ಮತ್ತಾಯ 8:17 - ಕೊಡವ ಬೈಬಲ್

¹⁷ ಅಂವೊ, ತಾಂಗ್ ತಾನೆ ನಂಗಡ ಕಾಯಿಲೆನ ಎಡ್‍ತಿತ್, ರೋಗತ್‍ನ ವಾಸಿ ಮಾಡ್‌ವಾಂದ್ ಎಣ್ಣುವ ಯೆಶಾಯಂಡ ಪ್ರವಾದನೆ ನೆರವೇರುವನಕೆ ಇದ್ ನಡ್ಂದತ್.

ಮತ್ತಾಯ 8:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:6

ಅಕ್ಕ ಅಬ್ರಹಾಮ ದಹನ ಬಲಿಕ್‌ ಬೋಂಡಿಯಾನ ಪುಳ್ಳಿನ ತಾಂಡ ಮೋಂವೊ ಇಸಾಕಂಡ ಮೇಲೆ ಬೆಚ್ಚಿತ್, ತಾಂಡ ಕೈಯಿಲ್‌ ತಿತ್ತ್‌ನ ಪಿಂಞ ಕತ್ತಿನ ಪುಡಿಚ್ಚಂಡ್‌ ದಂಡಾಳು ಒಕ್ಕಚೆ ಪೊರ್‌ಟತ್.

ಮತ್ತಾಯ 1:22

ಪ್ರವಾದಿಯಡ ಮೂಲಕ ಒಡೆಯ ಎಣ್ಣ್‌ನದ್ ನೆರೆವೇರ್‌ವನೆಕೆ ಇದೆಲ್ಲಾ ನಡ್ಂದತ್.

ಮತ್ತಾಯ 2:15

ಹೆರೋದ ರಾಜ ಚತ್ತ್‌ಪೋಪಕತ್ತನೆ ಅಲ್ಲೇ ಇಂಜತ್. ಐಗುಪ್ತ ದೇಶತ್ಂಜ ನಾಡ ಮೋಂವೊನ ಬಪ್ಪ್‌ಚಿಟ್ಟತ್‍ೕಂದ್ ಪ್ರವಾದಿಯಡ ಮೂಲಕ ದೇವ ಎಣ್ಣ್‌ನದ್ ನೆರೆವೇರುವನೆಕೆ ಇನ್ನನೆ ಆಚಿ.

ಮತ್ತಾಯ 2:23

ಆನಗುಂಡ್ ಅಂವೊ ನಜರೇತ್ ಎಣ್ಣುವ ಊರ್‌ಕ್ ಪೋಯಿತ್ ವಾಸಮಾಡ್‍ಚಿ. ಅಂವೊನ ನಜರೇತ್ ಎಣ್ಣುವ ಊರ್‌ಕ್ ಕೂಡ್‍ನಂವೋಂದ್ ಕಾಕ್‍ವಾಂದ್ ಪ್ರವಾದಿಯಂಗ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್.

ಮಾರ್ಕ 1:32

ಸೂರ್ಯ ಮುಳ್‌ಗ್‌ನ ಪಿಂಞ ಬೈಟಾಪಕ, ಜನ ರೋಗ ಉಳ್ಳಯಿಂಗಳ, ಕೂಳಿ ಪುಡ್‌ಚಯಿಂಗಳ ಯೇಸುರ ಪಕ್ಕ ಕಾಕಿಯಂಡ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:40

ಸೂರ್ಯ ಮುಳ್‌ಗ್‌ನ ಪಿಂಞ ಜನಯೆಲ್ಲ ನಾನಾತರ ಕಾಯಿಲೆ ಉಳ್ಳ ಜನಳ ಕಾಕಿಯಂಡ್ ಬಾತ್. ಯೇಸು ಎಲ್ಲಾಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ವಾಸಿ ಮಾಡ್‍ಚಿ.

2 ಕೊರಿಂಥ 12:10

ಆನಗುಂಡ್, ಕ್ರಿಸ್ತಂಗಾಯಿತ್ ನಾಕ್ ಬಪ್ಪ ಬಲಹೀನವಾನ ವಿಷಯತ್‍ಲ್, ಜನ ಎಣ್ಣುವ ದೂಷಣೇಲ್, ಹಿಂಸೇಲ್, ಕಷ್ಟತ್‍ಲ್, ದುಃಖತ್‍ಲ್ ನಾನ್ ಕುಶಿಪಟ್ಟಂಡುಳ್ಳ. ಅನ್ನನೆ, ನಾನ್ ಬಲಹೀನವಾಯಿತ್ ಇಪ್ಪಕಲೆ ಬಲ ಉಳ್ಳಂವೊನಾಯಿತುಳ್ಳ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.