ಮತ್ತಾಯ 8:20 - ಕೊಡವ ಬೈಬಲ್

²⁰ ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 8:20 ပူးပေါင်းရင်းမြစ်များ

ಮತ್ತಾಯ 12:32

ಆನಗುಂಡ್, ಮನುಷ್ಯಕುಮಾರಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್ ಮನ್ನಿಪ್ ಕ್‍ಟ್ಟ್‌ವ, ಆಚೇಂಗಿ ಪವಿತ್ರಾತ್ಮಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್, ಈ ಲೋಕತ್‌ಲು ಪರಲೋಕತ್‌ಲು ಮನ್ನಿಪ್ ಕ್‍ಟ್ಟ್‌ಲೆ.

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಮತ್ತಾಯ 12:8

ಮನುಷ್ಯಕುಮಾರ ಸಬ್ಬತ್ ದಿವಸಕೂ ಒಡೆಯನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 13:37

ಅದ್ಂಗ್ ಯೇಸು: ನಲ್ಲ ಗೋದಿ ಕಾಳ್‌ನ ಬಿತ್ತ್‌ನಂವೊ ಮನುಷ್ಯಕುಮಾರ,

ಮತ್ತಾಯ 16:13

ಕೈಸರೈಯ ಫಿಲಿಪ್ಪಿ ಎಣ್ಣುವ ಪಟ್ಟಣತ್‍ರ ಸುತ್ತ್‌ಲ್ ಇಂಜ ಪ್ರಾಂತ್ಯತ್‍ರ ಪಕ್ಕ ಬಪ್ಪಕಾಪಕ, ತಾಂಡ ಶಿಷ್ಯಂಗಳ ನೋಟುವಂಜಿ: ಈ ಜನ ಮನುಷ್ಯಕುಮಾರನ ದಾರ್‍ೕಂದ್ ಎಣ್ಣುವಾಂದ್ ಕ್‍ೕಟತ್.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 17:9

ಅಯಿಂಗ ಕುಂದಿಂಜ ಅಡಿಕ್ ಇಳ್ಂಜಿತ್ ಬಂದಂಡ್ ಇಪ್ಪಕ ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಚಾವ್‍ಯಿಂಜ ಪುನಃ ಜೀವವಾಯಿತ್ ಬಪ್ಪಕತ್ತನೆ ಅಯಿಂಗ ಕಂಡದ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಆಜ್ಞೆ ಕೊಡ್‍ತತ್.

ಮತ್ತಾಯ 19:28

ಅದ್ಂಗ್ ಯೇಸು: ಮನುಷ್ಯಕುಮಾರ ಪುದಿಯ ಲೋಕತ್‍ನ ಮಾಡಿತ್ ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ಪಕಾಪಕ, ನಾಡ ಬೋದನೆನ ಕ್‍ೕಟಿತ್ ನಾಡ ಬಯ್ಯ ಬಂದ ನಿಂಗ ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಅಳ್‌ಪಿರಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮಾರ್ಕ 8:38

ಪಾಪ ಪಿಂಞ ವ್ಯಬಿಚಾರ ದುಂಬ್‍ನ ಈ ಲೋಕತ್‍ಲ್, ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಸಹ ತಾಂಡ ಅಪ್ಪಂಡ ಮಹಿಮೆಲ್ ತಾಂಡ ಪವಿತ್ರ ದೂತಂಗಡ ಕೂಡೆ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‍ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:8

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರ್ ಮನುಷ್ಯಂಗಡ ಮಿಂಞತ್ ಅಂವೊ ನಾಡಂವೋಂದ್ ಎಣ್ಣ್‌ವ, ಮನುಷ್ಯಕುಮಾರ, ಅಂವೊನ ದೇವದೂತಂಗಡ ಮಿಂಞತ್ ನಾಡಂವೋಂದ್ ಎಣ್ಣುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:8

ಅಯಿಂಗಕ್, ಅಯಿಂಗ ಕ್‍ೕಟ ನ್ಯಾಯತ್‍ನ ಬೆರಿಯ ಕೊಡ್‍ಪಾಂದ್ ನಿಂಗಕ್ ಎಣ್ಣ್‌ವಿ. ಇನ್ನನಾಚೇಂಗಿಯು ಮನುಷ್ಯಕುಮಾರ ಬೂಮಿಕ್ ಬಪ್ಪಕ, ನಂಬಿಕೇನ ಕಾಂಬಕ್ ಕಯ್ಯುವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:12

ಕುಂಞಿನ ಬಟ್ಟೇಲ್ ಸುತ್ತಿತ್ ಅಲ್ಲಿಯತ್‍ರ ಕೊಟ್ಟ್‌ಲ್ ಬುದ್ದಂಡಿಪ್ಪದ್‌ನ ನಿಂಗ ಕಾಂಬಿರ. ಇದೇ ನಿಂಗಕ್ ಗುರ್‌ತಾಯಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:16

ಅಯಿಂಗ ಬೆರಿಯ ಪೋಯಿತ್ ಮರಿಯ, ಯೋಸೇಫ ಪಿಂಞ ಕೊಟ್ಟ್‌ಲ್ ಬುದ್ದಡಿಂಜ ಕುಂಞಿನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:7

