ಮತ್ತಾಯ 8:6 - ಕೊಡವ ಬೈಬಲ್

⁶ ಸ್ವಾಮೀ, ನಾಡ ಆಳ್ ಒಬ್ಬ ಪಾರ್ಶ್ವವಾಯುಲ್ ದುಂಬ ಕಷ್ಟಪಟ್ಟಂಡ್ ಬುದ್ದಿತುಂಡ್‍ೕಂದ್ ಬೋಡಿಯಂಡತ್.

ಮತ್ತಾಯ 8:6 ပူးပေါင်းရင်းမြစ်များ

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮತ್ತಾಯ 8:7

ಯೇಸು ನಾನ್ ಬಂತ್ ಅಂವೊನ ಚಾಯಿಮಾಡ್‌ವೀಂದ್ ಎಣ್ಣ್‌ಚಿ.

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

ಅಪೊಸ್ತಲ 8:7

ಎನ್ನಂಗೆಣ್ಣ್‌ಚೇಂಗಿ ದುಂಬ ಕೂಳಿಯ, ಜನಡ ಒಳ್‌ಳಿಂಜ ಜೋರಾಯಿತ್ ಕೂತ್ ಕೊಡ್‌ತಂಡ್ ಪೊರಮೆ ಬಾತ್; ಅದಲ್ಲತೆ, ಪಾರ್ಶ್ವವಾಯುಲ್ ಇಂಜ ದುಂಬ ಜನ ಪಿಂಞ ದುಂಬ ಕುಂಟಂಗ ಸಹ ವಾಸಿ ಆಚಿ.

ಅಪೊಸ್ತಲ 9:33

ಅಲ್ಲಿ ಎಟ್ಟ್ ಕಾಲತ್ಂಜ ಪಾರ್ಶವಾಯುಲಿಂಜ, ಮೆತ್ತೆಲ್ ಬುದ್ದಡಿಂಜ ಐನೇಯ ಎಣ್ಣುವ ಒಬ್ಬನ ಪೇತ್ರ ಕಂಡತ್.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

ಕೊಲೊಸ್ಸೆ 4:1

ಎಜಮಾನಂಗಳೇ, ನಿಂಗಕ್ ಸಹ ಪರಲೋಕತ್‍ಲ್ ಎಜಮಾನ ಉಂಡ್‍ೕಂದ್ ಗೇನ ಮಾಡಿತ್, ನಿಂಗಡ ಆಳುವಳ ಚಾಯಿತೆ ನೋಟಿಯಂಡ್, ನೀತಿಲ್ ಪಿಂಞ ಏದ್ ನಲ್ಲದೋ ಅದ್‍ನ ಅಯಿಂಗಕ್ ಮಾಡಿ.

1 ತಿಮೊಥೆಯ 6:2

ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಎಜಮಾನಂಗ ಇಂಜತೇಂಗಿ, ಅಯಿಂಗಕ್ ನಿಂಗ ಕಮ್ಮಿ ಮರ್ಯಾದೆ ಕೊಡ್‍ಪಕ್ಕಾಗ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಳು ನಿಂಗಳು ದೇವಡ ಮಿಂಞತ್‍ಲ್ ಅಣ್ಣತಮ್ಮಣಂಗಳಾಯಿತುಳ್ಳಿರ. ಅಡಿಯಾಳನಾನ ನಿಂಗ ನಿಂಗಡ ಎಜಮಾನಂಗ ಇಂಞು ದುಂಬ ಕಷ್ಟಪಟ್ಟಿತ್ ನಯಿಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವಡ ಪ್ರೀತಿ ನಿಂಗ ದಂಡಾಳ್‍ಕು ಕ್‍ಟ್ಟಿತುಂಡ್. ತಿಮೊಥೆಯ, ಇದ್‍ನೆಲ್ಲ ಎಲ್ಲಾರ್‌ಕು ಎಣ್ಣಿ ಕೊಡ್‌ತಿತ್ ಅನ್ನನೆ ನಡ್‍ಪಕ್ ಪುರ್‌ಡ್ ಕೊಡ್.

ಫಿಲೆಮೋನ 1:16

ಅಂವೊ, ನಾಕೇ ಇಚ್ಚಕ್ ಪ್ರೀತಿಯುಳ್ಳ ತಮ್ಮಣನಾಯಿತ್ ಇಂಜತೇಂಗಿ, ನೀಕ್ ತಡೀರ ಪ್ರಕಾರವು, ಒಡೆಯಂಡಲ್ಲಿಯು ಒರ್ ತಮ್ಮಣನಾಯಿತ್ ಎಚ್ಚಕ್ ಪ್ರೀತಿಲ್ ಇಪ್ಪ.