ಮತ್ತಾಯ 8:3 - ಕೊಡವ ಬೈಬಲ್

³ ಯೇಸು ಅಂವೊಂಡ ಕೈಯಿನ ನೋಟ್‌ವಂಜಿ ಅಂವೊನ ಮುಟ್ಟಿತ್: ನಾಕ್ ಕುಶಿ ಉಂಡ್, ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಒಡನೆ ಆ ಮನುಷ್ಯಂಡ ಕುಷ್ಟರೋಗ ವಾಸಿ ಆಚಿ.

ಮತ್ತಾಯ 8:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:3

ಅಕ್ಕ ದೇವ: ಬೊಳಿ ಆಡ್‍ೕಂದ್‌ ಎಣ್ಣ್‌ಚಿ. ಅಕ್ಕ ಬೊಳಿ ಬಾತ್.

ಮತ್ತಾಯ 12:13

ಪಿಂಞ ಆ ಮನುಷ್ಯನ ನೋಟಿತ್: ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ. ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈಯಿನ ಪೂರ್ತಿ ವಾಸಿಯಾಚಿ; ಅಕ್ಕ ಆ ಕೈ ಬೋರೆ ಕೈಯಿರನೆಕೆ ಆಚಿ.

ಮಾರ್ಕ 1:41

ಯೇಸುಕ್ ದುಂಬ ಕನಿಕರ ಆಯಿತ್, ಯೇಸು ಅಂವೊಂಡ ಕೈಯಿನ ನೀಟುವಂಜಿ ಅಂವೊನ ಮುಟ್ಟಿತ್: ನಾಕ್ ಕುಶಿ ಉಂಡ್, ಶುದ್ದ ಆಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 4:39

ಯೇಸು ಎದ್ದಿತ್, ನಿಪ್ಪಂಜಿ, ಗಾಳಿನ ಚೂಕಿತ್, ಕೆರೆನ ನೋಟಿತ್: ಶಾಂತ ಆಯಿರ್, ಮುಂಡತೆ ಇರ್‍ೕಂದ್ ಹುಕುಮ್ ಕೊಡ್‍ತತ್. ಅಕ್ಕನೆ ಗಾಳಿ ನಿಂದಿತ್ ದುಂಬ ಶಾಂತವಾಚಿ.

ಮಾರ್ಕ 5:41

ಕುಂಞಿರ ಕೈಯಿನ ಪುಡ್‌ಚಿತ್ ತಲಿಥಾಕೂಮ್‌ಂದ್ ಎಣ್ಣ್‌ಚಿ. ಅದ್ಂಗ್ ಚುಮ್ಮಿ ಕುಂಞಿ ನೀನ್ ಏಳ್‍ೕಂದ್ ನಾನ್ ಎಣ್ಣ್‌ವೀಂದ್ ಅರ್ಥ.

ಮಾರ್ಕ 7:34

ಅಂವೊ ಕೊಡಿಕ್ ಪರಲೋಕತ್‌ನ ನೋಟ್‌ವಂಜಿ, ನಿಟ್ಟುಸಿರ್ ಬುಟ್ಟಿತ್, ಎಪ್ಫಥಾಂದ್ ಎಣ್ಣ್‌ಚಿ. ಅದ್ಂಗ್ ತೊರಕ್‌ಡ್‍ೕಂದ್ ಅರ್ಥ.

ಮಾರ್ಕ 9:25

ಅಕ್ಕ ಜನ ಅಂವೊಂಡ ಪಕ್ಕ ಓಡಿ ಬಪ್ಪದ್‍ನ ಯೇಸು ಕಂಡ್, ಕ್‍ಣ್ಣಂಡ ಮೇಲ್‌ಲ್ ಉಳ್ಳ ಕೂಳಿನ ನೋಟಿತ್: ಮೂಗ ಪಿಂಞ ಚೌಡ್ ಕೂಳಿಯೇ ಆ ಕ್‌ಣ್ಣನ ಬುಟ್ಟಿತ್ ಪೊರಮೆ ಬಾ, ಇಂಞು ಅಂವೊಂಡ ಒಳ್‍ಕ್ ಪೋಪಕ್ಕಾಗ ಎಣ್ಣಿಯಂಡ್ ಆಜ್ಞೆ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:27

ಇದ್‍ಲ್ಲತೆ ಎಲೀಷ ಎಣ್ಣುವ ಪ್ರವಾದಿರ ಕಾಲತ್‍ಲ್ ಇಸ್ರಾಯೇಲ್‌ಲ್ ಎಚ್ಚಕೋ ಕುಷ್ಟರೋಗಿಯ ಇಂಜತ್. ಆಚೇಂಗಿ ಸಿರಿಯ ದೇಶಕಾರನಾನ ನಾಮಾನ್ ಅಲ್ಲತೆ ಬೋರೆ ದಾರ್‌ಕು ವಾಸಿಯಾಪಕ್ ಕಯಿಂಜತಿಲ್ಲೆಲ್ಲಾಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:13

ಯೇಸು ಅಂವೊಂಡ ಕೈಯಿನ ನೀಟುವಂಜಿ: ಅಂವೊನ ಮುಟ್ಟಿತ್, ನಾಕ್ ಕುಶಿ ಉಂಡ್, ನೀಡ ಕುಷ್ಟರೋಗ ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಅಚ್ಚಕ್ ಬೆರಿಯ ಅಂವೊಂಡ ಕುಷ್ಟರೋಗ ಶುದ್ದ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:14

ಚಾವ್ ತಡೀನ ಎಡ್‍ತಂಡ್ ಪೋಯಂಡಿಂಜ ಪೊಟ್ಟಿರ ಪಕ್ಕ ಪೋಯಿತ್ ಅದ್‍ನ ಮುಟ್ಟ್‌ಚಿ; ಚಾವ್ ತಡೀನ ಪೊರ್‌ತಂಡಿಂಜಯಿಂಗ ನಿಂದತ್; ಅಕ್ಕ ಅಂವೊ, ಬಾಲೆಕಾರನೇ, ಏಳ್ಂದ್ ನಾನ್ ನೀಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 11:43

ಅಲ್ಲಿಂಜ ಯೇಸು: ಜೋರಾಯಿತ್ ಲಾಜರನೇ, ನೀನ್ ಪೊರಮೆ ಬಾಂದ್ ಕಾಕ್‍ಚಿ.

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 5:21

ಅಪ್ಪ, ಚತ್ತ್ ಪೋನಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವನೆಕೆ, ಮೋಂವೊನು ಸಹ ಅಂವೊಂಗ್ ಕುಶಿಯುಳ್ಳಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವ.