - ಕೊಡವ ಬೈಬಲ್

¹⁵ ಅದ್ಂಗ್ ಯೇಸು: ಮಂಗಲತ್‍ರ ಮನೆಲ್, ಮಂಗಲಕಾರ ಕೂಡೆ ಇಪ್ಪಕ, ಎನ್ನನೆ ಅಂವೊಂಡ ಚಂಙಾದಿಯ ಬೇಜಾರತ್‍ಲ್ ಇಪ್ಪ. ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಪಟ್ಟಣಿ ನಿಪ್ಪಾಂದ್ ಎಣ್ಣ್‌ಚಿ.

ಮತ್ತಾಯ 9:15 ပူးပေါင်းရင်းမြစ်များ

ಮತ್ತಾಯ 9:14

ಒರ್ ದಿನ ಯೋಹಾನಂಡ ಶಿಷ್ಯಂಗ ಯೇಸುರ ಪಕ್ಕ ಬಪ್ಪಂಜಿ, ನಂಗಳು, ಫರಿಸಾಯಂಗಳು ಅಕ್ಕಕ್ಕ ಪಟ್ಟಣಿ ನಿಂದಂಡಿಪ್ಪಕ, ನೀಡ ಶಿಷ್ಯಂಗ ಎನ್ನಂಗ್ ಪಟ್ಟಣಿ ನಿಂದಂಡಿಲ್ಲೇಂದ್ ಕ್‍ೕಟತ್.

ಮತ್ತಾಯ 9:16

ದಾರೂ ಪಳೆಯ ಬಟ್ಟೇಕ್, ಚುರ್ಂಗಿ ಪೋಕತೆ ಪುದಿಯ ತುಣಿನ ಅಡ್ಡಬೆಚ್ಚಿತ್ ಪೊಲ್ಲ್‌ಚಿಡುಲೆ. ಎನ್ನಂಗೆಣ್ಣ್‌ಚೇಂಗಿ ಪುದಿಯ ಬಟ್ಟೆ ಚುರುಂಗಿತ್ ಇಂಞು ಬಲ್ಯ ತೂತತ್‍ನ ಮಾಡ್‌ವ.

ಮಾರ್ಕ 2:19

ಅದ್ಂಗ್ ಯೇಸು: ಮಂಗಲಕಾರ ಅಯಿಂಗಡ ಕೂಡೆ ಇಪ್ಪಕಾಪಕ ಅಂವೊಂಡ ಚಂಙಾದಿಯ ಪಟ್ಟಣಿ ನಿಕ್ಕಂಡುವಾ? ಪುತ್ತಾಂಗಾರ ಇಪ್ಪಕತ್ತನೆ ಅಯಿಂಗ ಪಟ್ಟಣಿ ನಿಪ್ಪುಲೆ.

ಮಾರ್ಕ 2:20

ಆಚೇಂಗಿ ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಉಪವಾಸ ಮಾಡ್‌ವಾಂದ್ ಎಣ್ಣ್‌ಚಿ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:22

ಯೇಸು ಅಂವೊಂಡ ಶಿಷ್ಯಂಗಕ್: ಮನುಷ್ಯಕುಮಾರಂಡ ದಿನತ್‍ನ ನೋಟ್‍ವಕ್ ನಿಂಗ ದುಂಬ ಪಾರಕಾತಂಡಿಪ್ಪ ಸಮಯ ಬಪ್ಪ, ಆಚೇಂಗಿ ನಿಂಗಕ್ ನೋಟ್‍ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:34

ಅದ್ಂಗ್ ಅಂವೊ: ಮಂಗಲಕಾರ ಇಕ್ಕಣಕೆ ಮಂಗಲಕಾರಂಡ ಚಂಙಾದಿಯಳ ನಿಂಗ ಪಟ್ಟಣಿ ನಿಪ್ಪಕ್ ಮಾಡ್‍ಚಿಡ್‌ವಕ್ ಕಯ್ಯುವ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:35

ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಉಪವಾಸ ಮಾಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 16:6

ಆಚೇಂಗಿಯು, ನಾನ್ ಈ ತಕ್ಕ್ ಪರ್‌ಂದಾಂಗ್ ನಿಂಗಡ ಹೃದಯ ದುಃಖತ್‍ಲ್ ದುಂಬಿತುಂಡ್.

ಯೋಹಾನ 3:29

ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

1 ಕೊರಿಂಥ 7:5

ಪ್ರಾರ್ಥನೆಲ್ ಚೆನ್ನ ಕಾಲ ಇರಂಡೂಂದ್ ನಿಂಗ ದಂಡಾಳು ತೀರ್ಮಾನ ಮಾಡಿತ್ ದಂಡಾಳು ಒತ್ತತೇಂಗಿ ಮಾತ್ರ ಚೆನ್ನ ಕಾಲ ಬೋರೆ ಬೋರೆಯಾಯಿತ್ ಇಪ್ಪಕ್ ಆಪ. ನಿಂಗಕ್ ತನ್ನಡಕ ಇಲ್ಲತಗುಂಡ್ ಬೋರೆಯಿಂಗಡ ಕೂಡೆ ತಪ್ಪ್ ಮಾಡ್‌ವನೆಕೆ ಸೈತಾನ ನಿಂಗಳ ಸೋದನೆ ಮಾಡತನೆಕೆ ಪುನಃ ಕೂಡಿ ಬಂದಿತ್ ಒಕ್ಕಚೆ ಇರಂಡು.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

ಪ್ರಕಟನೆ 19:9

ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.