ಮತ್ತಾಯ 8:25 - ಕೊಡವ ಬೈಬಲ್

²⁵ ಶಿಷ್ಯಂಗ ಅಂವೊಂಡ ಪಕ್ಕ ಪೋಪಂಜಿ, ಯೇಸುನ ಎಪ್ಪಿತ್, ಒಡೆಯನೇ! ನಂಗಳ ಕಾಪಾಡ್, ನಂಗ ನೀರ್‌ಲ್ ಮುಳ್‍ಗಿಯಂಡುಂಡ್‍ೕಂದ್ ಜೋರಾಯಿತ್ ಕೂತ್ ಕೊಡ್‍ತತ್.

ಮತ್ತಾಯ 8:25 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:6

ಅಕ್ಕಣೆಕ್ ಹಡ್‌ಗ್‌ರ ನಾಯಕ ಅಂವೊಂಡ ಪಕ್ಕ ಬಂತ್: ನೀನ್‌ ಎನ್ನಂಗ್‌ ಇನ್ನನೆ ಒರ್ವೊ? ಎದ್ದಿತ್‌ ನೀಡ ದೇವಕ್‌ ಮೊರೆ ಇಡ್. ನಂಗ ನಾಶ ಆಯಿಪೋಕತೆ ನೀಡ ದೇವ ಒಮ್ಮಕೆ ನಂಗಳ ರಕ್ಷಣೆ ಮಾಡುವೊ ಎಂತೋಂದ್‌ ಎಣ್ಣ್‌ಚಿ.

ಮತ್ತಾಯ 8:2

ಕುಷ್ಟರೋಗ ಇಂಜ ಒರ್ ಮನುಷ್ಯ ಯೇಸುರ ಪಕ್ಕ ಬಂದಿತ್ ಮೊಣಕಾಲ್ ಇಟ್ಟಿತ್: ಒಡೆಯನೇ, ನೀಕ್ ಕುಶಿ ಉಂಡೇಂಗಿ ನನ್ನ ಶುದ್ದ ಮಾಡ್‌ವಕ್ ನೀಕ್ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 8:24

ಒಮ್ಮಕೆ, ಒರ್ ಎಚ್ಚರಿಕೆಯು ಇಲ್ಲತೆ ದೋಣಿ ಅಲೆಯಿಂಜ ಮುಳ್‌ಗ್‌ವನೆಕೆ ಜೋರಾಯಿತ್ ಬಿರ್‌ಗಾಳಿ ಬಾತ್. ಆಚೇಂಗಿ ಯೇಸು ವರಿಯಂಡಿಂಜತ್.

ಮತ್ತಾಯ 9:18

ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ, ಒರ್ ಅದಿಕಾರಿ ಬಂದಿತ್ ಯೇಸುರ ಪಕ್ಕ ಮೊಣಕಾಲ್ ಇಟ್ಟಿತ್, ನಾಡ ಮೋವ ಇಕ್ಕಲೆ ಚತ್ತ್ ಪೋಚಿ. ಆಚೇಂಗಿ ನೀನ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಚ್ಚತೇಂಗಿ ಅವ ಬದ್‌ಕ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:24

ಅಯಿಂಗೆಲ್ಲ ಅಂವೊಂಡ ಪಕ್ಕ ಪೋಯಿತ್ ಎಪ್ಪ್‌ಚಿಟ್ಟಿತ್, ಉಪಾದ್ಯನೇ, ಉಪಾದ್ಯನೇ ನಂಗ ನೀರ್‌ಲ್ ಮುಳ್‍ಗಿಯಂಡುಂಡ್‍ೕಂದ್ ಎಣ್ಣ್‌ಚಿ. ಯೇಸು ಎದ್ದಿತ್ ಗಾಳಿನ ಪಿಂಞ ಅಲೆನ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಅಕ್ಕಣೆ, ಗಾಳಿ ನಿಂದಿತ್, ಶಾಂತಿ ಆಚಿ.