ಮತ್ತಾಯ 8:29 - ಕೊಡವ ಬೈಬಲ್

²⁹ ಅಯಿಂಗ ದಂಡಾಳು ಯೇಸುನ ಕಂಡಿತ್: ದೇವಡ ಮೋಂವೊನೇ ನೀಕ್ ನಂಗಡಗುಂಡ್ ಎಂತ ಆಂಡು? ದೇವ ಬೆಚ್ಚಿತುಳ್ಳ ಸಮಯಕಿಂಜಿ ಮಿಂಞ, ನಂಗಕ್ ಕಷ್ಟ ತಪ್ಪಕಾಯಿತ್ ಬಂದಿಯಾಂದ್ ಕೂತ್ ಕೊಡ್‍ತತ್.

ಮತ್ತಾಯ 8:29 ပူးပေါင်းရင်းမြစ်များ

ಮತ್ತಾಯ 4:3

ಅಕ್ಕ ಸೈತಾನ ಯೇಸುರ ಪಕ್ಕ ಬಂತ್: ನೀನ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 8:30

ಅಲ್ಲಿಂಜ ಚೆನ್ನ ದೂರತ್‍ಲ್ ದುಂಬ ಪಂದಿಯ ಮೇಯಿಜಂಡ್ ಇಂಜತ್.

ಮಾರ್ಕ 1:24

ಅಂವೊ ಯೇಸುನ ಕಾಂಬಕ: ಅಯ್ಯೋ! ನಜರೇತಿನ ಯೇಸುವೇ, ನೀಕ್ ನಂಗಡಗುಂಡ್ ಎಂತ ಆಂಡು? ನಂಗಳ ಪಾಳ್ ಮಾಡ್‌ವಕಾಯಿತ್ ಬಂದಿತುಳ್ಳಿಯ? ನೀನ್ ದಾರ್‍ೕಂದ್ ನಾಕ್ ಗೊತ್ತುಂಡ್. ನೀನ್ ದೇವಡ ಪವಿತ್ರವಾನಂವೋಂದ್ ಕೂತ್ ಕೊಡ್‍ತತ್.

ಮಾರ್ಕ 3:11

ಕೂಳಿ ಪುಡ್‌ಚ ಜನ ಅಂವೊನ ಕಾಂಬಕ, ನೀನ್ ನೇರಾಯಿತು ದೇವಡ ಮೋಂವೊನೇ ಎಣ್ಣಿಯಂಡ್ ನೆಲಕ್ ಬುದ್ದಿತ್ ಕೂತ್ ಕೊಡ್‍ತತ್.

ಮಾರ್ಕ 5:7

ಅಂವೊ ಜೋರಾಯಿತ್ ಕೂತ್ ಕೊಡ್‌ತಂಡ್: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು, ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ದೇವಡ ಮೇಲೆ ಆಣೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:34

ಆ ಮನುಷ್ಯ ಯೇಸುನ ಕಾಂಬಕ: ಅಯ್ಯೋ! ನಜರೇತ್‌ರ ಯೇಸುವೇ, ನೀಕ್ ನಂಗಡಗುಂಡ್ ಎಂತ ಆಂಡು? ನಂಗಳ ಪಾಳ್ ಮಾಡ್‌ವಕಾಯಿತ್ ಬಂದಿತುಳ್ಳಿಯ? ನೀನ್ ದಾರ್‍ೕಂದ್ ನಾಕ್ ಗೊತ್ತುಂಡ್. ನೀನ್ ದೇವಡ ಪವಿತ್ರವಾನಂವೋಂದ್ ಜೋರಾಯಿತ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:41

ಕೂಳಿಯಂಗ ನೀನ್ ನೇರಾಯಿತು ದೇವಡ ಮೋಂವೋಂದ್ ಕೂತ್ ಕೊಡ್‌ತಂಡ್ ದುಂಬ ಜನಳ ಬುಟ್ಟಿತ್ ಪೋಚಿ. ಆ ಕೂಳಿಯಂಗಕೆಲ್ಲ ಅಂವೊ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಗೊತ್ತ್ಂಜಗುಂಡ್ ಅಂವೊ ಅಯಿಂಗಳ ಒರ್ ತಕ್ಕು ಪರಿವಕ್ಕಾಗಾಂದ್ ಆಜ್ಞೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28

ಆ ಕೂಳಿ ಪುಡ್‌ಚ ಮನುಷ್ಯ ಯೇಸುನ ಕಂಡದು ಜೋರಾಯಿತ್ ಕೂತ್ ಕೊಡ್‌ತಿತ್, ಯೇಸುರ ಕಾಲ್‌ಕ್ ಬೂವಂಜಿ: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು? ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ಎಣ್ಣ್‌ಚಿ.

ಯೋಹಾನ 2:4

ಯೇಸು ಅವಕ್: ಅವ್ವ, ನಾನ್ ಎಂತ ಮಾಡಂಡೂಂದ್ ನೀನ್ ಎನ್ನಂಗ್ ನಾಕ್ ಎಣ್ಣ್‌ವಿಯಾ? ನಾಡ ಸಮಯ ಇಂಞು ಬಂದಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 16:17

ಆ ಕಣಿಯತಿ, ಪೌಲ ಪಿಂಞ ನಂಗಡ ಬೆಂಬರತ್ ಬಂದಿತ್: ಈ ಮನುಷ್ಯಂಗ ದೇವಾದಿ ದೇವಡ ಸೇವಕಂಗ; ರಕ್ಷಣೆರ ಬಟ್ಟೇನ ನಂಗಕ್ ಎಣ್ಣಿ ಕೊಡ್‍ಪಯಿಂಗಾಂದ್ ಕೂತ್ ಕೊಡ್‌ತಂಡ್ ಇಂಜತ್.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.

2 ಪೇತ್ರ 2:4

ಪಾಪ ಮಾಡ್‍ನ ಪರಲೋಕತ್‍ಲ್ ಇಂಜ ದೂತಂಗಳ ಸಹ ದೇವ ಬುಟ್ಟಿತ್‌ಲ್ಲೆ, ಅಯಿಂಗಳ ನರಕಕ್ ಅಯಿಚಿತ್, ಇರ್‌ಟಾನ ಕುಂಡ್‍ಲ್ ತಳ್ಳಿತ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬೆಚ್ಚಿತುಂಡ್.

ಯೂದ ಒಳ್‍ದ್‍ನ ಕಾಗದ 1:6

ಅಯಿಂಗಯಿಂಗಡ ಅದಿಕಾರತ್‍ರ ಸ್ತಾನತ್‍ನ ಕಾಪಾಡತೆ, ಅಯಿಂಗಕ್ ದೇವ ತಂದ ಜಾಗತ್‍ನ ಬುಟ್ಟಿತ್ ಪೋನ ಪರಲೋಕತ್‍ಲ್ ಇಂಜ ಚೆನ್ನ ದೂತಂಗಳ, ಅಂವೊ ಮಹಾ ದಿವಸತ್‍ರ ತೀರ್ಪ್‌ಕಾಯಿತ್ ಅಯಿಂಗಳ ನಿತ್ಯ ಸರ್ಪಣಿಲ್ ಕೆಟ್ಟಿತ್ ಇರ್‌ಟ್‌ಲ್ ಬೆಚ್ಚಿತ್ ಉಂಡ್.