ಮತ್ತಾಯ 9:14 - ಕೊಡವ ಬೈಬಲ್

¹⁴ ಒರ್ ದಿನ ಯೋಹಾನಂಡ ಶಿಷ್ಯಂಗ ಯೇಸುರ ಪಕ್ಕ ಬಪ್ಪಂಜಿ, ನಂಗಳು, ಫರಿಸಾಯಂಗಳು ಅಕ್ಕಕ್ಕ ಪಟ್ಟಣಿ ನಿಂದಂಡಿಪ್ಪಕ, ನೀಡ ಶಿಷ್ಯಂಗ ಎನ್ನಂಗ್ ಪಟ್ಟಣಿ ನಿಂದಂಡಿಲ್ಲೇಂದ್ ಕ್‍ೕಟತ್.

ಮತ್ತಾಯ 9:14 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 20:6

ಎಕ್ಕಾಲು ಪ್ರೀತಿಚಿಡ್‌ವೀಂದ್‌ ಸುಮಾರ್‌ ಜನ ಪ್ರಕಟಿಚಿಡುವ. ಆಚೇಂಗಿ ನಂಬಿಗಸ್ತನಾನ ಒಬ್ಬನ ದಾರ್‌ಕ್‌ ಕಂಡ್‌ಪುಡಿಪಕಯ್ಯು?

ಮತ್ತಾಯ 11:2

ಅಕ್ಕ ಜೈಲ್‍ಲ್ ಇಂಜ ಯೋಹಾನ, ಯೇಸು ಕ್ರಿಸ್ತ ಮಾಡಿಯಂಡುಳ್ಳ ಎಲ್ಲಾ ಅದ್ಬುತ ಕಾರ್ಯತ್‍ನ ಕ್‍ೕಟಿತ್ ಅಂವೊಂಡ ಶಿಷ್ಯಂಗಳ ಯೇಸುರ ಪಕ್ಕ ಅಯಿಚಿತ್:

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 9:15

ಅದ್ಂಗ್ ಯೇಸು: ಮಂಗಲತ್‍ರ ಮನೆಲ್, ಮಂಗಲಕಾರ ಕೂಡೆ ಇಪ್ಪಕ, ಎನ್ನನೆ ಅಂವೊಂಡ ಚಂಙಾದಿಯ ಬೇಜಾರತ್‍ಲ್ ಇಪ್ಪ. ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಪಟ್ಟಣಿ ನಿಪ್ಪಾಂದ್ ಎಣ್ಣ್‌ಚಿ.

ಯೋಹಾನ 3:25

ಅಕ್ಕ ಯೋಹಾನಂಡ ಶಿಷ್ಯಂಗಕು ಯೆಹೂದ್ಯ ಒಬ್ಬಂಗು ಅಯಿಂಗಡ ಪದ್ದತಿರ ಪ್ರಕಾರ ಶುದ್ದವಾಯಿತ್ ಇಪ್ಪ ವಿಷಯತ್‍ಲ್ ವಾದ ಸುರು ಆಚಿ.

ಯೋಹಾನ 4:1

ಯೇಸು ಯೋಹಾನಕಿಂಜ ದುಂಬ ಶಿಷ್ಯಂಗಳ ಮಾಡಿಯಂಡ್, ದೀಕ್ಷಾಸ್ನಾನ ಕೊಡ್‍ತಂಡುಂಡ್‍ೕಂದ್ ಫರಿಸಾಯಂಗಕ್ ಗೊತ್ತಾಚೀಂದ್ ಯೇಸುಕ್ ಗೊತ್ತಾಚಿ.