ಅವ ಮೊದ ಕ್‍ಣ್ಣ ಕುಂಞಿನ ಪೆತ್ತತ್. ಅಯಿಂಗಕ್ ಚತ್ರತ್‌ಲ್ ಜಾಗ ಇಲ್ಲತ ಕಾರಣ ಅವ ಕುಂಞಿನ ಬಟ್ಟೇಲ್ ಸುತ್ತುವಂಜಿ ಒರ್ ಕೊಟ್ಟ್‌ಲ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:3

ಹೆರೋದ ರಾಜಂಡಲ್ಲಿ ಒರ್ ಮುಕ್ಯ ಅದಿಕಾರಿಯಾಯಿತ್ ಕೆಲಸ ಮಾಡಿಯಂಡಿಂಜ ಕೂಜ ಎಣ್ಣ್‌ವಂವೊಂಡ ಪೊಣ್ಣ್ ಯೊಹನ್ನ ಎಣ್ಣುವಯಿಂಗಳೇ. ಬೋರೆ ದುಂಬ ಪೊಣ್ಣಾಳುವಳು ಯೇಸುರ ಕೂಡೆ ಇಂಜತ್. ಈ ಪೊಮ್ಮಕ ಅಯಿಂಗಡ ಸ್ವಂತ ಆಸ್ತಿಯಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗಕ್ ಸೇವೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:58

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:51

ಪರಲೋಕ ತೊರಂದಿತ್ ದೇವದೂತಂಗ ಮನುಷ್ಯಕುಮಾರಂಡಿಂಜ ಪೋಪದ್‌ನ ಪಿಂಞ ಇಳಿಂಜ್ ಬಪ್ಪದ್‍ನ ಇಕ್ಕಯಿಂಜ ನಿಂಗ ಎಲ್ಲಾರು ಕಾಂಬಿರಾಂದ್ ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 12:34

ಅಕ್ಕ ಅಲ್ಲಿ ಇಂಜ ಜನಡ ಗುಂಪ್: ಕ್ರಿಸ್ತ ಎಕ್ಕಾಲು ಬದ್‍ಕಿಯಂಡ್ ಇಪ್ಪಾಂದ್ ನಂಗಡ ನ್ಯಾಯಪ್ರಮಾಣ ನಂಗಕ್ ಎಣ್ಣುವ. ಅನ್ನನೆ ಇಪ್ಪಕ, ಮನುಷ್ಯಕುಮಾರನ ಕೊಡಿಕ್ ನೇತುವಾಂದ್ ನಿಂಗ ಎನ್ನನೆ ಎಣ್ಣುವಿರ? ಅಕ್ಕ, ದಾರ್ ಈ ಮನುಷ್ಯಕುಮಾರಾಂದ್ ಕ್‍ೕಟತ್.

ಯೋಹಾನ 13:31

ಯೂದ ಅಲ್ಲಿಂಜ ಪೋನ ಪಿಂಞ, ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಅಂವೊಂಡ ಮಹಿಮೆಲ್ ಪೋಪಕ್ ಸಮಯ ಬಾತ್. ಅಂವೊನಗುಂಡ್ ದೇವಕ್ ಸಹ ಮಹಿಮೆ ಕ್‍ಟ್ಟುವ.

ಯೋಹಾನ 3:13

ಮನುಷ್ಯಕುಮಾರನಲ್ಲತೆ ಬೋರೆ ದಾರೂ ಪರಲೋಕಕ್ ಪೋಯಿತ್‌ಲ್ಲೆ, ಅಂವೊನಲ್ಲತೆ ದಾರೂ ಪರಲೋಕತ್ಂಜ ಈ ಲೋಕಕ್ ಬಂದಿತೂ ಇಲ್ಲೆ.

ಯೋಹಾನ 3:14

ಮೋಶೆ ಮಣಬೂಮಿಲ್ ಎನ್ನನೆ ಒರ್ ಕಚ್ಚಿ ಪಾಂಬ್‍ನ ನೇತ್‍ಚೋ ಅನ್ನನೆ ಮನುಷ್ಯಕುಮಾರನ ಸಹ ಕೊಡಿಕ್ ನೇತಂಡು.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಯೋಹಾನ 6:53

ಅಯಿಂಗಕ್ ಯೇಸು: ಮನುಷ್ಯಕುಮಾರಂಡ ತಡೀನ ಉಂಗತೆ, ಅಂವೊಂಡ ಚೋರೆನ ಕುಡಿಕತೆ ಪೋನಕ, ನಿಂಗಡ ಒಳ್‍ಲ್ ಜೀವ ಇಲ್ಲೇಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಯೋಹಾನ 6:62

ಅನ್ನನೆ ಆಚೇಂಗಿ, ಮನುಷ್ಯಕುಮಾರ ಎಲ್ಲಿಂಜ ಬಾತೋ ಅಲ್ಲಿಕ್ ಪತ್ತಿತ್ ಪೋಪಾನ ನಿಂಗ ಕಂಡಕ ಎಂತ ಮಾಡ್‌ವಿರ?

ಅಪೊಸ್ತಲ 7:56

ಅಕ್ಕ, ಅಂವೊ ಅದ, ಪರಲೋಕ ತೊರಪಾನ, ಮನುಷ್ಯಕುಮಾರ ಪರಲೋಕತ್‍ಲ್ ದೇವಡ ಬಲ್‌ತೆ ಬರಿಲ್ ನಿಂದಂಡುಳ್ಳಾನ ನಾನ್ ಕಂಡಂಡುಳ್ಳ್‌ಂದ್ ಎಣ್ಣ್‌ಚಿ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.